ಇವರೆವೆ ಧನ್ಯರಲ್ಲವೆ ಈ ಶರಣರು | ಈ ಶರಣರು |
ಇವರೆವೆ ಧನ್ಯರಲ್ಲವೆ ಅವನಿಲಿ ಶರಣರು ಪ
ಕರುಣಾನಂದವ ಪಡೆದು |
ತರಣೋಪಾಯವನರಿದು |
ಜರಿವನ್ಯ ಹಂಬಲವ ಬೆರೆದು | ಭಕ್ತಿರಸದೊಳು |
ನಿರಪೇಕ್ಷ ವೃತ್ತಿಯಿಂದಾ | ಚರರಿಸುತಿಹ ಶರಣರು 1
ಭವ ಕಾನನವನೆ ತೊರೆವಾ |
ನಿತ್ಯ ತಾನಾರೆಂಬುದು ನರಿವಾ |
ಸ್ವಾನಂದಬೋಧವನು ಮಾನ | ನೀಗಿ ಶ್ರವಣದಿ |
ಸಾನುರಾಗದಲಿಂದ ತಾನುಂಬ ಶರಣರು 2
ಹರಿಯಲ್ಲರೊಳಗರಿದು |
ಶರೀರ ಭಾವನೆ ಮರೆದು |
ಹರುಷದ ಗುಡಿಗಟ್ಟಿಬರುವ | ನಯನೋದಕದಿ |
ಗುರುಮಹಿಪತಿಸ್ವಾಮಿ ಚರಣದ ಶರಣರು 3

ತಾತ್ವಿಕ ಕೃತಿಗಳು
ಅಂಥಾ ಕರುಣನೇ ನಮ್ಮ ರಂಗ ಅನಂತ ಶರಣನೇ ಪ
ಎಂಥ ಕರುಣ ನಮ್ಮ ರಂಗ ಅಂತರಾತ್ಮ ಪಾಂಡುರಂಗ
ಚಿಂತೆಗಳನು ದಹಿಪ ರಂಗ ಅಂತರಾ ಅಭ್ಯಂತರಂಗ ಅ.ಪ
ಮೂಡಲಾದ್ರಿಯ ವೆಂಕಟೇಶ ಆಡಬಂದನೇ
ನಾಡಿನೊಳಗೆ ಮೂಡಿ ನಿಂದನೇ
ಗಾಡಿಕಾರ ರಂಗಧಾಮ ಕೇಡುಗಳನು ಬಡಿವನಾಮ
ವಾಡಿಗೆಗಳಂತಿರುವ ಭಕ್ತ ಕೋಟಿಗೇ ವರವೀವ ಪ್ರೇಮ1
ಹರನ ರೂಪವತಾಳಿ ನಿಂದ ಹರಿಮಾಧವ
ಒರಳಿನೊಳು ಮೆರೆಯುತಿರುವವ
ಹರಿಯುಹರನು ಬೇರೆಯಲ್ಲ | ನರರನೋಡಿ ನೋಡಿ ಸೊಲ್ಲ
ಬರಿದೆಭ್ರಾಂತಿ ಲೇಸದಲ್ಲ ಅರುಹುವನೆಂಬುವ ಗೊಲ್ಲ 2
ಯುಕ್ತಿಯವರನ್ಯರಿಲ್ಲ ವಿ
ರಕ್ತನಾಗಿ ಗುಣವದಿಲ್ಲ ಭಕ್ತಗೊಲಿವ ಹರಿಯುಬಲ್ಲ
ಯುಕ್ತಿ ಇದಕೆ ಬೇರೆ ಇಲ್ಲ 3
ತನಯನೋರ್ವನನೆ ಪಡೆಯಲೆಳಸಿವನಜನಾಭನ ಕರುಣದಿಂದ
ತನಯನುದಯಿಸಲು
ಧನಿಕ ಕೈಂಕರ್ಯವನು ಗೈದು ಧನವ ಗಣನೆಗೈಯಲದು
ಮನದಿ ಮರುಗಿ ಕೆಳಕ್ಕೈತಂದ| ವನಿತೆಯಿತ್ತ ಪೊಂಗಲ ಸವಿದ4
ಕಾಮಜನಕನೇ ನಮ್ಮರಂಗ | ಕೋಮಲಾಂಗನೇ ಕರುಣಾಪಾಂಗ
ಭೀಮವಿಕ್ರಮನೇ ಭೂಮಿಜಾತೆಯ ರಸಭರಿತ
