ಅರಿ ನಿನ್ನಯ ನಿಜವನು ಜೀವಾ
ಅರಿವಿಂದೆ ನೀನೆ ಆ ದೇವಾ ಪ
ಸಾರಿ ಪೇಳಿತು ಈ ನುಡಿ ಶಾಸ್ತ್ರ
ಅರಿತು ನೋಡಲು ನೀನೆ ಕೃತಾರ್ಥ
ದೇಹಮನಗಳ ತ್ಯಾಗದಿಂದೆ
ಉಳಿವುದಾ ನಿಜವೊಂದೇ 1
ಈ ಬೋಧಾದಾ ಅನುಭವ ಪಡೆಯೈ
ನಾಶಮಾಡು ಈ ಮನವಾ
ಈಶಜೀವರಾ ಐಕ್ಯದ ನಿಜವಾ
ಪೇಳ್ದ ಶಂಕರದೇವಾ 2

ಬಿಡು ಬಿಡು ಮನುಜಾ ಜಡದಭಿಮಾನ
ಪಡೆ ಗುರುವಿನಲಿ ಸ್ವಾತ್ಮದ ಜ್ಞಾನಾ ಪ
ಈ ಸುಖದುಃಖದ ಬಡಿದಾಟದಲಿ
ಗಾಸಿಯಾಗುತಲಿ ಸಾಯುವದೇ ದಿಟ
ಕ್ಲೇಶವ ನೀಗುವಿ ನಿನ್ನ ನೀ ತಿಳಿವೊಡೆ 1
ಮರಳಿ ದೇಹ ಪಡೆಯದ ದಿವ್ಯ ಬೋಧ
ಪರಮಶಾಂತಿ ದೊರಕಿಸುವ ಪ್ರಮೋದ
ದುರುಳಸಂಸ್ಕøತಿಯ ಪಾಶದ ಛೇದ
ಮರೆಯದೆ ಮಾಳ್ಪುದು ಸ್ವಾತ್ಮದ ಶೋಧ 2
ಘಟ ಮರಣಕೆ ಶಿಲುಕಿದಾದರೂ
ಈ ಘಟದಲಿ ನೀ ಅಮರನೆ ಇರುವೀ
ಬೇಗನೆ ಜೀವನ್ಮುಕುತಿಯ ಪಡೆಯೈ
ಯೋಗಿ ಶಂಕರನ ಸದ್ಬೋಧದಲಿ 3