ಗುರುಬೋಧ ಪರಮಸುಖಕಾರಿ
ಬಾರಿ ಬಾರಿಗೂ ಕೇಳೈ ಭವರೋಗೀ ಪ
ಬಿಡು ಬಾಳಿನ ಭ್ರಮೆಯ ಸಂಸಾರಿ
ದುಃಖದ ಬಾಳಿದು ವಿನಾಶಕಾರಿ
ಇದರೊಳು ಸಿಗುತಿಹ ಸುಖವು ವಿಕಾರಿ
ತಿಳಿಯೈ ಮುಕ್ತನಾಗಲಿದು ದಾರಿ 1
ಆರಿ ನಿನ್ನಯ ನಿಜವಾ ಸುವಿಚಾರಿ
ಅರಿವೇ ನಿನ್ನಯ ಈ ಭವತಾರಿ
ಬೇರಾವುದು ನಿನಗಾಗದು ದಾರಿ
ಈ ನುಡಿ ಪೇಳುತಿಹುದು ಶೃತಿಸಾರಿ 2
ಜಾಗರಾ ಕನಸು ನಿದ್ರೆಯ ಮೀರಿ
ಅಮರವಾಗಿರುವ ಪದವನೆ ತೋರಿ
ಅದೆ ನೀನೆನ್ನುತ ಪರಿಪರಿ ಸಾರಿ
ಶಂಕರಭೋಧವಿದುವೆ ಭವಹಾರಿ3

ತಿಳೀ ತಿಳೀ ಅನುಭವದಾಳಾ
ಪೇಳ್ವೆ ಸ್ವಾನಂದವ ನೀ ಕೇಳಾ ಪ
ತನುಮನಕರಣಕೆ ಮೀರಿರುವಾ
ಸನಾತನಾ ಸಂಪೂರ್ಣಘನಾ
ನೀನೆ ಆನಂದಾತ್ಮನದೆಂದು 1
ದೇಹಾದಿಗಳೇ ನಾನೆಂಬ
ಮಹಾದೃಢದ ಈ ಮತಿಯಂತೆ
ನೀನೆ ಆತ್ಮಸ್ವರೂಪನು ಎಂದು 2
ಗಟ್ಟಿಗೊಳಿಸು ಈ ವಿಷಯಾ ಮನದೋಳ್
ಎಟ್ಟಿ ಮನಸಿನಾ ನಷ್ಟವ ಮಾಡಿ
ಕೆಟ್ಟಾ ಬಾಳಿದು ಪುಸಿ ಎಂಬುದನು 3
ಜೀವನ್ಮುಕುತಿ ಆನಂದ
ದೇವನೆ ತಾನೆನ್ನುವದೇ ಚೆಂದ
ಭವಹಾರಿ ಶಂಕರನ ಜ್ಞಾನಾ 4