ಒಲಿಸಬೇಕು ಹರಿಯ ನಾವೀಗ ಕೇಶವನನ್ನು
ಒಲಿಸಬೇಕು ಹರಿಯ ನಾವೀಗ ಪ
ಒಲಿಸಬೇಕು ಹರಿಯ ನಾವು ಪರಮ ಭಕ್ತಿಯ ಸೇವಿಯಿಂದ
ಒಲಿಸಬೇಕು ರಂಗನನ್ನು ಮೋಕ್ಷವೀವ ಹರಿಯನು1
ಭಕ್ತಿರಹಿತವಾದ ಪೂಜೆ ಸ್ತೋತ್ರ ಸ್ಮರಣೆ ಭಜನೆಯಿಂದ
ಭಕ್ತಿರಹಿತ ಶ್ರವಣದಿಂದ ಹರಿಯು ತಾನು ಒಲಿಯನಯ್ಯ 2
ಭಕ್ತಿಯಿಂದ ಪೂಜೆಮಾಡಿ ಭಕ್ತಿಯಿಂದ ಸ್ತೋತ್ರಪಾಡಿ
ಭಕ್ತಿಯಿಂದ ಶ್ರವಣ ಮಾಡಿ ಸೇವೆ ಮಾಡಲೊಲಿಯುತಾನೆ 3
ದೂರ್ವಾಪುರದಿ ನಿತ್ತ ಹರಿಗೆ ಆತ್ಮ ನೇವೇದ್ಯವನು ಮಾಡೆ
ಗರ್ವರಹಿತನಾದ ಕೇಶವ ಬೇಗದಿಂದಲೊಲಿಯುತಾನೆ 4

ಕಣ್ಮುಟ್ಟ ನೋಡಿರಯ್ಯಾ ಈ ಜಗದಲ್ಲಿ
ಮನ್ಮಥ ಪಿತÀ ರಂಗನ ಪ
ಶಂಖ ಚಕ್ರಗಳನ್ನು ಕೈಯೊಳಿರಿಸಿಕೊಂಡು
ಬಿಂಕÀದಿ ಮೆರೆವ ಗೋವಳರಾಯ ಹರಿಯ
ಪಂಕಜ ಲೋಚನ ಪರಮ ಪುರುಷ ನಿಃ
ಶಂಕದಿ ಭಕ್ತರ ಪೊರೆವ ಮಾಧವನ 1
ಮಂದರಧರ ಮಧುಸೂದನಾಚ್ಯುತನ
ಕಂದನ ಸಲಹಿದ ನರಸಿಂಹ ಹರಿಯ
ನಂದಗೋಕುಲದಲ್ಲಿ ಮೆರೆದ ಶ್ರೀಲೋಲನ
ಅಂದದಿ ದಾಸರ ಪೊರೆವ ಶ್ರೀಧರನ 2
ಪೂರ್ವದಿ ಶರಣರ ಪೊರೆದ ಶ್ರೀ ಕೃಷ್ಣನ
ಗರ್ವರಹಿತನಾಗಿ ಬೆಳಗುವ ಹರಿಯ
ಸರ್ವೇಶ ತಾನಿದ್ದು ಭಜಕರ ಸಲಹಲು
ದೂರ್ವಾಪುರದಿ ನಿತ್ತ ಚನ್ನಕೇಶವನ 3

ಕರುಣಾಳುವೈ ನಿಂನ ಭಜನೆಯೊಂದೇ ಸಾಕು
ಭರದಲಿ ಪಾಪಿಯ ಶುದ್ಧ ಮಾಡಲಿಲೇ ಪ
ಅಜಮಿಳ ಜನ್ಮದಿ ಘೋರ ಪಾಪವ ಗೈದು
ಭಜನೆ ಮಾಡಲು ತನುನೀಗು ಕಾಲದಲೀ
ಭಜಕರ ಲೋಲನೆ ಹೀನನಿಗೊಲಿದು ನೀ
ಕುಜನನ ಪರೆದು ಮೋಕ್ಷವನಿತ್ತೆ ಹರಿಯೇ1
ದುರುಳ ವಾಲ್ಮೀಕನು ಹೀನ ಕೃತ್ಯವಗೈದು
ಸುರಮುನಿಯಾಜÉ್ಞಯಿಂ ನಾಮವಭಜಿಸೇ
ದುರಳನ ಸರಸದ ಭಕ್ತಿಗೆ ವಲಿಯುತ
ಪರಮ ಙÁ್ಞನವನು ನೀ ನಿತ್ತೆ ಶ್ರೀಹರಿಯೆ 2
ತರಳ ದಾಸರುಕೂಡಿ ಹರಿ ನಿಂನ ಸ್ತುತಿಸಲು
ನಿರುತ ಭಕ್ತರಿಗೆ ನೀನೊಲಿದೆ ಶ್ರೀಕಾಂತಾ
ಪರಮ ಆದರದಿಂದ ಹರಿಯಂನ ಮನವನ್ನು
ಪರಿ ಶುದ್ಧಮಾಡಿ ದೀನನ ಸೇರೋ ಹರಿಯೇ 3
ರಂಗನ ಮಹಿಮೆಯ ನುಡಿಯಲಾರೆನು ನಾನು
ಅಂಗಜ ಪಿತನಾದ ದಶರೂಪಧರನ
ನಿತ್ಯ ದೂರ್ವಾಪುರದಿನಿತ್ತುಮಂಗಳ ಪದವೀವ ಚೆನ್ನಕೇಶವನೆ 4

