ಛೀ ಛೀ ಛೀ ಛೀ ಪ
ಬಿಟ್ಟು ಕೊಡೋ ನೀ ಸಂಸಾರ ಭ್ರಾಂತಿ |
ಎಷ್ಟು ಸೋಸುವಿ ದುಃಖದ ಪಂಥಿ |
ಅಷ್ಟು ಪಾಶದೀ ಬಿಗಿದಿಹ ಗ್ರಂಥಿ |
ಕಷ್ಟ ಪಟ್ಟಿನ್ನು ಮಾಡುವಿ ಚಿಂತಿ 1
ಸತಿ ಸುತರೆಲ್ಲಾ |
ಘನ್ನಸ್ನೇಹವ ಮಾಡುವರಲ್ಲಾ |
ಧನ ಯೌವನ ಕೊರತ್ಯಾಗಿ ಸೊಲ್ಲಾ |
ತೃಣ ಸಮಮಾಡಿ ಬಗೆವರು ಖುಳ್ಳಾ 2
ಹಳೆದಾಯಿತು ತಾಳಿದ ಕಂಥೀ |
ಬಲವಿಂದ್ರಿಯ-ವಾದವು ಶಾಂತಿ |
ಬಲು ನೆರೆಯಿತು ರೋಗದ ಸಂತಿ |
ಕೆಳಗಾಯಿತು ಪೌರುಷ ಖಂತಿ 3
ಹಿರಿಕಿರಿಯರು ಸರಿಕರು ನಿನ್ನಾ |
ಸರಿದ್ಹೋಗುದು ಕಾಣಲಿಲ್ಲÁ ಕಣ್ಣÁ |
ಅರಿತು ವಿವೇಕವ ಪಡಿಯದೆ ಘನ್ನಾ |
ಮರೆದಾಗುರೆ ನೀ ಮಸಿಮಣ್ಣಾ 4
ಒಂದಾಗಲು ಮತ್ತೊಂದಾಶೆ |
ಸಂಧಿಸುವದು ವಾಸನೆ ಸೂಶಿ |
ತಂದೆ ಮಹಿಪತಿ ನಂದನು ಹೇಸಿ |
ಇಂದು ಸಾರಿದಾ ಹರಿನಾಮ ಸ್ಮರಿಸಿ 5

ಶೋಭನವೆನ್ನಿರೋ ಶೋಭನ ಬನ್ನಿರೆ
ಶೋಭನ ಬನ್ನಿ ಸವ್ಯದಿಂದ ಧ್ರುವ
ಶೋಭಾನವೆಂಬೋದು ಸೋಹಂಭಾವಗುಣ
ಅಹಂಭಾವಿಗಳು ಅರಿಯವು
ಅಹಂಭಾವಿಗಳು ಅರಿಯುವು ಅನಂಗನ
ಅಹಂಭ್ರಮೆಯು ವಿಪರೀತ 1
ಶೋಭನವೆನ್ನಿರೇ ಸಿದ್ಧಾಂತನುಭವಿಗಳು
ಕಾಮಿ ಕಾಮಣ್ಣನ ಮದುವಿಗೆ
ಪ್ರಾಣಿ ಮಾತ್ರಗಳೆಲ್ಲ ಬರಬೇಕು 2
ಶೋಭನವೆನ್ನಿರೇ ಮದೂಣಿಗಾನಂಗಗೆ
ಕಾಮಿತದಳಗಿತ್ತಿ ಅರಸಗ
ಕಾಮಿತದಳಗಿತ್ತಿ ಅರಸ ಮೋಹನ್ನಗೆ
ನೆರೆಯಿತು ಲೋಕ ಧರೆಯೊಳು 3
ಶೋಭನವೆನ್ನಿರೇ ಕಾಮಿ ಕಾಮಣ್ಣಗೆ
ಕಾಯದೊಳೀಹ್ಯ ಕರುಣಿಗೆ
ಕಾಯದೊಳಿದ್ದು ಮೆರೆವ ಅನಂಗನು
ಚರ್ಮದಬೊಂಬಿ ಗುರುತಾಗಿ 4
ಶೋಭನವೆನ್ನಿರೇ ಸಜ್ಜನ ಸಾವಿತ್ರೇರು
ಆನಿ ಮೊದಲೆ ಇರುಹು ಕಡಿಗೆಲ್ಲ
ಆನಿಮೊದಲೆ ಇರುಹು ಕಡಿಗೆಲ್ಲ ಮಹಿಪತಿ
ಶೋಭಾನಯೆಂದ ಸಬೂದಿಂದ 5