ಕರುಣಾ ತೋರದದೇನೊ ನರಹರಿಯೆ ನಿನ್ನ
ಕರುಣೆ ತೋರದೆ ಇರುವ ಪರಿಯೆನ್ಹರಿಯೇ ನಿನ್ನಯ
ಕಮಲ ಸ್ಮರಣೆಯ ಇಹಪರಕೆ ಗತಿಯಂ
ದಿರುವ ಮನಜರಿಗ್ಹರುಷದಿಂದಲಿ ಪ
ಸುಸಾಮಗಾನಪ್ರಿಯ ನರಸಿಂಗ
ದೈತ್ಯಾರಿ ಭಕ್ತಾಧೀನ ಗರುಡತುಂಗ ಕರುಣಾಂತರಂಗ
ಶೌರಿ ಪುರಾಣಪುರುಷ
ದಾನವಾಂತಕ ಶ್ರೀನಿವಾಸನೆ
ಶರಪಾಣೆ ವಿಷ್ಟಕ್ಸೇನವರ
ಗೀರ್ವಾಣವಂದಿತ ಜಾನಕೀಧರ ನೀನೇ ಸಲಹೆನೇ 1
ಸಂಯಮಿ ವೃಂದನುತ ಮುಚ-
ಪಾಲನ ಕೃಪಾಸಿಂಧು ಶ್ರೀ ಗೋವಿಂದ ಇಂದಿರಾನಂದ
ನಂದ ಗೋಪಿಯಾನಂದ ನಾಚ್ಯುತ ಮಂದರಧರ ಮಾಪತೆ
ಕಂಬುಕಂಧರ ಇಂದು ಮುಖ ಶ್ರೀ ಸುಂದರಾಂಗನೆ
ರೂಪದಿ ಬಂದು ಸ್ತಂಭದಿ
ರಕ್ಷಿಸೆಂದೆನಲು ಹರಿ 2
ತ್ರಿಜಗದ್ಭರಿತ ಕೌಸ್ತುಭಹಾರ
ನರಮೃಗಾಕಾರ
ಮಂಗಳಕರ ಮಹಿಮಾ
ಶರಣು ಭಾಸುರ ಕಿರೀಟನೆ
ನಿರತದಲಿ `ಹೆನ್ನೆಪುರ ನಿಲಯ'
ಸಿರಿಯರಸ ನಿನ್ನಯ ಮೊರೆಯ ಹೊಕ್ಕರೆ ತ್ವರದಲಿ ನೀ 3

ಗುರು ನಾರಪ್ಪಯ್ಯನ ಚರಣಕಮಲಯುಗ್ಮ
ಮಾನವ ಪ
ನಿರುತ ಸ್ಮರಿಸುವ ಶರಣು ಜನರಘ-
ತರಿದಭೀಷ್ಠೆಯ ಗರಿಯಲೋಸುಗ
ಧರಣಿ ವಲಯದಿ ಮೆರೆವ ವೆಂಕಟ
ಗಿರಿಯ ರಮಣನ ಕರೆದು ತಂದಿಹ ಅ.ಪ
ಧರೆಸುರರೊಳು ಜನಿಸಿರಲು ಭ್ರಾತ್ರರುನಾನಾ
ಪರಿಬಾಧಿಸಲು ಸಹಿಸಿ ಚರಣ ಯಾತ್ರೆಯಲಿಂದ
ಗಿರಿಯಕಾಣುತ ಮಲಗಿರಲು ಸ್ವಪ್ನದಿಸೂಚಿಸಿ
ಧರಣಿ ದೇವನೆ ನಿನಗೆ ದರುಶನ ಕೊಡಲು ನಾ
ಬರುವೆನೆಂದಾಜ್ಞಾಪಿಸಿ ಭಕ್ತನನುಸರಿಸಿ
