ನೀನೆ ಜಗದೀಶ ಶ್ರೀ ವೆಂಕಟೇಶಾ ಪ.
ಪೂರ್ವ ವೈರ ವಹಿಸಿರ್ವ ತಮೋಗ್ರಹ
ಪರ್ವ ಕಾಲದೊಳು ಶರ್ವರೀಶನಿದಿ-
ರಿರ್ವದರಿತು ಸುರ ಸಾರ್ವಭೌಮ ಶತ-
ಪರ್ವದೊಳಸುರನ ಗರ್ವವ ಕಳಿವಿ 1
ಧರಣಿಗೆ ಭಾರವ ನೆರಹುವ ದೈತ್ಯರು
ಸುರರ ಮಹಾದ್ಬುತ ಧುರದೊಳು ಗೆಲಿತಿರೆ
ತಿರಿಯ ಜನರ ಸುರವರತನುವಾಗುತ
ತಿರಿವಿ ಮದಾಂಧರ ಸರಸೀಜನಯನ 2
ಹೊಂದಿದ ಭಕ್ತರನೆಂದಿಗು ಕಾಯುವ
ನೆಂದು ವೇಡಮುನಿ ವೃಂದ ಪೊಗಳುವುದು
ಸುಂದರ ಪೂರ್ಣಾನಂದ ಶೇಷಗಿರಿ
ಸಿರಿ ಗೋವಿಂದ ಮುರಾರೆ 3

ಹಾದಿಯ ಕೊಡುಹರಿ ಪರಗತಿಯಾ
ಸಾಧಿಸಿ ಬಂದೇ ಕೇಳಿ ಕೀರುತಿಯಾ ಪ
ಕ್ಷಿತಿಯೊಳು ಭರತ-ಖಂಡದ ದೇಶದ
ಪತಿತರ ತಾಂಡೆಯದ ನಾಯಕನು
ಮತಿ ಹೀನ ಕಾಮಕ್ರೋಧರಾಗಿಹ ಪುಂಡರು
ಪಥ ನಡೆಗುಡಿಸರು ಅತಿಬಲರು 1
ಆದಿಲಿ ಅಜಮಿಳಾ ತಾಂಡ್ಯ ಹೋದ ಬಳಿಕಾ
ಹಾದಿ ಮುಗ್ಗಿತಿ ಕಡೆ ಬಹುದಿನದೀ |
ಸಾದರಲೆನಗನಿ ಅಭಯವ ಕೊಟ್ಟರ |
ಭೇದಿಸಿ ಜನರನು ನೆರಹುವೆನು 2
ಏನಾರೆ ಗೋಣಿಗೆ ಭಾವದ ಲಹರೆ ಕÉೂಂಡು
ಮಾನು ಭಾವರ ಪ್ಯಾಟಿ ಹೋಗಿಸುವುದು
ಘನಗುರು ಮಹಿಪತಿ ನಂದನ ಸಾರಥೀ
ದೀನ ವತ್ಸಲನೆಂಬ ಬಿರುದಹುದು 3