(ಹಿರಿಯಡ್ಕದ ವೀರಭದ್ರ ಸ್ತೋತ್ರ)
ದಕ್ಷಯಜ್ಞ ಭಂಜನ
ನಿರಂಜನ ಪ.
ಪ್ರಮಥ ಭೂತ ನಾಯಕ
ಪ್ರಣತ ಸಿದ್ಧಿದಾಯಕ
ಮಣಿದು ಸ್ತುತಿಪೆ ನಿನ್ನನು
ಮಾನ ಪೊಂದಿಸೆನ್ನನು 1
ಸಂದಿಗೊಂದಿವೇರಿದಾ
ಸರ್ವದಾಪ್ರಕಾರದಾ
ವೈರಿ ಸ್ತೋಮವಾ
ಮಾನಿಸೊ ನಿರ್ನಾಮವಾ 2
ಶಿವಜಟಾಗ್ರ ಜಾತನ
ಶೇಷ ಗಿರೀಶ ದಾಸನೆ
ಭವನ ಬೇಗ ತೋರಿಸೊ
ಭಯವ ದಾರಿ ಹಾರಿಸೊ 3

ಬಾರೆ ಪಾರ್ವತಿ ಸಾರೆ ಸುಖವ
ತೋರೆ ನಿನ ದಯವ ಪ
ಬಾರಿ ಬಾರಿಗು ಪ್ರಾರ್ಥಿಸುವೆನೆ
ಸಾರಸಾಕ್ಷಿಯೆ ಸರ್ಪವೇಣಿಯೆ ಅ.ಪ
ದಕ್ಷಕುವರಿಯೆ ಈಕ್ಷಿಸೆನ್ನನು-
ಪೇಕ್ಷೆ ಮಾಡದಲೆ
ಅಕ್ಷಿತ್ರಯನ ಸತಿಯೆ ಭಕ್ತರ
ಕಷ್ಟ ಬಡಿಸುತಲಿ
ಸೂಕ್ಷ್ಮ ಮತಿಯನಿತ್ತು ಕೃಷ್ಣನ
ಸ್ತೋತ್ರಗಾನದಲಿ ಅ-
ಪೇಕ್ಷೆಯೊದಗುವ ಮನವ ಪಾಲಿಸು
ರಕ್ಷಿಸೀಗಲೆ ಭಕ್ತವತ್ಸಲೆ 1
ಮಂದಗಮನೆ ಮತ್ತೊಂದು ಪೇಳುವೆ
ನಂದಿವಾಹನನಾ
ಮುಂದೆ ಸ್ತುತಿಪ ಭಕ್ತವೃಂದ ವಿ-
ದೆಂದು ಪೇಳಿದೆ ನಾ
ಸುಂದರ ಶ್ರೀ ಹರಿಯ ಸೇವೆಗೆ
ಪೊಂದಿಸೆನ್ನ ಮನ
ಚಂದದಿಂದ ಪ್ರಾರ್ಥಿಸುವೆನೆ
ಸುಂದರಾಂಗಿಯೆ ನಿನ್ನನನುದಿನ 2
ಕಮಲನೇತ್ರೆಯೆ ವಿಮಲ ಸದ್ಗುಣಗುಣಿಯೆ ಪಾರ್ವತಿ
ಕಮಲಸಂಭವ ಭವಸುರಾರ್ಚಿತನ
ಸ್ಮರಿಸುವ ಮತಿ ಹೃ-
ತ್ಕಮಲದೊಳಗೆ ನಿಲಿಸುವಂತೆ
ಮಾಡು ಸದ್ಗತಿ
ಕಮಲನಾಭ ವಿಠ್ಠಲ ಕೊಡುವ
ನೆನುತ ಕೀರುತಿ 3