ತುರುಸ್ವರೂಪವ ಧರಿಸಿ ಬರುತಿರೆ
ಕುರಿಕಿಹಳ್ಳಿಯ ಗ್ರಾಮದಿಂದಲಿ
ತರುವರಾಶ್ವತ್ಥದಲಿ ಸಲೆ ಪಾಲ್ಗರಿದ ದೇವನ
ಕರೆದು ತಂದಿಹ 1
ನಾರಾಯಣಾರ್ಯರು ಕಾರ್ಪರಾರಣ್ಯದಿ
ಆರಾಧಿಸುತಲಿರುತ ಆರಾರು ಭಕುತರು
ಗೋಧನ ಧಾನ್ಯದಿ ಸಾರಾವಸ್ತುಗಳೀಯುತ್ತ
ಗೋರಕ್ಷಣವ ಮಾಡಿರೆನುತ ತಮ್ಮಯ ಬಂಧು
ಬಾಲಕರಿಗೆ ಪೇಳುತ್ತ ಭಯ ಬ್ಯಾಡಿರೆನುತ
ಚಾರು ಶಿಲೆಯೊಳಗೊಂದು ದಿನ ಅಂಗಾರದಲಿ ಶ್ರೀ
ಭಾರತೀಶನ ಮೂರುತಿಯ ಬರೆದೀತ ಭಯ ಪರಿ-
ಹಾರಕನು ನಿಮಗೆಂದು ಪೇಳಿದ 2
ಧರಣಿ ಪಾಲಕನಿಂದ ನಿರ್ಮಿತಮಾದ ಬಂ-
ಧುರ ನಿಲಯದಿ ರಾಜಿತ ತರುಮೂಲದೊಳಗವ-
ತರಿಸಿ ಷೋಡಶ ಸಂಖ್ಯ ಕರಗಳಿಂದಲಿ ಶೋಭಿತ
ವರ ಕೃಷ್ಣಾ ಜಲದೊಳಗಿರುವ ಪ್ರತಿಮೆಯ ತಂದು
ತರು ಬಳಿಯಲಿ ಸ್ಥಾಪಿತ ಶ್ರೀಭೂಸಮೇತ
ಮೂರ್ತಿ ನಿರುತ ಪೂಜೆಯಕೊಳುತ ಧರೆಯೊಳು
ಶರಣು ಜನರನು ಪೊರೆವ ಕಾರ್ಪರ ನಿಲಯ'ಸಿರಿನರ ಹರಿ'ಯನೊಲಿಸಿದ3

ದೇವಕಿ ನಂದನ ಕೃಷ್ಣಾ
ಭಂಜನ ಭಾವಜಪಿತ ಶ್ರೀಕೃಷ್ಣಾ ಪ
ಇಭರಾಡ್ಪರದ ಶ್ರೀಕೃಷ್ಣ 1
ಶ್ರೀಕೇಶವ ಶಶಿ ಶೇಖರನುತ ಕರುಣಾಕರ ರೂಪ ಶ್ರೀಕೃಷ್ಣ 2
ಕುಂದರದನ ಕಾಲಿಂದೀವರ ಮನ್ಮಂದಿರೋದ್ಧಾರ ಶ್ರೀಕೃಷ್ಣಾ 3
ಶ್ರೀ ಖಗಪತಿವಾಹನ ಕೃಷ್ಣ 4
ಚಾರುಚರಿತ ವಿಸ್ತಾರ ಮಹಿಮಾ ನೀರೇರುಹಲೋಚನ ಕೃಷ್ಣ 5
ಕೈಟಭ ದಾನವ ಖಂಡನ ಭಾಸುರ ಹಾಟಕಾಂಬರಧರ ಕೃಷ್ಣ 6
ಶ್ರೀಪತಿಭವ ಸಂತಾಪಹರಣ 'ಹೆನ್ನೆಪುರನಿಲಯ' ಕೃಷ್ಣಾ 7

