ಖರೆ ತವಧ್ಯಾನ ಹರಿ
ಬೇಗ ಮಾಡೆನ್ನಗೆ ನಿಜಮನನ ಪ
ಬಾಗಿವಂದಿಪೆ ನಾ ನಿಮ್ಮ ಚರಣ ಭವ
ರೋಗ ದಯದಿ ಮಾಡು ನಿವಾರಣ ಅ.ಪ
ಜಾಗರಮಾಡಿದರಹುದೇನು ನಿತ್ಯ
ಭಾಗವತನೋದಿದರಹುದೇನು
ಯಾಗಮಾಡಿದರಹುದೇನು ಮಹ
ಯೋಗ ಬಲಿಸಿದರಹುದೇನು
ಸೋಗು ಹಾಕಿ ಬೈರಾಗಿ ಆಗಿ ಇಳೆಯ
ಭೋಗವ ತ್ಯಜಿಸಿದರಹುದೇನು 1
ಸ್ನಾನಮಾಡಿದರಹುದೇನು ಬಹು
ದಾನಮಾಡಿದರಹುದೇನು
ಮೌನಮಾಡಿದರಹುದೇನು ಕೌ
ಪೀಣ ಧರಿಸಿದರಹುದೇನು
ಜ್ಞಾನ ಬೋಧಿಸುತ ನಾನಾದೇಶಗಳ
ಮಾಣದೆ ತಿರಿಗಿದರಹುದೇನು 2
ಜಪವಮಾಡಿದರಹುದೇನು ಬಲು
ಗುಪಿತ ತೋರಿದರಹುದೇನು
ತಪವ ಗೈದರಹುದೇನು ಮಹ
ವಿಪಿನ ಸೇರಿದರೆ ಅಹುದೇನು
ಚಪಲತನದಿ ಸದಾ ಅಪರೋಕ್ಷನುಡಿದು
ನಿಪುಣನೆನಿಸಿದರೆ ಅಹುದೇನು 3
ಸಾಧುವೆನಿಸಿದರೆ ಅಹುದೇನು ಚತು
ಸ್ಸಾಧನಮಾಡಿದರಹುದೇನು
ವೇದ ಪಠಿಸಿದರೆ ಅಹುದೇನು ಅಣಿ
ಮಾದಿ ಅಷ್ಟಸಿದ್ಧಿ ಅಹುದೇನು
ಓದಿತತ್ತ್ವಪದ ಛೇದಿಸಿ ಬಿಡದೆ
ಬೋಧಕನೆನಿಸಿದರೆ ಅಹುದೇನು 4
ಕೋಶನೋಡಿದರೆ ಅಹುದೇನು ಬಹು
ದೇಶ ನೋಡಿದರೆ ಅಹುದೇನು
ಆಸನಹಾಕಿದರಹುದೇನು ಮಂತ್ರ ಅ
ಭ್ಯಾಸ ಮಾಡಿದರೆ ಅಹುದೇನು
ದಾಸಪ್ರಿಯ ಭಯನಾಶ ಶ್ರೀರಾಮ ನಿಮ್ಮ
ಧ್ಯಾಸವೊಂದಿರೆ ಮುಕ್ತಿ ಸಿಗದೇನು 5

ಜಯದೇವ ಜಯದೇವ ಜಯ ಶಂಕರ ಮೂರ್ತಿ
ಜಯ ಜಯವೆಂದು ಬೆಳಗುವೆ ಮನದಲಿ ಭಾವಾರ್ತಿ ಪ
ಸಾಧನ ಕೆಂಜೆಡೆಯೊಳಗೆ ಜ್ಞಾನಗಂಗೆಯ ನಿಲಿಸಿ
ಸಾದರದಲಿ ಚಿಜ್ಯೋತಿಯ ಚಂದ್ರನ ಕಳೆಧರಿಸಿ
ನಾದಬಿಂದು ಕಳಾನಯನ ತ್ರಯವೆರಿಸಿ
ಮೋದಿಪೆ ಅಪರೋಕ್ಷನುಭವ ಮುಖದೆಳೆ ನಗೆಬಳಿಸಿ 1
ಧವಲಾಂಗದಿ ಸಲೆ ಶುದ್ಧ ಸತ್ವದ ಶೋಧಿಸಲಿ
ತವಕದಿ ಶಮದಮವೆಂಬಾ ಬಾಹುದ್ವಯದಲಿ
ಅವಯವದಲಿ ನಿಜಭಕ್ತಿ ಶೇಷಾಭರಣದಲಿ
ಶಿವತಾನೆಂದು ಬೆಳಗುವೆ ಸಹಜಾನಂದದಲಿ 2
ವಿವೇಕ ವೈರಾಗ್ಯದಾ ಕರಚರ್ಮಾಂಬರಣಾ
ಅವನಿಲಿಸುರನರಪೂಜಿತ ಪಾವನಶ್ರೀ ಚರಣಾ
ಕುವಲಯ ಲೋಚನ ಶಾಂತಿಯ ಪಾರ್ವತಿ ಸಹಕರುಣಾ
ಭವತಾರಕ ಗುರುಮಹಿಪತಿ ಪ್ರಭುದೀನೋದ್ದಾರಣಾ 3

ಹರಿಕೃಪೆಯೋಗ್ಯ ಮುಮುಕ್ಷನು
ಧರಿಯೊಳು ಕಾಂಬ ಪರೋಕ್ಷನು ಪ
ಹಿಂದಿನ ಪುಣ್ಯದಿ ಬಂದೆನೈ ದೇಹದಿ
ಮುಂದಾವಗತಿಯಂದು ಮುಮುಕ್ಷನು
ನೊಂದು ಮನದಿ ಪಶ್ಚಾತ್ತಾಪ ವಿರಕ್ತಿಯ
ಹೊಂದಿದ ದಡದಲಿ ಮುಮುಕ್ಷನು
ನಿಂದು ವಿವೇಕದಿ ಪರಮ ಶುಭೇಚ್ಛವ
ಛಂದದಿ ಹಿಡಿವನು ಮುಮುಕ್ಷನು
ಇಂದಿರೆ ಪತಿಗೋವಿಂದ ಮುಕ್ಕುಂದ ಸಲ
ಹೆಂದು ಮೊರೆಯಿಡುವ ಮುಮುಕ್ಷನು 1
ಅಷ್ಟಮದ ಮುರಿದು ಆರರಿಗಳ
ಇಟ್ಟಣಿ ಗಿಡಿಸುವ ಮುಮುಕ್ಷನು
ದುಷ್ಟತನ ಬಿಡಿಸಿ ಮನನಿನ ಮಲ್ಲನೆ
ಕಟ್ಟಲೆಳಿರಿಸುವ ಮುಮುಕ್ಷನು
ನಿಷ್ಠೆಯಿಂದಲಿ ಗುರುಚರಣ ವಭಕುತಿಲಿ
ಮುಟ್ಟಿಭಜಿಸುವನು ಮುಮುಕ್ಷನು
ಇಷ್ಟಸ್ವಧರ್ಮಪಕರ್ಮಗಳನ್ನು ಕಾಮ್ಯವ
ಬಿಟ್ಟು ನಡೆಸುತಿಹ ಮುಮುಕ್ಷನು 2