ಅರಿ ಬೇಗನೇ ಪರಮಾತ್ಮ ನೀನೈ
ಪರತತ್ವನಾ ತ್ವರಿತದಲಿ ತಿಳಿಯೊ ಪ
ಮೂರು ತಾಣಗಳ ಮೀರಿ ಗೋಚರಿಪ
ತೋರುತಿಹ ಈ ದೇಹಾದಿಗಳಿಗೆ
ಬೇರೆಯಾಗಿಪುದೆ ಪರಮಪದವು
ಧೀರ ನೀನರಿಯೊ ಅದೆ ನಾನು ಎಂದು 1
ಕೋಶಪಂಚಕವ ಲೇಸಾಗಿ ಕಳೆದು
ವಾಸನೆಯ ಪಾಶವನೆ ಹರಿದೊಗೆದು
ಕ್ಲೇಶ ಪಡುವದನು ತ್ಯಜಿಸಿ ಮುದದಿ
ನಾಶರಹಿತಾದ ಪದವು ತಾನೆಂದು 2
ಜನನಮರಣಗಳಿಗಾಚೆಗಿರುವಂಥ
ಮನವಾಣಿಗಳಿಗೆ ನಿಲುಕದಿರುವಂಥ
ಘನಪದವು ಇದುವೆ ಪರಮಾತ್ಮನೈ
ಅನುನಯದಿ ಪೇಳ್ವ ಗುರುಶಂಕರಾರ್ಯ 3

ಶೇಷ ಪರ್ಯಂಕ ಶಯನ ವಿಠಲ ಪೊರೆ ಇವಳ ಪ
ವಾಸುದೇವನೆ ನಿನ್ನ | ದಾಸಿ ಎಂದೆನಿಸಿ ಭವಪಾಶವನೆ ಕಳೆಯೊ ಸುವಿ | ಶೇಷ ಹರಿಯೇ ಅ.ಪ.
ಪತಿಸುತರು ಹಿತರಲ್ಲಿ | ವಿತತವಾಗಿರುವಂಥಅತಿಶಯದ ತವರೂಪ | ಸತತ ಚಿಂತಸುವಾ |ಮತಿಯನೇ ಕರುಣಿಸುತ | ಕೃತ ಕಾರ್ಯಳೆಂದೆನಿಸೊಕ್ಷಿತಿರಮಣ ಭಿನ್ನವಿಪೆ | ಪತಿಕರಿಸೊ ಇದನಾ 1
ಬುದ್ಧಿಯಲಿ ಸನ್ನಿಹಿತ | ವೃದ್ಧಿಗೈಸಿವಳಲ್ಲಿಮಧ್ವಮತ ಸಿದ್ಧಾಂತ | ಪದ್ಧತಿಗಳಾಅಧ್ವರೇಡ್ಯನೆ ಅನಿ | ರುದ್ಧ ಮೂರುತಿ ಹರಿಯೇಕೃದ್ಧಖಳ ಸಂಹಾರಿ | ಪದ್ಮನಾಭಾ 2
ಕೀಚಕಾರಿ ಪ್ರಿಯನೆ | ಮೋಚಕೇಚ್ಛೆಯ ಮಾಡಿಪ್ರಾಚೀನ ಕರ್ಮದಿಂ | ಮೋಚನವ ಗೈಸೋ |ಯಾಚಿಸುವೆನೋ ಸವ್ಯ | ಸಾಚಿಸಖ ನೀನೆಂದುಈಕ್ಷಿಪುದು ಕರುಣ ಕಟಾಕ್ಷದಲಿ ಹರಿಯೇ 3
ಸಾರ ಸುಖಸಾಂದ್ರಾ 4
ಕಾವ ಕರುಣಿಗಳರಸ | ಭಾಮಕರ ಪರಿಪಾಲಾಓವಿತವ ಸಂಸ್ಮರಣೆ | ಸಾರ್ವಕಾಲಿದಲೀಈವುದಿವಳಿಗೆ ಎಂದು | ಭಾವದಲಿ ಭಿನ್ನವಿಪೆಗೋವಿದಾಂ ಪತಿಯೆ ಗುರು | ಗೋವಿಂದ ವಿಠಲಾ 5

ಹಬ್ಬವೆನಗಿಂದು ಧರೆಯೊಳು ನೋಡಿ
ಇಬ್ಬರೊಂದಾದ ನೆಲೆನಿಜಗೂಡಿ
ಉಬ್ಬಿ ಉನ್ಮನವಾಗಿ ಎನ್ನೊಳು
ಕೊಬ್ಬಿದೆನು ಘನಸುಖ ಬೆರದಾಡಿ 1
ಉಬ್ಬಸೆನಗಿನ್ನು ಹಿಂಗಿತು ನೋಡಿ
ಹಬ್ಬದೂಟದ ಸವಿರಸಗೂಡಿ
ಹಬ್ಬಿಹವಣಿಸಿ ಬೀಳುವ
ಗರ್ಭಪಾಶವನೆಗಳೆದೆನು ಈಡ್ಯಾಡಿ 2
ಹಬ್ಬವಾಯಿತು ಮಹಿಪತಿಗಿಂದು
ಒಬ್ಬನಿಜವಾದ ಗುರು ಕೃಪಾಸಿಂಧು
ಹಬ್ಬಹರುಷದಿ ನೆಲೆನಿಭಗೊಂಡಿÀನ್ನು
ಶೋಭಿಸಿತು ಶುಭಕರ ದಿವಸಿಂದು 3