ನರಸಿಂಹ ನರಸಿಂಹ
ಶರಣು ಧರಣಿಧರ ಪರಮ ಕೃಪಾಕರ ಪ
ಶ್ರೀಕರ ಭಕ್ತ ವಶೀಕರ ಕೋಟಿ
ಪ್ರಭಾಕರ ಸನ್ನಿಭ ಭೀಕರ ರೂಪ 1
ಜಂಭ ಭೇದಿಸುತ ಕುಂಭಿಣಿ ಧವ ಶಶಿ
ಕಂಬು ಕಂಠಶ್ರೀ 2
ಶರಧಿ ಗಂಭೀರ
ಮುನಿ ಮಂದಾರ ಮನೋಹರ 3
ಗಾನಲೋಲ ಸುಮಬಾಣ ಜನಕ
ಮುನಿ ಮಾನಸ ಹಂಸ ಶ್ರೀನಿವಾಸ ಹರಿ 4
ಗರುಡಗಮನ ಮುರನರಕಾಂತಕ
ಶ್ರೀಧರವರ 'ಹೆನ್ನೆಪುರ ನಿಲಯ'ಶ್ರೀ 5

ವಾಸುದೇವಯನ್ನ ಸಲಹೋ ವಾರಿಜಾಸನ
ಈಶವಾಸವಾರ್ಚಿತ ಚರಣ ವನಜೋದರ
ಭಾಸುರಾಂಗ ಕೋಟಿ ಪ್ರಭಾಕರ ಪ್ರಕಾಶ
ಮಂದಹಾಸ ಕಮಲಾಚಲನಿವಾಸ ಶ್ರೀ ಜಗದೀಶ ಪ
ತಾಪಸೋತ್ತಮ ಸತಿಗೆ ಕೋಪದಿಂದ ಪಾಷಾಣರೂಪವಾಗಿ
ಬಿಟ್ಡೆನುತ ಶಾಪಕೊಡಲು
ಕೋಪನಾಮಣಿ ಬಲು ಪ್ರಲಾಪಿಸುತ ಮನದಿ
ನಿಷ್ಪಾಪರರ ನುಡಿಯಂತೆ ಧರಿಯಲಿಬಿದ್ದಿರಲು
ಪಾದ ಸ್ಪರ್ಶಿಸಲಾಕ್ಷಣ
ಸೀತಾಪತಿಯ ಸೇವೆಯಿಂದ ಸುಂದರಿಯಾದಳು ತ್ವರದಿ 1
ಪಾಪಗಳು ಮಾಡಿದವನಂತ್ಯ ಕಾಲದಲಿ ಸುತನ
ನಾರಗೆಂದು ಕರಿಯೇ ಗತಿ ತೋರಿದಿ ಹಿತದ
ಲಾಮರಾಮರೆಂಬ ನಿನ್ನ ಹರುಷದಲಿ ಪೊರೆದೆ ಕ್ಷಿತಿ
ನಾಥ ಹರಿ ಮಹೋನ್ನತ ಚರಿತನೆ ಪತಿತ
ಪಾವನ ಬಿರುದು ಪರಮಾತ್ಮ ನಿನಗಿರಲು ಸ್ತುತಿಸುವೆನು
ಗೋವಿಂದ ಶುಭಕರ ಶ್ರೀ ಮುಕುಂದ 2
ಶರಧಿ ಗಂಭೀರ
ಹಾಟಕಾಂಬರ ಶೋಭಿತ
ಪುರುಷೋತ್ತಮಾನಂತ ಮುರವೈರಿ
ಮುರಲೀರವ ವಿನೋದ ಗರುಡಗಮನ
`ವರ ಹೆನ್ನೆಪುರನಿಲಯ' ಪರಮಪಾವನ ನೃಹರೆ
ಉರಗೇಂದ್ರಶಯನ ಮಂದರಧರ ಕೃಪಾಂಬುಧೆ3