ನೆನೆಯುತ್ತ ತಿರಗುವೆನಯ್ಯ ಜೀಯ
ನಿನಗ್ಯಾಕೆ ದಯಬಾರದಯ್ಯ ಪ
ಮನುಮುನಿನುತ ನಿಮ್ಮ ವನÀರುಹಂಘ್ರಿಯಧ್ಯಾನ
ಅನುದಿನ ಬಿಡದೆ ಅ.ಪ
ಪೋಷಿಸಲೊಲ್ಲ್ಯಾಕೋ ನೀನು ನಿಮ್ಮಯ
ದಾಸನು ನಾನಲ್ಲವೇನು
ದೇಶದೇಶಂಗಳನ್ನು ನಾನು ಬಿಡದೆ
ಘಾಸ್ಯಾದೆ ತಿರುತಿರುಗಿನ್ನು
ಈಸು ದಿವಸ ವ್ಯರ್ಥ ಮೋಸವಾದೆನು ನಿಮ್ಮ
ಧ್ಯಾಸ ಮರೆದು ಭವಪಾಶವಿದೂರನೆ 1
ಪರುಷವ ಶಿರದೊಳು ಪೊತ್ತು ಎ
ನ್ನಿರವ್ಹಸಿದು ಬಳಲುವಂತಿತ್ತು
ಕರದಲ್ಲೆ ಮುಕುರುವಿತ್ತು ಅರಿಯದೆ
ಹಂಚಿನೋಳ್ಹಲ್ಕಿಸಿದಂತಿತ್ತು
ಪರಮಪುರುಷ ನಿಮ್ಮ ನೆರೆನಂಬಿ ಬದುಕದೆ
ದುರಿತದಿಂ ಬಳಲಿದೆ ಪರಿಪರಿ ಹರಿಹರಿ2
ವರಭಕ್ತರಭಿಮಾನ ನಿನಗೆ ಇಲ್ಲೇನು
ಸ್ಥಿರ ಮುಕ್ತಿ ಪದದಾಯಕನೆ
ಸ್ಥಿರವಾಗಿ ಅರಿದು ನಾ ನಿಮಗೆ ಮರೆಹೋದೆ
ಕರುಣದಿ ಕೊಡು ವರಸುತಗೆ
ಅರಘಳಿಗ್ಯಗಲದೆ ಸ್ಮರಿಪೆ ನಿಮ್ಮಯ ಪಾದ
ಶರಣಾಗತರ ಪಾಲ ಸಿರಿವಂತ ಶ್ರೀರಾಮ 3

ರಕ್ಷಿಸು ಎನ್ನನು ಪಕ್ಷಿವಾಹನ ಪಾಂಡು
ಪಕ್ಷನೆ ತವ ಭಕ್ತಿಯಗಲಿಸದೆ
ಲಕ್ಷಿಸಿ ಧ್ರುವನೊರೆದೆ ಲಕ್ಷ್ಮೀಶ ಮರೆಹೋದೆ ಪ
ಕ್ಷಿತಿಯೊಳು ನಾಂ ಬಲು ಚತುರನೆನಿಪದು
ರ್ಮತಿಯಿಂದ ಕಷ್ಟಕ್ಕೆ ಗುರಿಯಾದೆ
ರತಿಪತಿಪಿತ ಎನ್ನ ಅತಿತಪ್ಪು ಮನ್ನಿಸಿ
ಗತಿಗಾಣಿಸಿತ್ವಾಕ್ಯ ಅಖಿಲೇಶ
ಯತಿನುತ ಸುರಪೋಷ ಹತಭವ ಗುಣಕೋಶ 1
ಮಂದಮತಿಯತನದಿಂದ ನಾ ಮಾಡಿದ
ಹಿಂದಿನ ಅವಗುಣವೆಣಿಸದೆ
ಪಾದ ಎಂದೆಂದು ಮರೆಯದೆ
ಬಂಧುರಭಕ್ತಿಯ ವರ ನೀಡೊ
ಕಂದನೊಳ್ದಯಮಾಡೊ ತಂದೆ ನೀ ಕಾಪಾಡೊ 2
ದುರುಲನೆನಿಸಿ ಬಲು ಧರಣಿಯೊಳ್ತಿರುಗುವ
ಮರುಳುಗುಣವನೆನ್ನದೀಡ್ಯಾಡೊ
ಹರಿಯ ದಾಸರ ಸಂಗ ಕರುಣದಿ ದೊರಕಿಸಿ
ಪರಿಶುದ್ಧ ಮಾಡೆನ್ನ ಹೇಯ ಜನುಮ
ಶರಣಜನರ ಪ್ರೇಮ ಕರುಣಿಯೆ ಶ್ರೀರಾಮ 3