ಒಲ್ಲೆ ಸಂಪದವನೆಲ್ಲವನು ತೆಗೆದುಕೊ
ಚೆಲ್ವ ವೇಲಾಪುರೀಶಾ ಸ್ವಾಮಿ ಪ
ಬಲ್ಲವರು ನಿನಗೆ ಸರಿಯಿಲ್ಲೆಂದು ಪೊಗಳುತಿಹ
ಸೊಲ್ಲ ನಾ ಕೇಳಲಾರೆ ಸ್ವಾಮಿ ಅ.ಪ
ಪೆತ್ತಯ್ಯ ತಿರುಮಲಾರ್ಯರು ವರ್ಣಕರ ಚಕ್ರ
ವರ್ತಿಯೆಂಬಾ ಬಿರುದನು
ಒತ್ತಿ ಪೊಗಳಿಸಿಕೊಂಡುದೇನಂದದಲಿ ತಿರು
ಗುತ್ತಿರ್ದಡೇನು ಭಾಗ್ಯಾ
ಮತ್ತದೆನಗಾರ್ಜಿತವೆ ಸತ್ತವರ ಸಂಪದವ-
ನತ್ತಲೇ ಕಳುಹಿಕೊಡದೆ
ಇತ್ತಪರೆ ನಿನ್ನ ದಾಸನುದಾಸರಿಗೆ ಸೇ
ವ್ಯೋತ್ತಮನೆ ಕೆಡಿಸಬೇಡಾ ಸ್ವಾಮಿ 1
ಹರಿಯೆ ನೀ ಒಲಿದೂಳಿಗವನು ಮಾಡಲು ಬಳಿಕ
ಕಿರುನುಡಿಯ ಮೀರದಿರಲು
ಕರುಣದಿಂದಾಗಾಗ್ಯೆ ಕರೆದುಡುಗೊರೆಯ ಕೊಡಲು
ಬಿರುದುಗಳು ಮೆರೆಯುತಿರಲೂ
ಸ್ಥಿರವಿಲ್ಲದಷ್ಟ ಮಹದೈಶ್ವರ್ಯವಿರುತಿರಲು
ಪಿರಿಯರೆಲ್ಲರು ಪೊಗಳಲೂ
ಮೆರೆಯನೇ ಮಿಗೆ ಅಹಂಕರಿಸನೇ ಬೆರೆಯನೇ
ನರಕಕಿಳಿಯನೇ ಮರಳಿ ಜನಿಸನೇ ಸ್ವಾಮಿ 2
ಸುಖವಿಲ್ಲ ಸುಖವಿಲ್ಲ ಸುಖವಿಲ್ಲ ಭಾಗ್ಯದಾ
ಸಕರೆಯನು ನಾನೊಲ್ಲೆನೂ
ಭಕತವತ್ಸಲನೆ ಭಾಗವತಲೋಲುಪನೆ ದುಃ
ಖಕೆ ಕಾರಣವಿಲ್ಲವೆ
ಅಕಳಂಕ ಚರಿತನೆ ಆದಿನಾರಾಯಣನೆ
ಮಕರಧ್ವಜನ ತಾತನೆ
ಸುಖವೀಯೊ ವೈಕುಂಠ ವೇಲಾಪುರಾಧೀಶ
ಭಕುತಿಯನು ಕೊಟ್ಟು ಸಲಹೊ ಸ್ವಾಮಿ 3

ಪಾಲಿಸು ಪನ್ನಗಧರನೆ ಪ
ಅಂಧಕ ಮಥನನೆ ಗಂಗಾಧರನೆ
ಕುಂದೇಂದು ನಿರ್ಮಲ ಭೂತಿ ಭೂಷಿತನೆ 1
ಶಂಕರ ಭವಭಯ ಶಂಕಾವಿನಾಶ
ನ್ಯಂಕುಭಾಸಿತ ಕರಪಂಕಜ ಭೂಷ 2
ಕೈಲಾಸ ವಾಸನೆ ಕಾಲಕಂಧರನೆ
ಶೈಲಜಾ ಕುಚತಟ ಕುಂಕುಮ ಭಾಸ3
ಗಂಗಾಜನಕ ಪ್ರಿಯ ಅಂಗಜ ಹರಣ
ತುಂಗಭುಜಗ ಚಂದ್ರ ಸಂಗಮಹಿಮ 4
ಲೀಲಾತಾಂಡವ ಗೌರೀ ಲಾಲಿತ ಹೃದಯ
ಬಾಲಕ ನುತಿಪ್ರೀತ ಧೇನು ಪುರೀಶಾ 5

