(ಏಕಾದಶಿಯ ಮಹಿಮೆ)
ಸಾರುತ ಬಂದಿತೇಕಾದಶಿ ನಮ್ಮ
ನಾರಾಯಣನಾರಾಧಿಸಿ ಸುಖಗೊಳಿರೆಂದು ಪ.
ಕರ್ಮ ಕಲುಷವೆಲ್ಲ ಕಳಕೊಂಡು ಕುಲವನ್ನೆ
ನಿರ್ಮಲ ಮಾಡುವ ಮರ್ಮವಿದು
ಸ್ವರ್ಮಹೀಶ ದೇವ ಶರ್ಮವರದನ ಚಾ-
ತುರ್ಮಾಸೆಯಲಿ ಪೂಜಿಸಿರಿಯೆಂದು ಡಂಗುರ 1
ಕಮಲ ಮುಖ್ಯ ಹಲವು ಪುಷ್ಪವನೇರಿ
ಸಲು ಕೋಟಿಮಡಿಯಾದ ಫಲವೀವುದು
ನಿತ್ಯ ಮೋದದಿ ಸಿರಿಯಪ್ಪಿ
ಮಲಗಿರುವನು ವೃಂದಾವನ ಮೂಲದಲಿಯೆಂದು2
ಸುಂದರತರ ಪೂರ್ಣಾನಂದ ವೆಂಕಟರಾಜಾ-
ಜಾಗರ ಸಹಿತ
ಒಂದುಪವಾಸವಾÀದರು ಮಾಡಲಘವೆಲ್ಲ
ಇಂದು ನಿಶ್ಚಯವಾಗಿ 3

ತಿಳೀಮನವೇ ತಿಳೀಮನವೇ ತಿಳೀಮನವೇ
ತಿಳಿ ಸಂಪೂರ್ಣ ಸುಖತಾಣಾ ತಿಳಿ ಸಂಪೂರ್ಣ ಸುಖತಾಣಾ
ಸಾವಿನ ಬಾಧೆಯ ನೀಗುವಿ ನಿಜವಾಗೀ ಸಾವಿನ ಬಾಧಾ
ಭಾವಾತೀತನ ನೀ ತಿಳೀಮನವೇ ಪ
ನೋಡು ನೀನೇ ಆತ್ಮಸ್ವರೂಪಾ ಪೇಳಿದ ಗುರುಭೂಪಾ
ಪೇಳ್ದೆ ಗುರುಭೂಪಾ ದೂಡು ದೇಹಾದಿಗಳ ತಾಪಾ
ನೋಡುನಿಜರೂಪಾ ನೀ ನುಡಿಮನಗಳಿಗೂ ಕಡೆಯಾಗಿರುವ
ಅಡಗಿದ ಗೂಢವಿದು ತಿಳೀಮನವೇ 1
ಕರ್ಮ ಪಾಶಕೆ ಕಠಾರಿಯಿದು ಜ್ಞಾನಾ
ಮರ್ಮವಿದು ಘನಶಾಂತಿಯಾ ಸ್ಥಾನಾ
ಧರ್ಮಾಧರ್ಮವ ಮೀರಿಹ ತಾಣ
ದುರ್ಮತಿಯಾ ಬಿಡು ಜಾಣಾ
ಘೋರತರದ ಸಂಸಾರದ ನಾಶಾ
ಪೂರಣಗೊಂಬುದು ಆಶಾ
ಪರಾಶಾಂತಿಗಿನ್ನೊಂದನು ಕಾಣೆ
ಗುರುಶಂಕರನಾಣೇ ಗುರುಶಂಕರನಾಣೇ ತಿಳೀಮನವೇ 2