ಇದ್ದರಿರಬೇಕು ಅನುದಿನಾ | ಒಳ್ಳೆವರ ಸಹವಾಸಾ ಪ
ಅಂಗಸಂಗಗಳಿಂದ | ಮಂಗಳೋತ್ಸಾಹವಾಗಿ |
ಕಂಗಳಿಗಿದಿರಿಡುವದು ಉಲ್ಹಾಸಾ1
ಸಾರಿ ಬೀರಿ ಬೋಧವಾ | ದಾರಿದೋರಿ ಭಕ್ತಿಯಾ |
ದೂರ ಮಾಡುವರು | ಭವಭಯ ಕ್ಲೇಶಾ 2
ಗುರುವರ ಮಹಿಪತಿಸುತಪ್ರಭು ಸ್ಮರಣೆಯಾ |
ಮರಹು ಮರೆಸುವರದರುದ್ದೇಶಾ 3

ಮಾಡಿ ನೀವು ಸತ್ಸಂಗ
ನೋಡಿ ಘನ ಅಂತರಂಗ ಧ್ರುವ
ಸಾರಿದೂರಲಿಕ್ಕೆ ವೇದ
ಅರರಿವದೆನಗಗಾಧ
ದಾರಿದೋರಿಕುಡು ಬೋಧ
ಗುರುಪ್ರಸಾದ 1
ಬದಿಲಿರಲಿಕ್ಕೆ ಖೂನ
ಇದಕ್ಯಾಕುದ್ದರಿ ಜ್ಞಾನ
ಛೇದಿಸಿ ಅನುಮಾನ
ಭೇದಿಸಿರೊ ಪೂರ್ಣ 2
ಹಿಡಿಯಲಿಕ್ಕೆ ಸತ್ಸಂಗ
ಓಡಿಬಾವ್ಹಾ ಶ್ರೀರಂಗ
ಮಾಡಿ ಭವಭಯಭಂಗ
ನೋಡುವ ಕೃಪಾಂಗ3
ಎಲ್ಲಕ್ಕೆ ಶಿಖಾಮಣಿ
ಸುಲಭ ಈ ಸಾಧನಿ
ಸೊಲ್ಲಿಗೆ ಮುಟ್ಟಿದ ಪ್ರಾಣಿ
ಬಲ್ಲವ ಸುಜ್ಞಾನಿ 4
ಪಿಡಿದು ಸತ್ಸಂಗತಿ
ಕಡಿದು ಹೋಯಿತು ಭ್ರಾಂತಿ
ಪಡೆದ ಸುಖ ವಿಶ್ರಾಂತಿ
ಮೂಢ ಮಹಿಪತಿ 5