ಉಪಟಳ ಬಿಡಿಸುವರೇ ಇಂಥಾ
ಪರತಳ ಭೋಜನವೆಂದಿಗೂ ಮಾಡಬಾರ್ದು ಪ
ಇಲಿಗಂಜಿ ನಿಜಗೃಹ ತ್ಯಜಿಸುವರೆ ತನ್ನ
ಸಲಹೊ ದೇವನು ಬೆಂಬಲನಾಗಿಹನು 1
ಭವಕಂಜಿ ಭುವನವ ತೊಲಗುವರೆ ಲಕ್ಷ್ಮೀ
ಧವನನ ಭಜಿಸುತ ಬಾಳ್ವೆಯ ಮಾಡುವದು 2
ಹರಿಗಂಜಿ ಶರಣರು ಓಡುವರೆ ಇಂಥಾ
ನರಸಿಂಹವಿಠಲನೆಂದಿಗು ಬಿಡಬÁರದು 3

ಕದವ ತೆಗೆಯಲ್ಹ್ಯಾಂಗ ಮಧ್ಯರಾತ್ರಿಯಲಿ
ಚದುರ ನಿನ್ನ ಗುರ್ತು ಪೇಳು ಮೊದಲಿನಲಿ ಪ
ನೀರ ಪೊಕ್ಕು ವೇದವನ್ನು ತಂದಿಹೇನೇ
ಭಾರವನ್ನು ಬೆನ್ನಿನಲ್ಲಿ ಪೊತ್ತಿಹೇನೇ
ಕೋರೆಯ ಮ್ಯಾಲಿಳೆಯನ್ನಿಟ್ಟಿಹೇನೇ
ಕೋರೆದಾಡಿಯಿಂದ ದನುಜನಳ್ದಿಹೇನೇ 1
ದಾನಬೇಡಿ ಬಲಿಯನ್ನೊತ್ತಿಹೇನೇ
ಮಾನ್ಯವೆಂದು ತಾಯಶಿರ ಛೇದಿಸಿಹೇನೇ
ದಾನವನ ಪತ್ತುತಲೆಯರದಿಹೇನೇ
ದಾನಮಾಡಿ ದೇಹವನ್ನು ಮೆರದಿಹೇನೇ 2
ಬತ್ತಲ್ಯಾಗೆ ಬೌದ್ಧನೆನಿಸುವೇನೇ
ಕುದುರೆಯಾಗಿ ಧಕ ಧಕ ಕುಣಿಸುವೇನೇ
ಅಧüರಪಾನವನ್ನು ನಾ ಬಯಸಿಹೇನೇ
ಚದುರ ನರಸಿಂಹವಿಠಲನೆನಿಸುವೇನೇ 3

ಯಾಕೆ ಬೇಕು ಜನ್ಮವಾದರು ಲೋಕನಾಥನೆ ಪ
ಜೋಕೆ ಮಾಡುತಲೆನ್ನ ಕಾಯದ
ನೌಕ ನಾಯಕ ನೀ ಕರುಣ ಬಿಡೆ 1
ಮಾತೆ ಕರುಣದೊಳಾತ್ಮಜಗೆ ಸ್ತನವಿತ್ತು ಪೊರೆವಂತೆ
ಪ್ರೀತಿಯಲಿ ತವಜಾತನೆಂದು ಆತುರದಿ ನೀನಾದರಿಸದಿರೆ 2
ವಾರಿಧರ ನೆರೆ ಚಾತಕಗೆ ನೀರಬಿಂದುವೀವಂತೆ
ಧೀರ ನರಸಿಂಹವಿಠಲನೆ ಕರುಣಾರಸವೆನಗೆ ಬೀರದಿರ್ದೊಡೆ 3

ವ್ಯಗ್ರಬುದ್ಧಿಯು ನಿನಗೆ ಶ್ರೀಹರಿಯೆ
ಸುಗ್ರಾಸನವು ನನಗೆ ಅಗ್ರದೈವರು ನೀನೇ ಗತಿಯೊ
ಉಗ್ರತಪದಲಿ ಭಜಿಸುವಾತ್ಮಗೆ
ಉಗ್ರರೂಪವ ತೋರಿ ವಿಧವಿಧಾ-
ನುಗ್ರಹಿಪೆ ಅಮೃತಾನ್ನ ಭೋಜನ ಪ
ಜನಿಸಲಮೃತ WಟÀವು ಸಿಂಧುವಿನೊಳು
ವನಜನಾಭನೆ ವಂಚಿಸಿ ದನುಜ ಕಣಕದು ಇಲ್ಲದಾಗಿ
ಅನುಮಿಷರಿಗತ್ಯಂತಮಿಕ್ಕೆ
ಘನಹರುಷ ತೋರಿದೆಯು ಸುರರಿಗೆ
ನಿನಗೆ ಮೆಲ್ಲಲು ಇರಿಸಲಿಲ್ಲಾ 1
ಧೀರ ದೂರ್ವಾಸ ಮುನಿ ಶಿಷ್ಯರ್ವೆರಸಿ
ಹೋರಿದಾಹಾರಕ್ಕಾಗಿ ನೀರಜಾಕ್ಷಿಯು
ಘೋರ ಬಂತೆಂದಾ ರಾತ್ರಿಯಲಿ ನೆನೆಯೆ ನಿನ್ನನು
ಆ ರಭಸದೊಳು ಬಹುನಿಮಿಷÀದಿ
ಸೂರಿ ಮಾಡ್ದೆಯೋ ಇಷ್ಟು ಭೋಜನಾ 2
ಸಖ ಸುದಾಮನು ಕಾಣಲು ಶ್ರೀಹರಿಯೆ
ಭಕುತಿ ನೋಡಿ ಮೆಚ್ಚಿದಿ
ಮುಕುತಿದಾಯಕ ಪರಮ ಪುರುಷನೆ
ಭಕುತಿ ಭೋಜನವಿತ್ತೆನಗೆ ಸದಾ
ಪ್ರಕಟ ನರಸಿಂಹವಿಠಲನೆ ಬಲು
ನಿಕಟಮನ ಕೊಡು ನಿನ್ನ ಭಜಿಸುವಾ 3