ರಜತ ಪುರೀಶಾ ಪಾಲಿಸೋ | ನಿನ್ನ ಶ್ರೀಪಾದಭಜನೆಯೋಳಿರಿಸೋ ಪ
ಅಜ ಜನಕನೆ ಹರಿ | ನಿಜ ಜನರಿಗೆ ನೀವಿಜಯದ ತವ ಪದ | ರಜದವನೆನಿಸೋ ಅ.ಪ.
ಕ್ರತು ಕುವರಾ 1
ಭವ ಮುಖನುತ | ಪತ ಸರಸಿಜ ಯುಗಹೃದಯದಿ ಪೊಳೆಯುತ | ಮುದವನೇ ಬೀರೋಶ್ರೀಹಂಸಾ | ಯದು ವಂಶಾ | ಖಲಧ್ವಂಸಾಕೃತ ಕುರುಕುಲ ನಿರ್ವಂಶಾ 2
ಭವ | ಕರುಣಾ ನಿಧಿ ಪೊರೆಗೋವಿಂದ ಎನಗಾನಂದಾ 3

ಕಮಲನಾಭ ವೆಂಕಟೇಶ ಭಕ್ತ ಕಲ್ಪಭೂರುಹ ಶ್ರೀಕಮಲಪ್ರಾಣೇಶಾಪವಿಮಲ ವೈಕುಂಠಪುರೀಶಾ ಶಿವಕಮಲಸಂಭವನುತ ಕರ್ಬುರನಾಶಾ ಅ.ಪನಿರುಪಮ ಸುಂದರ ಗಾತ್ರಾನಿತ್ಯಪರಿಪೂರ್ಣ ವೈಭವಪರಮಪವಿತ್ರಾಶರನಿಧಿತನಯಕಳತ್ರಾಶೇಷಪರಿಜನಕೃತಘೋರಪಾಪಾಂಧ ಮಿತ್ರಾ1ಸನಕಸನಂದನ ವಿನುತಾಶಶಿದಿನಕರಶತಕೋಟಿ ದಿವ್ಯ ಸುಚರಿತಾಜನನ ಮರಣ ಕ್ಲೇಶರಹಿತ ಶ್ರೀವನಜಸುದರ್ಶನ ವನಮಾಲ ಧರಿತ2ಜಲಜಮಿತ್ರ ವಂಶ ಭೂಷಾ ಕ್ಷಾರಜಲಧಿಬಂಧನ ಪುಣ್ಯಜನ ಪ್ರಾಣ ಶೋಷಾತುಲಸೀ ರಾಮದಾಸ ಪೋಷಾ ಶ್ರೀತುಲಸೀ ಕಾನನಹಿತ ತುಂಬುರ ತೋಷಾ 3

ಶ್ರೀಕರ ಯದುಕುಲಶೇಖರ ದೇಹಿಲೋಕನಾಥ ದಾಸಲೋಲ ಮಾಂಪಾಹಿಪಶ್ರೀ ಮುರಳೀಧರಸಿಂಧುಗಂಭೀರಶ್ಯಾಮಸುಂದರ ಗೋಪೀಜಾರ ಯದುವೀರ 1ರುಕ್ಮಾಂಬರಧರ ರುಕ್ಮಗಿರೀಶಾರುಕ್ಮಿಣೀಧವ ಭವರೋಗ ವಿನಾಶಾ 2ಮಣಿಮಯ ಭೂಷಣ ಮಷಕಪುರೀಶಾಗುಣನಿಧಿ ಶ್ರೀವೇಣುಗೋಪಾಲ ಶ್ರೀಶಾ 3ಮಾರಜನಕಸುಕುಮಾರ ದಶವೇಷಾಧಾರುಣಿ ಶ್ರೀ ತುಲಸೀದಾಸ ಸುಪೋಷ 4