ಬರುವ ಹಾದಿಯ ಪೇಳೆ ಶ್ರೀಹರಿಬರುವ ಹಾದಿಯ ಪೇಳೆ ಪ
ಬರುವ ಹಾದಿಯ ಪೇಳೆ ಬರುವೆನು ಅಲ್ಲಿಗೆ ಪರಮ ಮಂಗಳ ದ್ರವ್ಯ ಕರದಿ ತೆಗೆದುಕೊಂಡು ಅ.ಪ.
ಉತ್ತರ ದಿಕ್ಕಿನಲ್ಲಿ ಇರುತಿಹ ಉತ್ತಮ ಪುರದಲ್ಲಿಮುಕ್ತ ಜನರು ಅವನ್ಹತ್ತಿರ ಇರುವರು ಇತ್ತ ಬಿಡುವರೇನೇ ಏನೇ 1
ಗರುಡನ ಏರಿಹನೆ ತೊಡಿಯೊಳು ತರುಣಿಯ ಕೂಡಿಹನೆಶರಣಾಗತರನು ಪೊರೆವಗೋಸುಗ ತನ್ನ ಪುರವಬಿಟ್ಟಿಹನೇನೇ ಏನೇ 2
ಛತ್ರವ ಪಿಡಿದಿಹರೆ ಚಾಮರ ಸುತ್ತಲು ಬೀಸುವರೇಮತ್ತೆ ಘನ್ನೋದಕ ದಾಟಿ ಬ್ರಹ್ಮನ ಮನಿ ಹತ್ತಿರಬಂದಿಹನೇ ಏನೇ 3
ಸುರಪುರ ಬಿಟ್ಟಿಹನೆ ಕರಿಪುರ ಹತ್ತಿರ ಬಂದಿಹನೆಸ್ಮರಿಸಿ ದ್ವಾರಕೆಯನು ಕುರುಕುಲದಲ್ಲಿ ವಸ್ತಿ ಇರಳುಮಾಡಿದನೇನೇ ಏನೇ 4
ಇಂದು ಈ ಪುರದಲ್ಲಿ ಮನ್ಮನ ಮಂದಿರ ಮಧ್ಯದಲೀಇಂದಿರೇಶನು ಕೃಷ್ಣ ಸುಂದರ ಮೂರುತಿ ಬಂದು ತೋರುವನೇ ನೇ 5

ಭಿಕ್ಷಾ ಭಿಕ್ಷಾ ಎಂದು ಅಮ್ಮ ನಿಮ್ಮನೆಗೊಬ್ಬ ಬಂದಿಹನೇನೆ
ಎನಗಾಕ್ಷಣ ಹೇಳವ್ವ ನೀನೆ ಪ
ನಿತ್ಯ ನಿರ್ಲೇಪ
ಶೂಲದ ಸುಪ್ರತಾಪ
ಮೂರುಕಣ್ಣೊಳಗೊಂದು ಕಿಡಿ ಸೂಸುತಿದೆ ಉರಿತಾಪ 1
ಕೆಂಜೆಡೆಗಟ್ಟಿದ ಮಂಜುಳವದನದಿ ರಂಜಿಸುತಿಹಕಪ್ಪುಕೊರಳು
ನಿರಂಜನ ನವಪ್ರಚಂಡ ಮುಖದವ
ಜಂಜಡವಿಲ್ಲೊಬ್ಬ ನುಳಿದವ
ರಂಜಿಸುತಿಹಮೃಗಧರನವ 2
ತಾನಾಗಿಯೆ ತಾನು ನಲಿವಾತ
ಗಣಂಗಳೊಡನೆ ಕುಣಿವಾತ 3
ಧರಿಸಿಹ ರುದ್ರಾಕ್ಷಿಮಾಲೆ
ಕಿವಿಯೊಳಗೊಪ್ಪುವ ಜೋಲೆ
ಪರಿಯಲಿ ತನಗೊಂದು ಲೀಲೆ
ಬರುವನು ಎತ್ತಿನ ಮೇಲೆ 4
ನಿಶ್ಚಯವನು ಮಾಡಿ
ಎನ್ನಪರಸಿಕೊಂಡೆ
ಮಂದಿರವನು ಪೊಕ್ಕನೋಡಿ
ಪೋದನು ಮಾರ್ಗಕೊಡಿ 5

ಯಾವ ಸಂಭ್ರಮವಿದೇ ವಾರಿಜ ವದನೆ
ಶ್ರೀವೇಣುಗೋಪಾಲ ಮನೆಗೆ ಬಂದಿಹನೇ ಪ
ದೇವ ದೇವನು ನಿನ್ನ ಪೂಜೆಗೊಪ್ಪಿದನೇ
ಯಾವ ವಾತ್ಸಲ್ಯವ ನಿನಗೆ ತೋರಿದನೇ ಅ.ಪ
ಗಾನ ನೃತ್ಯಗಳಿಂದ ಒಲಿಸಿದೆಯೇನೇ
ಜೇನು ಸಕ್ಕರೆ ಬೆಣ್ಣೆಗಳನಿತ್ತೆಯೇನೇ
ಸಾನುರಾಗದಿ ಪೂಜೆ ಮಾಡಿದೆಯೇನೇ
ನಾನೇನಗೈದರೆ ಅವನೊಲಿಯುವನೇ1
ಪರಿಮಳ ಗಂಧಕೆ ಮೈ ತೋರುವನೇ
ಕೊರಳಿಗೆ ಹಾರವ ನೀಡಲೊಪ್ಪುವನೇ
ಮುರಳಿಯ ಗಾನವನೊಲಿದು ಕೇಳುವನೇ
ಪರಮಪುರುಷ ಬಾರೆಂದರೆ ಬಹನೇ 2
ಕರಗಳ ಮುಗಿದರೆ ಕರುಣಿಪನೇನೇ
ಚರಣಕೆ ಮಣಿದರೆ ಒಲಿಯುವನೇನೇ
ಪರಿಪರಿ ಹೊಗಳಲು ನಲಿಯುವನೇನೇ
ವರದ ಮಾಂಗಿರಿರಂಗ ದಯೆ ತೋರನೇನೇ 3