ರಾಮದಾಸವಿನುತಲೀಲ ವಾಸುದೇವನ ಹೋಲುವರಂಗ5

ಸಂತರ ನೋಡಿರೈ ಅನಂತನ ಪಾಡಿರೈ |
ತಂತುವಿಡಿದು ನಿಶ್ಚಂತದಿ ಮುಕ್ತಿಯ |
ಪಡೆದವರಾ ನಿಂದವರಾ ಪ
ದ್ವಿತಿಯೋ ಭಾಗೀರಥಿಯೋ |
ಹರಿಪ್ರಸಾದವಕೊಂಬುವ ಸಂತರ |
ಉದರೋ ಶ್ರೀ ಕೇದಾರೋ |
ಹೃದಯೋ ವೇದದ್ಭುಧವೋ |
ಕಂಠೋ ಭೂವೈಕುಂಠೋ ಮ 1
ಕರವೋ ಕಾಶಿಪುರವೋ |
ವರವೋ ರಾಮೇಶ್ವರವೋ |
ಕಿವಿಯೋ ಶಾಸ್ತ್ರದ ಗವಿಯೋ |
ಅಮೃತ ಸದನೋ 2
ಹರಿಪದಧ್ಯಾಯಿಸಿ ನೋಡುವ ಸಂತರ |
ನಯನೋ ಸ್ವಸುಖದಯನೋ |
ಹರಿನಿರ್ಮಾಲ್ಯವನಾಘ್ರಾಣಿಪನಾ | ಶಿಕವೋ ಆವಂತಿಕವೋ |
ಧರೆಯೊಳು ಮತ್ತೊಂದನ್ಯಕ ಯರಗದ |
ಹಣಿಯೋ ಮುತ್ತಿನ ಮಣಿಯೋ |
ಶಿರವೋ ಕಂಚಿಪುರವೋ 3
ಪರರುಪಕಾರ ಬಾಳುವ ಸಂತರ | ಇರವೋ ಕಲ್ಪತರುವೋ |
ಧರೆಯೊಳು ಮಾಡುವ ಸಂತರ ವ್ಯವಹಾ |
ರಗಳೋ ಹರಿಶೇವೆಗಳೋ |
ನುಡಿಯೋಭವದಿಕ್ಕೆಡಿಯೋ |
ಹರಿಪ್ರೇಮದಿ ತುಳಕ್ಯಾಡುವ ಜಲಬಿಂ |
ದುಗಳೋ ಭಕ್ತಿಯ ಮುಗಳೋ 4
ನುಡಿಯೋ ಸದ್ಗತಿಯಡಿಯೋ |
ಭ್ರಮವಿಷಯಕ ಹಚ್ಚದೆ ಕುಂದದಲಿಹ | ಮನವೋ
ನಂದನವನವೋ |
ಕಮಲಾಕ್ಷನು ಸಂತರ ಆಜ್ಞಾ | ಧಾರಕನೋ ನೆರೆಪಾಲಕನೋ |
ಕ್ರಮವರುಹಿದ ಗುರುಮಹಿಪತಿ ನಂದನ |
ಪ್ರಿಯನೋ ಕರುಣಾಲಯನೋ 5

ಸುಳಾದಿ
ತಾಳ-ಝಂಪೆ
ನೋಡುವರೆ ನೀರದಶ್ಯಾಮಸುಂದರ ಮೂರ್ತಿ
ಪಾಡುವರ ಪರಮಪಾವನ್ನ ಕೀರ್ತಿ
ಕೂಡುವರೆ ಕೇವಲಾನಂದ ಚಿನ್ಮಯಗಾತ್ರ
ನೀಡುವರೆ ನಿಖಿಳಲೋಕೈಕಪಾತ್ರ
ನೋಡಿ ನಮಿಸುವರುಂಟು ಪಾಡಿಹಿಗ್ಗುವರೂಟ
ಕೂಡಿ ಸುಖಿಸುವರುಂಟು ನೀಡಿ ನಲಿವವರುಂಟು
ನೋಡಿಸುತ ಪಾಡಿಸುತ ಕೂಡಿಸುತ ಬೇಡಿಸುತ
ನಾಡದೈವಂಗಳ ಕೊಂಡಾಡಿಸದಲೆ
ಬೇಡಿದಿಷ್ಟವ ಕೊಡುತ ಶ್ರೀದವಿಠಲ ದಯ -
ಮಾಡಿ ನಮ್ಮನು ಪೊರೆವ ರೂಢಿಗೊಡೆಯ
ನಾಡದೈವಂಗಳ ಕೊಂಡಾಡಿಸದಲೆ 1