ಪಾದ ನಿಜವಾಗಿ ಕಂಡೆನು
ಪ್ರೇಮದಿಂದಲಿಯೆನ್ನ ಸೇರಿ ಕೊಂಡಾಡೋ ಪ
ನಿತ್ಯ ನಲಿಯುತ್ತಲಿರುವದು
ಕಾಲಕಾಲಕೆ ಮತ್ತೆ ಸೇವೆಗೊಳುವದು
ಬಾಲರು ಪಿಡಿದರೆ ಇಷ್ಟವ ಕೊಡುವದು
ಓಲೈಸಿ ಭಕ್ತಗೆ ವರವನೀಯುವÀದು 1
ಪಾದ ಮಧ್ಯದಿ ಪದ್ಮ ರೇಖೆಯ ಕಂಡೆನು
ಸಾಧು ಸಜ್ಜನರು ಪೂಜೆಯ ಮಾಡುವುದನು
ಖೇದವ ನೀಗುವ ಬೆರಳನು ಕಂಡೆನು
ಆದ್ಯಂತವಿಲ್ಲದೆ ನಿರುತವಾದುದನು2
ಮನದಣಿ ನೋಡಿದೆ ಪಾದಯುಗ್ಮಗಳನ್ನು
ಮನಲೇಪ ಮಾಡಿದೆ ಹರಿಪಾದಗಳಿಗೇ
ಅನುದಿನ ದೂರ್ವಾಪುರದಿ ನೆಲೆಸಿರುವಂಥ
ಘನಕೋಟಿ ತೇಜದ ಕೇಶವ ಪದವ 3

ಬಾರೋ ಬಾರೋ ಚನ್ನಕೇಶವನೇ
ಬಾರೋ ಬಾರೋ ಮುರಲೀಧರನೇ ಪ
ನಿತ್ಯ ನಿರ್ಮಲನೇ
ಸನಕಾದಿ ವಂದಿತ ಮಧುಸೂದನನೇ 1
ಭಜಕನ ಪಾಲಿಸೋ ಮುಕ್ತಿದಾಯಕನೇ 2
ದೂರ್ವಾಪುರದಿ ನಿತ್ತ ಯದು ಕುಲಪತಿಯೇ
ದೂರ್ವಾಸವಂದಿತ ಆದಿ ಮೂರುತಿಯೇ 3

ವೋ ರಂಗ ಶ್ರೀರಂಗ ಹಾ ರಂಗ ಹÉೀ ರಂಗ
ಬಾ ರಂಗ ಶರಭಂಗ ಕರುಣಾಂತರಂಗ ಪ
ಗೌತಮ ಭಾರ್ಯೆಯು ಶಿಲೆಯಾಗಿ ಭಜಿಸಲು
ಪಾತರೆ ದುಡುಹಿದ ಶ್ರೀರಂಗ 1
ಧೀರ ಪೌಂಡ್ರಿಕನು ಹರಿ ನಿನ್ನ ಕೆಣಕಲು
ವಾರಣ ವದರವಿ ನತ್ರನ ಸಿಗಿದಿಹ
ಧಾರುಣಿ ಸಲಹಿದ ಶ್ರೀರಂಗ 2
ದೀನರ ಸಲಹುವ ಭಜಕರ ಪೊರೆಯುವ
ದೀನ ದೀನೇಶನೆ ಶ್ರೀರಂಗ
ಸನ್ನುತ ದೂರ್ವಾಪುರದಿ ನಿತ್ತಿರುವಂಥ
ಚನ್ನ ಕೇಶವ ಸ್ವಾಮಿ ಶ್ರೀ ರಂಗ 3