ಪರಮಾನಂದದಿ ಸರಸಿಜಾಕ್ಷಿಯರೆಲ್ಲ
ಪರಮ ಪುರುಷನಿಗಾರತಿ ಎತ್ತುತ ಪ
ಕರಿವರ ವರದನ ಸ್ಮರಿಸುತ ಸಂತತ
ನವರತ್ನದಾರತಿ ಬೆಳಗಿದರುಅ.ಪ
ಗೋಪಿಕಾಲೋಲನಿಗೆ ಗೋಪಾಲಕೃಷ್ಣಗೆ
ಗೋವರ್ಧನೋದ್ಧಾರ ಗೋವಿಂದಗೆ
ಗೋಪಸ್ತ್ರೀಯರ ಕೂಡ್ಯಾಡಿದ ಹರಿಗೆ
ಗೋಪಿಬಾಲನಿಗೆ ಎತ್ತಿದರಾರತಿ1
ನವನೀತ ಚೋರಗೆ
ಬೃಂದಾವನÀದಿ ವಿರಾಜಿಪಗೆ
ಇಂದಿರೆ ಸಹಿತಗೆ
ಕುಂದಣದಾರತಿ ಬೆಳಗಿದರು2
ಕಮಲದಳಾಕ್ಷಗೆ ಕಮಲಮುಖಿಯರೆಲ್ಲ
ಕಮಲ ಮುತ್ತಿನ ಆರತಿ ಪಿಡಿದು
ಕಮಲನಾಭ ವಿಠ್ಠಲನ ಪಾಡಿ ಹರುಷದಿ
ಕಮಲಾಕ್ಷಿಯರು ಶೋಭನ ಪಾಡುತ್ತ 3

ಸತಿ ಸಹಿತ ಕಶ್ಯಪರು ರತುನದಾರತಿ ಪಿಡಿದು
ರತಿಪತಿಪಿತನಿಗೆ ಅತಿಹರುಷದಿ
ಅತಿಶಯದ ಮಹಿಮೆಗಳ ಪೊಗಳುತಲಿ ಶ್ರೀಹರಿಗೆ
ಕುಶಲದಾರತಿ ಎತ್ತಿಬೆಳಗಿದರು
ನಿತ್ಯ ಶುಭ ಮಂಗಳಂ 1
ಅನಸೂಯ ಸಹಿತ ಅತ್ರಿಯರು ಬೇಗನೆ ಬಂದು
ನಳಿನಾಕ್ಷನ ಚರಣಕ್ಕೆರಗಿ ನಿಂದು
ವಿಧವಿಧದ ಆಟಗಳ ಆಡಿದ ಶ್ರೀಹರಿಗೆ
ಪದುಮದಾರತಿ ಎತ್ತಿ ಬೆಳಗಿದರು
ನಿತ್ಯ ಶುಭಮಂಗಳಂ 2
ಶೀಲವತಿಯಾದ ಸುಶೀಲೆ ಸಹಿತ
ಭಾರದ್ವಾಜ ಋಷಿಗಳು ತಮ್ಮ ಆಶ್ರಮದಲಿ
ಶ್ರೀಲಕುಮಿವಲ್ಲಭಗೆ ಶೀಘ್ರದಿಂದಲಿ ತಾವು
ಗೋಮೇಧಿಕದಾರುತಿ ಬೆಳಗಿದರು
ನಿತ್ಯ ಶುಭಮಂಗಳಂ 3
ಕುಮುದ್ವತಿ ಸಹಿತ ವಿಶ್ವಾಮಿತ್ರ ಋಷಿಗಳು
ಕನಕ ಮಂಟಪದಿ ಮೆರೆಯುವ ದೇವಗೆ
ಸನಕಾದಿವಂದ್ಯನಿಗೆ ವನಜಾಕ್ಷಿಯರಸನಿಗೆ
ಕನಕದಾರತಿ ಎತ್ತಿ ಬೆಳಗಿದರು
ನಿತ್ಯ ಶುಭಮಂಗಳಂ 4
ಪ್ರಹ್ಲಾದವರದನಿಗೆ ಅಹಲ್ಯೆಯ ಸಹಿತದಿ
ಫುಲ್ಲಲೋಚನಪ್ರಿಯಗೆ ಋಷಿಗೌತಮ
ಮಲ್ಲಿಗೆಹಾರಗಳು ಧರಿಸಿ ಶೋಭಿಪ ಹರಿಗೆ
ಚಲ್ವನವರತ್ನದಾರತಿ ಎತ್ತುತಾ
ನಿತ್ಯ ಶುಭಮಂಗಳಂ 5
ರೇಣುಕಾ ಸಹಿತ ಜಗದಗ್ನಿ ಋಷಿಗಳು ತಮ್ಮ
ಧ್ಯಾನಗೋಚರನಾದ ಪರಮಾತ್ಮನ
ಮಾನಿನಿಮಣಿ ಲಕುಮಿಯೊಡನೆ ಶ್ರೀಕೃಷ್ಣನಿಗೆ
ನೀಲಮಾಣಿಕ್ಯದ ಆರತಿ ಎತ್ತುತ
ನಿತ್ಯ ಶುಭಮಂಗಳಂ 6
ಸತಿ ಸಹಿತ
ವಶಿಷ್ಠ ಋಷಿಗಳು ಇಷ್ಟಮೂರುತಿಯಾದ
ವರಕಮಲನಾಭ ವಿಠ್ಠಲನ ಸ್ಮರಿಸುತ ನಿತ್ಯ
ನವರತ್ನದಾರತಿ ಬೆಳಗಿದರು
ನಿತ್ಯ ಶುಭಮಂಗಳಂ 7
ಮಂಗಳಂ ಸಪ್ತಋಷಿಗಳು ಪರ್ಣಶಾಲೆಯೊಳು
ಗಾಂಗೇಯನುತನ ಪೂಜಿಸಿ ಹರುಷದಿ
ಸಂಗೀತಲೋಲನಿಗೆ ಶೃಂಗಾರ ಪುರುಷನಿಗೆ
ರಂಗಿನಾರತಿಯೆತ್ತಿ ಬೆಳಗಿದರು
ನಿತ್ಯ ಶುಭಮಂಗಳಂ 8