(ಆ) ಶ್ರೀ ವೆಂಕಟೇಶ್ವರ
ಅಭಯ ಗಿರಿಯವಾಸ ಶ್ರೀನಿವಾಸನು ನಮಗೆ |
ಶುಭವೀವ ನಿರುತ ಮಂದಹಾಸನೊ ಪ
ಧೇನಿಪರ ಮನಕೆ ಚಿಂತಾಮಣಿಯೋ ಸ್ವಾಮಿ |
ನೀನೆ ಗತಿಯೆಂಬರಿಗೆ ಹೊಣೆಯೋ
ಜ್ಞಾನಮಯ ಸಂದಣಿಯೊ ಪುಣ್ಯ
ಕಾನನ ನಿವಾಸ ಸುರಖಣಿಯೊ 1
ವಜ್ರ ಪಂಜರನೋ ದುಷ್ಟ
ದುರುಳ ದೈತ್ಯರಿಗೆ ಝರ್ಝರನೊ
ದುರಿತ ಕದಳಿಗೆ ಕುಂಜರನೊ ಸ್ವಾಮಿ
ಉರಗತಲ್ಪನಾದ ಸಿರಿವರನೊ 2
ಪರಮೇಷ್ಟಿ ಶಿವರೊಳಗಿಪ್ಪನೋ ಇಂದು
ಮರುತನ ಪೆಗಲೇರಿ ಬಪ್ಪನೊ
ಶರಣರಿಗೊರವೀಯೆ ತಪ್ಪನೋ ನಮ್ಮ
ಸಿರಿ ವಿಜಯವಿಠ್ಠಲ ತಿಮ್ಮಪ್ಪನೊ 3

ಶುಭವೀವ ನಿರುತದಲಿ ಮಂದಹಾಸಾ ಪ
ಅಭಯಗಿರಿಯ ವಾಸಾ ಶ್ರೀ ಶ್ರೀನಿವಾಸ ಅ.ಪ.
ಧೇನಿಪರ ಮನ ಚಿಂತಾಮಣಿಯೋ | ದೇವ |
ನೀನೆ ಗತಿಯೆಂಬುವರ ಧಣಿಯೋ ||
ಜ್ಞಾನಮಯ ಸುಖದ ಸಂದಣಿಯೋ | ಪುಣ್ಯ |
ಕಾನÀನವಾಸ ಸುರರ ಖಣಿಯೋ 1
ವಜ್ರ ಪಂಜರನೋ | ದೇವ |
ದುರುಳರಿಗೆ ವೀರ ಜರ್ಝರನೋ ||
ದುರಿತಕದಳಿಗೆ ಕುಂಜರನೋ |
ವರಕಲ್ಪ ಕಲ್ಪ ವಿಚಲನೋ 2
ಪರಮೇಷ್ಠಿ ಶಿವರೊಳಗೆ ಯಿಪ್ಪ | ದೇವ |
ಮರುತನ್ನ ಹೆಗಲೇರಿ ಬಪ್ಪಾ ||
ಶರಣರಿಗೆ ವರವೀಯುತಿಪ್ಪಾ |
ಸಿರಿ ವಿಜಯವಿಠ್ಠಲ ತಿಮ್ಮಪ್ಪಾ 3