ಭಾಮಾರಮಣನೆ | ಶ್ಯಾಮಸುಂದರನೆ
ಓ ಮಹಾಮಹಿಮ ಕೇಶವನೆ ಪ
ಪ್ರೇಮಾನಂದ ಸುಧಾಮಾರ್ಚಿತ ಪದ
ಶ್ರೀಮಹಿಜಾ | ಮಹಿಜಾ ಸಂಜೀವನೇ ಅ.ಪ
ದೈತ್ಯಭಯಂಕರ ಮುನಿನಿಕರಾ
ಸ್ತುತ್ಯದಿವಾಕರ ಭಕ್ತನಿಶಾಕರ
ಮೌಕ್ತಿಕರುಚಿರಾ ಅಭಯಕರಾ 1
ಸುರಮುನಿಪಾಲಾ ಕರುಣಾಲವಾಲಾ
ಮುರಳೀಲೋಲಾ ವನಮಾಲಾ
ಮುರ ಬಕಕಾಲಾ ಹೃದಯವಿಶಾಲ
ವರಮಾಂಗಿರಿಬಾಲಾ ಗೊಪಾಲಾ 2

ಸುಕೃತ ಫಲವೋ ದರುಶನ
ಏಸು ಪುಣ್ಯಕರವೋ ಪ
ಸುಕೃತ ಫಲವೋ ಶ್ರೀ
ವ್ಯಾಸರಾಜ ಗುರುವರ್ಯರ ದರುಶನ ಅ.ಪ
ವರ ಕರ್ಣಾಟಕ ಸಿಂಹಾಸನದಲಿ
ಮೆರೆಯುತಲಿರುವ ಯತೀಂದ್ರರ ದರುಶನ 1
ಚಂದ್ರಿಕ ನ್ಯಾಯಾಮೃತ ತಾಂಡವದಲಿ
ನಂದಕುಮಾರನ ಕುಣಿಸುವÀ ದರುಶನ 2
ಹಗಲು ದೀವಟಿಗೆ ಹಸುರು ಛತ್ರಿ ಮುಖ
ಬಗೆ ಬಗೆ ಬಿರುದಾವಳಿಗಳ ವೈಭವ 3
ರಾಜನ ಕುಹಯೋಗವನೆ ನಿವಾರಿಸಿ
ರಾಜಾಧಿರಾಜ ಸಂಪೂಜ್ಯರ ದರುಶನ 4
ರುಕುಮಿಣಿ ಭಾಮಾರಮಣನ ಪೂಜಿಸಿ
ಸುಕೃತ ಸ್ವರೂಪ ಪ್ರಸನ್ನರ ದರುಶನ 5