ಗುರುಬೋಧ ಪರಮಸುಖಕಾರಿ
ಬಾರಿ ಬಾರಿಗೂ ಕೇಳೈ ಭವರೋಗೀ ಪ
ಬಿಡು ಬಾಳಿನ ಭ್ರಮೆಯ ಸಂಸಾರಿ
ದುಃಖದ ಬಾಳಿದು ವಿನಾಶಕಾರಿ
ಇದರೊಳು ಸಿಗುತಿಹ ಸುಖವು ವಿಕಾರಿ
ತಿಳಿಯೈ ಮುಕ್ತನಾಗಲಿದು ದಾರಿ 1
ಆರಿ ನಿನ್ನಯ ನಿಜವಾ ಸುವಿಚಾರಿ
ಅರಿವೇ ನಿನ್ನಯ ಈ ಭವತಾರಿ
ಬೇರಾವುದು ನಿನಗಾಗದು ದಾರಿ
ಈ ನುಡಿ ಪೇಳುತಿಹುದು ಶೃತಿಸಾರಿ 2
ಜಾಗರಾ ಕನಸು ನಿದ್ರೆಯ ಮೀರಿ
ಅಮರವಾಗಿರುವ ಪದವನೆ ತೋರಿ
ಅದೆ ನೀನೆನ್ನುತ ಪರಿಪರಿ ಸಾರಿ
ಶಂಕರಭೋಧವಿದುವೆ ಭವಹಾರಿ3

ಬಗಿಯಲಿ ಬ್ಯಾಡಣ್ಣಾ | ಮದದಲಿ ಪ
ಒಳ್ಳೆವರಾ ನುಡಿಯಳ್ಹಲಿ ಮಾಡಿ |
ಖುಳ್ಳತನದಲೆ ದಿನ ಹೋಗಾಡಿ 1
ಮಾನವ ಸರಿ ಬಗಿಬ್ಯಾಡ |
ಹವಣಿಸಿ ಚರಣಕ ನಮಿಸೆಲೋ ಮೂಢಾ 2
ಶಿಷ್ಟಗೆರಗನು ದಾವನು ಬಾಗಿ |
ಹುಟ್ಟುವ ಕಾಡ ಬೊಬ್ಬುಲಿ ಮರವಾಗಿ 3
ಸಣ್ಣ ದೊಡ್ಡವರೆನಬಾರದು ಕೇಳು |
ಮನ್ನಣೆ ಗೆಲ್ಲಗವರೇ ಮೇಲು 4
ಗುರುವರ ಮಹಿಪತಿ ಸಾರಿದ ನಿಜವಚನಾ |
ಧರೆಯೊಳಗಿದೆ ಪರಗತಿ ಸೋಪಾನಾ 5

ಬಾರಮ್ಮಾ ಶ್ರೀಗುರು ಜನನೀ | ಘನಕರುಣೀ |
ಬಾರ ನಿಜ ಸುಖ ದಾನೀ ಪ
ಭವದಾಟವ ಕೇರಿಯೊಳು ಹೋಗಿ | ಮನಮರವಾಗಿ |
ಪರಿ ಬಲು ಪಾಡಿದೆ | ಬಂದೇ ತವಕದಿ ಓಡಿ 1
ಬೋಧದ ಸ್ತನಪಾನ ಮಾಡಿಸೇ | ಸುಧೆ ಉಣಿಸೇ |
ತಾಪ | ಬಾಧೆಯ ಬಿಡಿಸೇ |
ನಿನ್ನುದರೊಳಗಿರಿಸೇ 2
ಭಕುತಿ ತೊಟ್ಟಿಲವನ್ನು ತೂಗಿಸೀ | ಯನ್ನ ಕೂಡಿಸೀ |
ಪಾಡುತಖಿಲೇಶ ನಾಮಾ |
ಬಾಲಕಗ ಮಹಿಪಮ್ಮ 3

ಹರಿಯೇ ಸರ್ವಸಾರವೆಂದು ಸಾರುವರು |ತೆರೆದು ಹೇಳಿ ತತ್ತ್ವವನು ತಾರಿಸುವರು ಪ
ಮೊರೆ ಹೊಕ್ಕವರ ಮನದ ಮಲಕು ಬಿಡಿಸುವರು |ಹರಿದು ಹೋಗುವವಗೆ ಕರೆದು ಕಡೆಗ್ಹಾಕುವರು1
ಧರೆಯೊಳವರೇ ಸಾಧು ಪುರುಷರೆನಿಸುವರು |ಸಿರಿಗೆ ಸೆರಗೊಡ್ಡಿ ಸಿರಬಾಗಿ ನಡಿಯದವರು 2
ಬರಿಯ ತರ್ಕದಿಂದ ಖಂಡಿಸದವರು |ಸರಿಗೆ ಬಂದರೆ ಸುಮ್ಮನೆ ಸಹಿಸುವರು 3
ಕಾಯ ಕದ್ದು ಕರ್ಮಪಾಶ ಕಳೆದವರು |ರಾಯ ರಂಕರಿಗೆ ಸರಿ ತಿಳಿದವರು 4
ಮಾಯದ ಮೂಲವಾದ ಭೇದವಳಿದವರು |ಲಯದ ಮನೆಯ ಮೆಟ್ಟಿ ಭಯ ಮೀರಿದವರು 5
ಅರಿತು ಅರಿಯದವರಂತೆ ತೋರುತಿಹರು |ಮರೆತು ಮರವಿಗೆ ತಾವೆ ಮರವಾಗಿಹರು6
ಗುರು ರುಕ್ಮಭೂಷಣನಂತ ತೋರಿಸುವರು |ತ್ವರಿತದಿ ತಮ್ಮ ನೆಲೆಯ ಕೊಡದವರು 7