ಇಲ್ಲೆ ಉಂಟು ಮುಕುತಿ ನೋಡಿ ನೋಡಿ ಒಂದೆ ಮನದಲಿ
ಸುಲಭವಾಗಿ ದೋರುತಿಹ್ಯದು ಗುರುಕರುಣದಲಿ ಧ್ರುವ
ಏನುಹೇಳಲಿ ಸ್ವಾನುಭವ ಸುಖದ ಸಿದ್ಧಿಯ
ಜ್ಞಾನಿಬಲ್ಲ ಭಾಸುತಿಹ್ಯ ಸ್ವಕೀಲ ಸಿದ್ಧಿಯ
ಮನವ ಬಲಿದು ಮಾಡಿಕೊಳ್ಳಿ ಜ್ಞಾನಸಿದ್ಧಿಯ
ತನುವಿನೊಳು ದೋರುತೀಹ್ಯ ಶ್ರೀಗುರು ಸುಧೆಯ 1
ನಿಟಿಲ ಭ್ರೂಮಧ್ಯ ದಾಟಿನೋಡಿ ಮುಕ್ತಿಯ
ದಿಟವಾಗಿ ಕೂಡಿ ಪ್ರಭಯ ಜ್ಞಾನ ಶಕ್ತಿಯ
ಕುಟಿಲವಲ್ಲ ಕೇಳಿ ಮಾತು ನಿಜಯುಕ್ತಿಯ
ನಟನೆ ತನ್ನೊಳು ದೋರುವ ಗುರುಭಕ್ತಿಯ 2
ಲೇಸು ಲೇಸಾಯಿತು ಎನಗೆ ಭಾಸ್ಕರ ಕರುಣವು
ಭಾಸುತಿಹ್ಯದು ವಾಸುದೇವನ ಪುಣ್ಯಚರಣವು
ಮೋಸವಿಲ್ಲದೆ ನೀಗಿತು ಜೀವನ ಜನ್ಮಮರಣವುದಾಸ ಮಹಿಪತಿಗಾಯಿತು ಘನಸ್ಫುರಣವು 3

ತ್ರಾಹಿ ತ್ರಾಹಿ ಗುರುನಾಥ ಎಂದು
ತ್ರಾಹಿ ದೀನನಾಥ ಎಂದು
ಸಾಹ್ಯ ಮಾಡಿಕೊಳ್ಳಿ ಬಂದು
ಸೋಹ್ಯದೋರುವ ದೀನಬಂಧು ಧ್ರುವ
ವ್ಯರ್ಥಗಳಿಯಬ್ಯಾಡಿ ಜನ್ಮ
ಗುರ್ತು ಮಾಡಿಕೊಳ್ಳಿ ನಿಮ್ಮ
ಸಾರ್ಥಕಿದೆ ಸಂತ ಧರ್ಮ
ಅರ್ತುಕೊಳ್ಳಾನಂದೊ ಬ್ರಹ್ಮ 1
ಸಾರಿ ಚೆಲ್ಯದ ಹರಿರೂಪ
ದೋರುವ ಗರುಕುಲದೀಪ
ದೋರುತಿಹ್ಯದು ಚಿತ್‍ಸ್ವರೂಪ
ಸೂರ್ಯಾಡಬಹುದು ಸ್ವಸ್ವರೂಪ 2
ಸ್ವಾರ್ಥ ಅತಿಹಿಡಿಯಬ್ಯಾಡಿ
ಮತ್ರ್ಯದೊಳು ಮರ್ತುಬಿಡಿ
ಕರ್ತು ಸ್ವಾಮಿಯ ಅರ್ತು ಕೂಡಿ
ಬೆರ್ತು ನಿಮ್ಮೊಳು ನಿರ್ತ ನೋಡಿ 3
ಏನು ಹೇಳಲಿ ಹರಿಯ ಸು
ಖೂನದೋರುದು ಸಂತ ಮುಖ
ಙÁ್ಞನಿ ಬಲ್ಲೀ ಕೌತುಕ
ಧನ್ಯವಾಯಿತು ಮೂರುಲೋಕ 4
ಹಿಡಿದು ನಿಜ ಒಂದು ಪಥ
ಪಡೆದ ಮಹಿಪತಿ ಹಿತ
ಒಡೆಯನಹುದಯ್ಯ ಈತ
ಭುಕ್ತಿ ಮುಕ್ತಿದಾತ 5