ಏನು ಸವಿಯೋ ಮಾತಿನ್ನೇನು ಸವಿಯೋ |
ಶ್ರೀನಾಥನೆಚ್ಚರ ಪಡೆವಾ ಮಾನುಭಾವರ ಸ್ಥಿತಿ ಸಂಗತಿಯಾ ಪ
ನುಡಿಸವಿಯೋ ವೇದಾಂತದಾ |
ನಡಿಸವಿಯೋ ಸಿದ್ಧಾಂತದಾ |
ದೃಢ ಸವಿಯೋ ನೈರಾಶ್ಯದಾ |
ಕುಡ ಸವಿಯೋ ಉಪದೇಶವಾ 1
ನೋಟ ಸವಿಯೋ ಸಮಭಾವದಾ |
ಧಾಟಿ ಸವಿಯೋ ಭಕ್ತಿ ಸುಖದಾ |
ಮಾಟ ಸವಿಯೋ ಹರಿ ಪ್ರೇಮದಾ |
ಊಟ ಸವಿಯೋ ನಾಮಾಮೃತದಾ 2
ತ್ಯಾಗ ಸವಿಯೋ ವಿವೇಕದಾ |
ಭೋಗ ಸವಿಯೋ ನಿರ್ವಿಷಯದಾ |
ಶ್ರೀ ಗುರು ಮಹಿಪತಿ ಸ್ವಾಮಿ |
ಯೋಗ ಭೋಗವೆರಡಲ್ಲಿರುವಾ 3

ಪರಾತ್ಮಾ ಶ್ರೀಶಿವಾನಂದಾ ಪ
ನಮಿಸುವೇ ಪುಣ್ಯ ವಿಚಿತಾತ್ಮಾ
ಮಹಾತ್ಮಾ ಸತ್ಯ ಸರ್ವಾತ್ಮಾ
ಸ್ವರೂಪಾನಂದವಾ ಪಡೆವಾ
ಸನ್ಮತಿಯಾ ನೀಡು ಗುರುದೇವಾ
ಚರಣಕೆ ಎರಗುವೆನು ದೇವಾ 1
ಸದಾನಂದಾ ಮನೋಹರಾ
ಹೃದಯದಾವಾಸ ನಿಜಸಾರಾ
ಗುರುವರಾ ಶಂಕರಸ್ವರೂಪಾ
ಕರುಣಿಸೈ ಬೋಧದಾನಂದಾ
ಪರಾತ್ಮಾ ಶ್ರೀಶಿವಾನಂದಾ 2

ರಾಮ ರಸಾಯನವಾ ಬನ್ನಿರಯ್ಯ ಸೇವಿಸುವಾಪ
ಅವನಿಲಿ ನಾನಾವಿಪತ್ತದ ಪಡುವಾ |
ಭವರೋಗ ಮೂಲ ಛೇದಿಸುವಾ 1
ಭ್ರಮೆಗೊಂಡು ಮತ್ತೆ ಜನ್ಮಕ ಬಾರದಿರುವಾ |
ಅಮರತ್ವವನು ಬ್ಯಾಗ ಪಡೆವಾ 2
ಗುರು ಮಹಿಪತೀ ಪ್ರಭು ದಾಸರು ಮೆರೆವಾ |
ವರಸಂಗದಲಿ ಸುಖಿಸುವಾ 3

ನಾರಾಯಣಯೆಂದರಾಗದೇ ನಿನ್ನಘೋರದುರಿತದೂರ ಹೋಗದೇವಾರಿಜನಾಭನ ವಲಿಸದೇನರಶಾರೀರದಲಿ ಬಂದು ಫಲವೇನಿದೆ1ಸಾರಷಡ್ರಸಾನ್ನ ಭುಜಿಸುತ್ತಪರದಾರಾಂಶದಲಿ ಮನವಿರಿಸುತ್ತಾಕ್ರೂರಕೃತ್ಯವನಿತ್ಯಗೈಯ್ಯುತ್ತ ಯಮ-ನೂರಿಗೆ ಪೋಗುವದೇನು ಹಿತ2ನಡೆವಾಗ ನುಡಿವಾಗ ಕುಡಿವಾಗ ವೀಳ್ಯಮಡಿವಾಗ ಕೊಡುವಾಗ ಪಡೆವಾಗ ಜಲಜನಾಭನಎಡಬಿಡದೀಗಾ ನೆನೆಕಡೆಗೆ ನಾಲಿಗೆ ಬಿದ್ದು ನುಡಿಯಲಾಗಾ3ಈಶಣತ್ರಯದಲಿ ಸಿಲುಕುತ್ತಾ ಒಂದುನಶಿಸೆ ತಾಡಕಕೃತಿಗೈಯುತ್ತಾಎಸೆವ ಮೂರು ವೈರಾಗ್ಯ ತಾಳುತ್ತಾ ಸುತ್ತುಈಶ ತ್ರಿಮೂರ್ತಿ4ಜನಿಸುತ್ತಲೇನ ತಂದಿರುವೆಯೋ ನಾಳೆತನುವನೀ ..... ಲೇನನೊಯ್ವೆನೊತನುಮಧ್ಯ ಭಾಗ್ಯದಿ ಮೆರೆವೆಯೋ ನಿನ್ನಜನುಮದ ನೆಲೆಯ ನೀನರಿವೆಯೊ5ಇಂದುಸುಕರ್ಮ ಮಾಡದೆ ನೀನು ನಾಳೆಎಂದರೆ ತನುವಿಗೆ ನಿಜವೇನುಚಂದದಿ ಸ್ಮರಿಸು ಗೋವಿಂದನು ತಾನೆಬಂದು ದಾಸರ ನೋಡಿ ಪೊರೆವಾನು6