ಪಿಂಗಟ ಬೇಡವ್ವಾ ಪಿಂಗಟ
ಸಂಗಟ ಬರುತಾದೆ ತಡಕೊಳ್ಳೆ ಪ
ಕಂಗೆಡಿಸಿ ಬಲುಜವನ ದೂತರು
ಭಂಗಬಡಿಪುದನು ನೀ ತಾಳೆ ಅ.ಪ
ಸುಜನರ ಕಾಲ್ಕಸ ಮಾಡಿದಿ
ಕುಜನರ ಮಾತಿಗೆ ಮರುಳಾದಿ
ನಿಜವರಿದ್ಹೇಳಲು ಮೋರೆ ಮುರುಕಿಸಿದಿ
ಅಜಾಂತಪರಿ ನೀ ಬಳಲುವಿ ನರಕದಿ 1
ನಾಶನ ಕಾಯಕ್ಕೆ ಮೋಹಿಸಿದಿ
ಹೇಸದೆ ಪಾಪಕ್ಕೆ ಗುರಿಯಾದಿ
ಈಶನ ದಾಸರನು ದೂಷಣ ಗೈದಿ
ಸೀಸ ಕಾಸುವ ಯಮ ಯೋನಿದ್ವಾರದಿ 2
ಉನ್ನತಧಮ ತಿಳೀಲಿಲ್ಲ
ಗನ್ನಗತಕವಯ ಕಳಕೊಂಡಿ
ಇನ್ನೆಲ್ಲಿ ಕ್ಷೇಮ ನಿನಗ್ಹುಚ್ಚು
ಇನ್ನರ ಶ್ರೀರಾಮ ಎನ್ನೂ 3

ಭವ ಹಿಂಗವ್ವ ಸುಳ್ಳೆ
ಮಂಗ್ಯಳಾಗಿ ತಿರುಗಬೇಡವ್ವ ಪ
ಪಿಂಗಟದಿಂದ ಭವಸಂಕಟದಲಿ ಬಿದ್ದು
ಭಂಗದಿಂ ಕಂಗೆಡಬೇಡವ್ವ ಅ.ಪ
ಮುಂಗಿಯ ಮನೆಯೊಳು ನಿಂತೆವ್ವ ತಂಗಿ
ಹ್ಯಾಂಗಿದ್ದದರಂತರಿಯವ್ವ
ಕಂಗಳಿನಿಕ್ಕಿ ಮಹ ಮಂಗಳಾತ್ಮನ ಕಂಡು
ಪಿಂಗದ ಸವಿಸುಖ ಸುರಿಯವ್ವ 1
ಹಾಳು ಜಗದ ಗಾಳಿ ಬೇಡವ್ವ ನಿಜ
ಬಾಳುವ ಮಾರ್ಗವ ತಿಳಿಯವ್ವ
ನೀಲ ಶ್ಯಾಮನ ಧ್ಯಾನ ತಾಳಿಯ ಕಟ್ಟಿಕೊಂಡು
ಕಾಲನ ದಾಳಿಯ ಗೆಲಿಯವ್ವ 2
ಮೈಲಿ ಮುಟ್ಟು ಚಟ್ಟಳಿಯವ್ವ ನೀ
ಮೇಲುಮಂಟಪ ಹತ್ತಿ ನೋಡವ್ವ
ಬೈಲಿಗೆ ಬೈಲು ನಿರ್ಬೈಲು ಶ್ರೀರಾಮನ
ಲೀಲೆಯೊಳಗೆ ನಿಂತು ನಲಿಯವ್ವ 3