ದಿವನಿಶಿ ತವಪಾದ ದಿವ್ಯಧ್ಯಾನವನಿತ್ತು ಪ
ವಿಷಯಲಂಟಪನಾಗಿ ವ್ಯಸನ ಕೂಪದಿ ಬಿದ್ದು
ಮಸಣ ಬುದ್ಧಿಯಿಂ ಕೆಡುವ ಶಿಶುವನುಲಕ್ಷಿಸಿ 1
ಪುಸಿಯ ಸಂಸಾರವ ವಿಷಮವೆಂದರಿಯದೆ
ದೆಸೆಗೆಟ್ಟು ಬಳಲುವ ದಾಸನೋಳ್ದಯವಿಟ್ಟು2
ಸುಜನರೊಲುಮೆಯಿತ್ತು ಗಜಿಬಿಜಿ ತೊಲಗಿಸಿ
ನಿಜಜ್ಞಾನ ದಯಮಾಡು ಸುಜನಾರ್ಯ ಶ್ರೀರಾಮ3

ಪಾರ ಶಂಭೋ ಪಾಲಿಸಭವ
ಧೀರ ಶ್ರೀಹರಿಸಖನೆ ಪರಶಿವ ಪ
ಮೂರು ಪುರವ ಗೆಲಿದ ಮಹಿಮ
ಮೂರು ಕರಣ ಶುದ್ಧನೆನಿಸಿ
ಮೂರು ಗುಣಗಳ ಹಾರೈಸೆನಗೆ
ಪಾದ ಭಕ್ತಿ 1
ಪಂಚಮುಖನೆ ಪದಕೆ ನಮಿಪೆ
ಪಂಚಕ್ಲೇಶಗಳಳಿದು ಎನ್ನ
ಪಂಚಕತ್ವ ನೀಗಿಸಿ ವಿ
ರಂಚಿಪಿತನ ದಿವ್ಯಧ್ಯಾನ 2
ಕಾಮದಹನ ನೀಲಕಂಠ
ಸ್ವಾಮಿ ನಿಮ್ಮನು ನಂಬಿ ಬೇಡ್ವೆ
ಕ್ಷೇಮವಿತ್ತು ಪ್ರೇಮದೆನಗೆ
ಭೂಮಿಪತಿ ಶ್ರೀರಾಮನೊಲುಮೆ 3