ತಿರುದುಂಬುವ ನೀನು ತಿರುಮಲೇಶಾ
ಮರುಗಲ್ಯಾತಕೆ ಇನ್ನು ಮನಸಿನೊಳಗೆ ಪ್ರತಿದಿನವು ಪ
ಬಲಿರಾಯ ಬಲು ದಾನವನು ಮಾಡುತಿರಲಾಗಿ
ಇಳಿಯ ಸುರÀವೇಷವನು ಧರಿಸಿ ಪೋಗಿ
ಹಲುಬಿ ಬಾಯಿದೆರದು ತ್ರಿಪಾದ ತಿರಕೆ ಕೊಂಡು
ನಿಗಮ ಕುಲದಾತಾರಾ 1
ಗೋಪಳ್ಳಿಯಲಿ ಜನಿಸಿ ಗೋವುಗಳ ಕಾವುತ್ತ
ಗೋಪಾಲತತಿ ವಡನೆ ವಡನಾಡುತ
ತಾಪಸರು ಯಜ್ಞ ಕರ್ಮಾದಿಗಳು ಮಾಡುತಿರೆ
ಶ್ರೀಪತಿ ಅನ್ನ ತಿರಿದುಂಡು ಕ್ಷುದಿಯನ್ನ ಕಳೆದೆ 2
ಅಂದು ಈ ಪರಿಯ ಯಾಚಕ ವೃತ್ತಿಯನು ಮಾಡಿ
ಇಂದೆನ್ನ ಹೃತ್ಕಮಲದೊಳಗೆ ಬಂದೂ
ನಿಂದು ಮನೆಮನೆ ತಿರದುಂಬುವ ನೀನಲ್ಲವೆ
ಸಂದೇಹವೇಕೆ ಎನಗೆ ವಿಜಯವಿಠ್ಠಲರೇಯಾ 3

ರಾಮಚಂದ್ರ ರಘುವೀರಾ ನಮೋ ನಮೋ ಪ
ಶ್ಯಾಮಾಂಗ ಸುಕುಮಾರಾ ನಮೋ ನಮೋ
ಕಾಮಿತಾರ್ಥದಾತಾರಾ ನಮೋ ನಮೋ ಓಂಕಾರ ಅ.ಪ
ವಸಿಷ್ಟಾದಿಮುನಿ ತೋಷಿತ ನಮೋ ನಮೋ
ನಿಶಚರೇಭ ಕುಲಕಾಲಾ ನಮೋ ನಮೋ ಶ್ರೀ ಬಾಲಾ 1
ನೀತಿಸುಗುಣಯುತಶೀಲಾ ನಮೋ ನಮೋ ಘನಲೀಲಾ 2
ಮಾರೀಚಾಂತಕ ವೀರಾ ನಮೋ ನಮೋ ಶ್ರೀಕಾರಾ 3
ಖ್ಯಾತ ಮೃದುವಾಕ್ ದೀಪ್ತಾ ನಮೋ ನಮೋ ಸಂತೃಪ್ತಾ4
ಪರಮ ಪುಣ್ಯಚರಿತ್ರಾ ನಮೋ ನಮೋ ಶ್ರೀಗಾತ್ರಾ 5
ಅರಿಕುಲ ನಾಶಕ ರಂಗಾ ನಮೋ ನಮೋ ಶ್ರೀರಂಗ 6
ದೇವ ದಿವಿಜನುತ ನಮೋ ನಮೋ ಶ್ರೀರಾಮಾ 7
ನಿತ್ಯ ಮುಕ್ತ ವನಮಾಲಾ ನಮೋ ನಮೋ ಭೂಪಾಲಾ8
ಮಾಂಗಿರೀಶ ಮಾಲಿಂಗಾ ನಮೋ ನಮೋ ಶ್ರೀರಂಗ 9

ಶರಣು ಶರಣು ಶ್ರೀ ದತ್ತಾತ್ರೇಯಾ
ಶರಣು ಸಕಲಾ ಭುವನಾಶ್ರಯಾ
ಶರಣೆಂಬೆ ಸಿಂಹಾಚಲ ನಿಲಯಾ
ಸುರಜನ ರೇಯಾ ಸಲಹಯ್ಯಾ 1
ವನರುಹ ಸಂಭವ ತ್ರಿಲೋಚನ
ಸನಕಾದಿ ಮುನಿ ವಂದಿತ ಚರಣ
ಜನವನ ವಿಜನ ವ್ಯಾಪಕ ಘನ
ಅನಸೂಯಾ ನಂದನ ಯೋಗೀಶಾ 2
ತತ್ವಯೋಗ ಸಿದ್ಧಿ ಬುದ್ಧಿ ದಾತಾರಾ
ಸತ್ವ ಗುಣಾಲಂ ಕೃತ ಜ್ಞಾನ ಸಾಗರಾ
ಸತ್ಯ ಸನಾತನೇ ಮುನಿ ದಿಗಂಬರಾ
ಭಕ್ತ ಸಹಕಾರಾ ಅವಧೂತಾ 3
ಕಂದರ್ಪ ಕೋಟಿ ಸುಂದರಾಕಾರಾ
ಹೊಂದಿದಾಭರಣಾನೇಕ ಶೃಂಗಾರಾ
ಇಂದು ಸೂರ್ಯಾನಳ ತೇಜ ವ್ಯಾಪಾರಾ
ಎಂದೆಂದೆಚ್ಚರಾ ಕಂಡು ನಿನ್ನಾ 4
ಮಂದಮತಿ ಬಾಲನ ಬಿನ್ನಾಹದ ಸ್ತುತಿ
ಬಂದು ಅರ್ಪಿಸಿಕೋ ದುದಿ ಶ್ರೀಪತಿ
ಇಂದು ಮೊರೆ ಹೊಕ್ಕೆನು ಅನನ್ಯಾಗತಿತಂದೇ ಮಹಿಪತಿ ಸುತ ಸ್ವಾಮೀ 5

ಶ್ರೀ ಸುಬ್ರಹ್ಮಣ್ಯಸ್ತುತಿ
ಮಾಮವ ಸುಬ್ರಹ್ಮಣ್ಯ ಹೈವiವತಿಸುತ ಘನಕಾರುಣ್ಯ ಪ
ಕಾಮಿತದಾಯಕ ಭೀಮಪರಾಕ್ರಮ
ಸಾಮಗಾನಪ್ರಿಯ ಕೋಮಲಕಾಯ ಅ.ಪ
ವೇಲಾಯುಧ ಸಂಭ್ರಾಜಿತ ವರದಾ
ನೀಲಕಂಠವಾಹನ ಚಿರಸುಖದಾ
ಶ್ರೀಲಲಿತಾ ಮನಾಕರ್ಷಿತ ನಾದ
[ಬಾಲ]ಕೇರಳಪುರವಾಸ ವಿನೋದ 1
ಭವಭಯನಾಶನ ಪವನ ಷಡಾನನ
ರವಿಸಮಲೋಚನ ನವಮಣಿಸದನಾ
ಭುವನಮನೋಹರ ಸಾಸಿರವದನಾ
ಶಿವಪ್ರಿಯನಂದನ ತಾರಕದಮನಾ 2
ಸಂತನಾನತ ಶಾಂತವಿನೀತ
ಸಂತತ ಮಾತಾ ಲಲಿತಾ ಸಹಿತಾ
ಚಿಂತಿತಾರ್ಥದಾತಾರಾ ಕೃಪಾಯುತ
ಅಂತರಾತ್ಮ ಮಾಂಗಿರಿಪತಿ ಶೋಭಿತ3