ಸಂತೆಯ ನೋಡಲು ಬಂದವನಾ |
ಭ್ರಾಂತತನವ ನೋಡಿ ಮಾನವನಾ ಪ
ಪರಿ ವಾಸನೆಕಾರರು ವಿಷಯದ |
ಸರಕಿನ ಚಟ್ಟೆಯ ರಂಗಡಿಯು |
ದುರುಳತ ನವಗುಣ ಭೂಸಿನ ರಾಶಿಯು |
ನೆರೆದಿಹ ಸಂದಣಿ ಜನದೊಳಗ 1
ಇಂತಿಹ ನರದೇಹ ಪ್ಯಾಟೆಯ ಸಡಗರ |
ಪ್ರಾಂತವ ಕಾಣದೆ ಮರುಳಾಗಿ |
ನಿಂತಲ್ಲಿ ನಿಲ್ಲದೆ ನೋಡುತ ತಿರುಗುತ |
ಕಂಥಿಯ ಕಳೆದನು ಹೆಗಲಿನಾ 2
ಗುರುಮಹೀಪತಿ ಸ್ವಾಮಿಯ ಗಡಚಿನ |
ಶರಣಿರವಳಿಹುಗದೆವೆ ಮರೆದು |
ಧರಿಯೊಳು ಉಣಲಿಲ್ಲ ಉಡಲಿಲ್ಲ ಬಂದಿವ |
ಬರುದೆವೆ ಮುಮ್ಮಳಿ ಘಳಿಸಿದನು 3

ಹರಿಭಜನವೇ ಬಹುಮಿಗಿಲು ನರನಿಗೆ
ಧರೆಯಸುಖವೆಲ್ಲ ಸುಳ್ಳೊ ಸುಳ್ಳೋ ಪ
ತಂದೆತಾಯಿಗಳು ಮಂದಿ ಮಕ್ಕಳು
ಬಂಧುಬಳಗ ಒಂದು ಸಂಬಂಧವಿಲ್ಲ 1
ಕೋಟಿಕೊತ್ತಲ ಕೋಟಿಧನಬಲ
ನೀಟಾದ ಮಹಲು ನಿಜವಿಲ್ಲ ಇಲ್ಲ 2
ರಾಜ್ಯಭಂಡಾರ ಪ್ಯಾಟೆ ತೇಜಿ ಆನೆ ಒಂಟಿ
ರಾಜಿಪುದೆಲ್ಲ ಸುಳ್ಳ ಮುಷ್ಟಿಮುಷ್ಟಿ 3
ಸಿರಿ ಅಂದಣ ಭಾರಿ
ನಂದಿಪೋಗುವುದೆಲ್ಲ ಹಾರಿ ಹಾರಿ 4
ವರದ ಶ್ರೀರಾಮನ ಚರಣಸ್ಮರಣಿಲ್ಲದ
ನರರ ಜನುಮವೆಲ್ಲ ಹಾಳು ಹಾಳು 5