ಕರಿಗಿರೀಶ ನಿನ್ನ ಬೇಡುವೆನೀಗ
ಪರಿಪಾಲಿಸೊ ಸತತ ಪ.
ನರಹರಿ ಭಕ್ತರ ಪೊರೆಯುವೆ ನೀನೆಂ-
ಇಂದು ಅ.ಪ.
ನಾರಸಿಂಹ ನಿನ್ನ ಸಾರಿ ಭಜಿಸುವೆನು
ತೋರೊ ನಿನ್ನ ಪದವ
ಬಾರಿಬಾರಿಗೆ ಸ್ತುತಿಸಲು ಬಾಲನು
ಘೋರ ದೈತ್ಯನ ಸೀಳಿ ಪೊರೆದೆಯೊ 1
ಶೇಷಾಂತರ್ಗತ ನಾರಸಿಂಹ ವಿ-
ಶೇಷ ಮಹಿಮೆ ತೋರೊ
ಶೇಷಶಯನ ಮಹರುದ್ರಾಂತರ್ಗತ
ಪೋಷಿಸೊ ಭಕ್ತರ ಶಾಂತರೂಪದಿ 2
ಲೀಲೆಯಿಂದ ಶ್ರೀ ಲಕುಮಿ ಹಿತದಿ
ವ್ಯಾಳಶಯನನಾಗಿ
ಪಾಲಿಸಬೇಕೆನ್ನನು ಸತತದಿ ಗೋ-
ಪಾಲಕೃಷ್ಣವಿಠ್ಠಲ ನೀ ದಯದಿ 3

ಸುಂದರ ವದನಾ ಸುಂದರ ನಯನಾ
ಸುಂದರಾನನಾ ಸುಂದರವಾಣಿಯೇ ಪ
ಬಂದಿಹ ಮಹಾರೋಗವನು ಕಳೆವುದೀಗಳೇ
ಸುಂದರ ತನು ನಿನಗಿದೇನು ಅಸದಳವೇ
ಅಂತು ನಿನ್ನನೆ ಬೇಡುವೆನೀಗಳೇ
ವಿಶ್ವ ವಿಶಾಲಾ
ಇಂದೇ ನೆಲಸೆನ್ನಲಿ ನರಸಿಂಹವಿಠ್ಠಲಾ 1