ಆವಭೇಧವಿಲ್ಲದವನೆ ನಿಜಜ್ಞಾನಿಯು ತನು
ಭಾವವರಿತು ನಡೆಯುವನೆ ನಿಜ ಭಾಗವತನು ಪ
ಮಾನ ಅಪಮಾನ ಸಮಕಾಣುವನೆ ಸಜ್ಜನನು
ತಾನು ತನ್ನದೆಂಬ ಮಾಯವಳಿದವನೆ ಸಾಧು
ಏನು ಕೊಟ್ಟರು ಒಲ್ಲೆನೆಂಬುವನೆ ಸನ್ಯಾಸಿ
ದೀನರನು ಕಂಡು ಮನಮರುಗುವನೆ ಭಕ್ತ 1
ನಿಜಧರ್ಮವರಿಯದ ಪಾಮರನೆ ಶೂದ್ರನು
ನಿಜವಾಕ್ಯಗಳ ಕೇಳಿ ಅಳಿವವನೆ ಭವಿಯು
ಸುಜನರಿಗೆ ತಲೆಬಾಗಿ ನಡೆವವನೆ ಸಿದ್ಧಾಂತಿ
ಕುಜನರ ಮಾತಿಗೊಳಪಡುವವನೆ ನರಕಿ 2
ಪಿಡಿದ ವ್ರತನೇಮಗಳ ಬಿಡದವನೆ ಕಡುಗಲಿ
ಜಡದೇಹ್ಯಮೋಹವನು ತೊಡೆದವನೆ ಸತ್ಯ
ಬಂಟ ಜಗದೊಳಗೆ
ಒಡೆಯ ಶ್ರೀರಾಮನಡಿ ದೃಢಯುತನೆ ಮುಕ್ತ 3

ನೆನೆಯಿರೋ ಜನರೆಲ್ಲ ಗುಣಯುತನ
ಮೂರ್ತಿ ಮಧುಪುರದ ಗಣನಾಥನ ಪ
ಫಣೆಯುದರದಿ ಸ್ತುತಿ ತಿರುಗುವನ
ಕರದಿ ಪಾಶಾಂಕುಶ ಪಿಡಿದಿಹನ
ಪಾದವ ನೆನೆವರ ಭಕ್ತರ ನೋಡಿ ಮರುಗುವನ 1
ಶಿಬ್ಬಲುಂಡಿಗೆಯ ಮೆಲುವವನ
ಕಾಲ ಕೊಬ್ಬಿದ ರಕ್ಕಸರಹಲ್ಲ ಮುರಿದವನ
ಜಗಕೊಬ್ಬನೇ ಸುರನರ ಸೇವಿತನ 2
ಭಾಸುರ ತೇಜದಿ ಮೆರೆವನ ಒಳ್ಳೆ
ಮೂಷಿಕವನೇರಿ ನಲಿದವನ
ಅನುದಿನ ಪೊರೆವವನ 3