ತಾಳ-ಮಟ್ಟ
ಸಕಲ ಶ್ರುತಿನಿಕರಸಾರಹೋ
ಶುಕಮಹಾಮುನೀಂದ್ರ ಸನ್ನುತ
ಪ್ರಕಟ ಮಾಡಲ್ಯಾಕೆ ನಿನ್ನನು ಪರಮಪುರುಷ
ಪ್ರಕಟಮಾಡಲ್ಯಾಕೆ ನಿನ್ನನು
ಭಕ್ತವತ್ಸಲನೆಂಬೆನಲ್ಲದೆ
ಮುಕುತವಂದ್ಯ ಶ್ರೀದವಿಠಲ
ಯುಕುತಾಯುಕುತವೊಂದನರಿಯದೆ
ಪ್ರಕಟಮಾಡಲ್ಯಾಕೆ ನಿನ್ನನು 2
ತಾಳ-ತ್ರಿವಿಡಿ
ಆಯನುಭವ ಭಯ ಲಯವರ್ಜಿತ
ನಯನೋತ್ಸಹಕಾರಕ ತಾರಕ
ಜಯಮಂಗಳ ಮಂಗಳ ಮಂಗಳ
ಮಾಯಾ ಮಾಮರ ದೇವರಾÀಟ
ಸಯವೇ ಸೈ ಶ್ರೀದವಿಠಲ ನಿ
ನ್ನಯ ಚರಣಕೆ ನಮಿಸುವೆ ನಮಿಸುವೆ
ಜಯ ಮಂಗಳ ಮಂಗಳ ಮಂಗಳ
ಮಾಯಾ ಮಾಮರ ದೇವರಾಟ 3
ತಾಳ-ಅಟ
ಬಾರೋ ಬಾರೋ ಭವದೂರ ದೀನಜನ
ಭಾರ ನಿನ್ನದಯ್ಯಾ ಅಯ್ಯಯ್ಯಾ
ಸಾರಿದೆನೊ ನಾ ನಿನ್ನ ಸಾರಿದೆನೊ ನಿನ್ನ 4
ತಾಳ-ಆದಿ
ಶ್ರೀರಮಣ ಶ್ರೀದವಿಠಲ ಸಂ -
ಚಾರು ಚರಣಗಳ ಸಾರಿದೆನೊ ನಿನ್ನ
ಶಿರಿಗುರವಿತ್ತೆ ಪರಮನ ಪೆತ್ತೆ
ಗಿರಿಜೇಶಗೆ ನಿನ್ನ ಮೈ ಇತ್ತೆ
ಶರಣಾಗತವತ್ಸಲ ಕರುಣಾಕರ ಶ್ರೀದವಿಠಲ
ಸರಿಬಂದರೆ ಸಾಕುವದೆಮ್ಮನು
ಶರಣಾಗತವತ್ಸಲ 5
ಜತೆ
ಸೋಲು ಶ್ರೀದವಿಠಲ ಸೋಲು ಗೆಲುವು ನಿನ್ನ

ಬಂದನಕ್ರೂರ ವ್ರಜಕೆ ಗೋಪೀ ಕಂದನ ಚರಣಾರ |ವಿಂದ ಕಾಂಬುವೆ ನಿಂದಿನ ದಿನ ಸುದಿನೆಂದು ಪಎಷ್ಟು ಜನ್ಮದಸುಕೃತಒದಗೀತೋ ಈ |ದುಷ್ಟನ ಸಂಗದಿಂದ ||ಬಿಟ್ಟು ಇಚ್ಛಾನುಸಾರದಿ ಗೋಕುಲದಮಾರ್ಗ|ಮೆಟ್ಟಿದೆಹರಿದಯೆಯಾದದ್ದು ನೋಡೆಂದು 1ಒಂದೊಂದು ಹೆಜ್ಜೆಗಳ ಬರುತ ಕ್ರಮ- |ದಿಂದ ಯಮುನೆಯ ದಾಟಿ ||ವೃಂದಾವನದ ಭೂಮಿ ಕಾಣುತ ಬಹು ಮುದ- |ದಿಂಧರಿ ಹರಿಯೆಂದು ನಯನೋದ (ಕ)ಸುರಿಸುತ್ತ 2ಇಲ್ಲೆಲ್ಲ ಸಂಚಾರವ ಮಾಡಿಹ ಖಳ- |ದಲ್ಲಣನೆಂದು ಧೂಳೀ- |ಯಲ್ಲ್ಯುರುಳುತ ಪೊಗಳುತ ಶ್ರೀ ಪ್ರಾಣೇಶ ವಿ- |ಠಲಗೆರಗಿ ಕೈ ಮುಗಿದು ನಿಂದ ತುತಿಸುತ 3