ಅವನೆವೆ ಧನ್ಯ ನೋಡಿ
ಅವನ ದರುಶನ ಮಾಡಿ ಪ.
ಹರಿಧ್ಯಾನ ಹೃದಯದಲ್ಲಿ |
ಹರಿನಾಮ ಜಿವ್ಹದಲಿ |
ಹರಿಕಥೆ ಶ್ರವಣದಲ್ಲಿ|
ಹರಿಯಾ ಸೇವೆ ಅಂಗದಲ್ಲಿ1
ಹರಿಭಕ್ತಿಯೊಳು ಕೂಡಿ |
ಹರಿ ಕೀರ್ತನೆಯ ಮಾಡಿ |
ಹರಿ ಪ್ರೇಮ ತುಳಕಾಡಿ |
ಹೊರಳುವ ನಲಿದಾಡಿ 2
ತಂದೆ ಮಹಿಪತಿ ದಯಾ
ದಿಂದ ಪಡೆದು ವಿಜಯಾ
ಹೊಂದುವ ತಿಳಿದು ನೆಲಿಯಾ
ಛಂದವಾದಾ ಪುಣ್ಯಕಾಯಾ 3

ಅವನೇ ನಿಜಯೋಗಿ | ವಿರಾಗಿ |
ಭೋಗಿ 1
ದಾವನ ನೋಟದಲಿ | ಸಮ ವಿಷಮಾ |
ಭಾವನೆಗಾಯಿತು ಸೀಮಾ 2
ಮಾಯಾ ಕಲ್ಪಿತದಾ | ಜಗಮರೆತಾ |
ನ್ಯಾಯದಿ ಚಿದ್ಘನವರಿತಾ 3
ಮಂದಗೆಡನು ಚರಸೀ | ತಾನಾಗಿ |
ಬಂದದನುಂಬನು ತ್ಯಾಗಿ 4
ಬಲ್ಲವಿಕಿಲಿ ಬಿಗಿಯಾ | ದಾವನು |
ಎಲ್ಲರಿಗ್ಯಾಗಿಹ ಹರಿಪ್ರಿಯನು5
ಮಹಿಪತಿ ಸುತ ಪ್ರಿಯನಾ | ತಿಳಿವಿಕೆಯಾ |
ಸೋಹ್ಯವ ತಿಳಿದನು ನೆಲಿಯಾ6

ಆವಧನ್ಯರೋ ಸುಖಿಸುವರು ಗೋಕುಲದವರು |
ಗೋವಿಂದನೊಳು ಕ್ರೀಡಿಸುವರು ಗೋಗೋವಳರು ಧ್ರುವ
ಭಾವಿಸೆ ಮಖದಲ್ಲಿದಾವ ಸಾರಾಯ ಕೊಂಬಾ |
ದೇವಗೋಪಾಲಕರ ಕರಿಸಿ | ಬುತ್ತಿಯ ತರಿಸಿ |
ಸವಿಸವಿದುಂಬುವರ ವೆರಸಿ | ಕೈಯೊಳಿರಿಸಿ |
ಅವರತನ್ನಂಜಲೆಂಬ ದೂರಿಸಿ ನಲುವಾದರಿಸಿ 1
ಸಿರಿರಮಣಿಯ ಕೂಡ ಸರಸದಿ ಕುಚವಿಡಿದಾ |
ಕರದಿನವೀನ ತೃಣವಾ ಕಡಿದು ಕವಳವಿಡಿದು |
ಕರೆದು ಆವಿನ ಪೆಸರಾ ನುಡಿದು ಕುಡವಾವಿ ನಡೆದು |
ಕರುಣದಿ ಚಪ್ಪರಿಸುವಾ ಜಡಿದು ಮೈಯನಡದು 2
ಅನಂದಿನ ಧ್ಯಾಯಿಸುವಾ ಮುನಿಮನದಲ್ಲಿ ಹೊಳೆಯಾ |
ಚಿನುಮಯ ಗೋಪಿಯರಾವಳಿಯಾ ಯೋದ್ಧುಳಿಯಾ |
ಅನುವಾಗಿದೋವರ್ತನಕಳಿಯಾ ವರ ಬಳಿಯಾ |
ಘನಮಹಿಪತಿ ಸ್ವಾಮಿ ನೆಲಿಯಾ ಬೊಮ್ಮತಾ ತಿಳಿಯಾ 3

ಇನ್ನೇನು ನೋಡುವಿ ನೆಲಿಯಾ |
ಬನ್ನ ಬಿಡಿಸಿ ಕಾಯೋ ಶ್ರೀ ಗುರುರಾಯಾ ಪ
ದಾಸಿಗೆ ಕರುಣಿಸಿ ರಾಯರಂಭೆಯ ಮಾಡಿ |
ದೋಷವೆಣಿಸುವನೆ ಮುನ್ನಿನ ನೋಡಿ 1
ಸರಿ ತಾ ಹರಿದು ಬಂದು ಗಂಗೆಯಾ ಕೂಡಲಿ |
ತಿರುಗಿ ನೂಕುವದೇನು ಜರೆಯುತಲಿ2
ತಂದೆ ಮಹಿಪತಿ ನಿಮ್ಮ ನಂದನನೆನಿಸುತ |
ಕುಂದ ನಾರಿಸುವದು ಬಿರುದಿಗುಚಿತಾ 3

ಕಂಡೆನಮ್ಮಾ ಕೌತುಕದಾ ಗಾರುಡಿಗನಾ |
ಕೊಂಡಾಡಲಳವಲ್ಲ ಹೇಳಲೇ ನಾ ಪ
ಬೋಧದನಾಗರ ನೂದುವನಾ 1
ಭಕ್ತರುದ್ದೇಶಕ ಬಂದ ಜವದಿ 2
ಸಕಲ ತೇಜದ ಬಬ್ಬುಳಿಯೋ ರೂಪ ನೆಲಿಯಾ |
ಪ್ರಕಟ ತಿಳಿಯದು ನಿಜ ಕಳಿಯನಾ 3
ಅರಿಶಿಕ್ಷಾ ಭಕುತರ ಪಕ್ಷಾವೆಂಬ ನಾನಾ |
ಬಿರುದು ಕಟ್ಟಿಹ ಮಹಿಮನಾ 4
ಕಾಳ ಸರ್ಪದ ನಿಜ ಮುಖ ಬಂಧವನ ಮಾಡಿ |
ಜಾಳಿಸಿದನು ಭಯ ಈಡ್ಯಾಡಿ 5
ಹಮ್ಮಿನ ಗಾವ ಗುಂಡ ಗಜದಂತ ಶರಣರಿಗೆ |
ವಮ್ಮಿಲೆ ಕಲೆಗಳ ದೋರುದೀಗನಾ 6
ತಂದೆ ಮಹಿಪತಿ ಸುತ ಸ್ವಾಂಮಿ ದುರ್ಲಭದಾ |
ನಂದವ ತೋರಿದಾ ದಯದಿಂದಾ 7

ದಾವನು ಗುರುಸಹವಾಸಿ
ಅವನಿದ್ದದ್ದೇ ಸ್ಥಳ ಕಾಶಿ ಧ್ರುವ
ಕೂಡಿದವರ ತ್ರಿತಾಪಭಂಗಾ
ರೂಢಿಗೆ ಮೆರೆವಳು ಙÁ್ಞನಗಂಗಾ
ಮೂಡಿಹ ಆತ್ಮಜ್ಯೋತಿ ಲಿಂಗಾ
ಕಂಡಿಹ ಗುಣರಾಸೀ 1
ವಿವರಿಸಿ ತಾರಕಮಂತ್ರದ ನೆಲಿಯಾ
ಕಿವಿಯೊಳು ಹೇಳಲು ಗುರುರಾಯಾ
ಭವ ಭಯಾ
ಸ್ವಾನಂದವ ಬೆರೆಸೀ2
ಜನದಲಿ ನಾನಾ ಸಾಧನ ಜರಿದು
ಮನದಲಿ ಒಂದೇ ನಿಷ್ಠಿಯ ಹಿಡಿದು
ಅನುಮಾನದ ಸಿದ್ಧಾಂತಗಳದು
ಸದ್ಭಾವನೆ ಒಲಿಸೀ 3
ಪ್ರೇಮಿಯ ನಿಜಸುಖ ಪ್ರೇಮಿಕ ಬಲ್ಲಾ
ಈ ಮನುಜರಿಗಿದು ಭೇದಿಸುದಲ್ಲಾ
ಶ್ರೀ ಮಹಿಪತಿ ಬೋಧಿಸಿದನು ಸೊಲ್ಲಾಪೂರಿಸಿ ಮನದಾಸಿ 4

ಯಾಕ ವದಗಲೊಲ್ಲೆಯನ್ನಯ ಬಿನ್ನಹಕ
ಲೋಕ ರಕ್ಷಕ ಬಂದು ಯನ್ನ ನುದ್ದರಿಸಯ್ಯಾ ಪ
ಅರಿಯದ ಶಿಶು ಮಹಾನದಿ ಜಲದೊಳು ಪೋಕ್ಕು
ತರಿಸಲರಿಯದಸು ದೊರೆಯುತಿದೆ
ಇರಲು ತಾರಕದಡಿಯಲಿ ಸುಮ್ಮನೇದಯಾ
ಜರಿದು ನೆಲಿಯಾ ನೋಡುತಹುದೇನಯ್ಯಾ 1
ಅರಿಗಳು ಪಟಳದಿಂದೋರ್ವ ಮನುಜಾ
ಅರತು ನೃಪರಬೆನ್ನಬೀಳಲು
ಭರದಿಂದಾ ಪಡಿತಂದವರಾಕೈಯ್ಯಲಿಕುಡೆ
ಧರೆಯೊಳುಸಕಲ ಜನರು ಏನೆಂಬು ವರೈಯ್ಯಾ 2
ಪತಿತರ ಪಾವನ ಮಾಡುವಾಧೊರಿಯೆಂದು
ಶೃತಿ ನಾಲ್ಕರಲಿ ಕೊಂಡಾಡುತಿರೆ
ಮತಿಹೀನ ನೆಂದು ಕೈಯ್ಯಾ ಬಿಡದಿರೋ ಮಹೀ |
ಮತಿ ಸುತಪ್ರಭು ಪರಿಚರೆನಿಸುವ ಬಳಿಕಾ3