ಜಯ ದೇವ ಜಯ ದೇವ ಜಯ ಗುರು ಮೈಲಾರಿ
ಮನಮೈಲ ಮರ್ದಿಸಿದಯ್ಯ ನೀನೆ ಅಸುರಾರಿ ಧ್ರುವ
ಖಡ್ಗವ ಕರದಲಿ ಪಿಡಿದು ಖಂಡಿಸಿದಙÁ್ಞನ
ಖಂಡೇರಾಯೆನಿಸಿಕೊಂಡು ಪ್ರಕಟಿಸಿದನುದಿನ
ಹಿಂಡದೈವಕೆ ಪ್ರಚಂಡನಹುದೊ ಪರಿಪೂರ್ಣ
ಮಂಡಲದೊಳು ನಿಮ್ಮ ಕೊಂಡಾಡುದು ತಾ ಸುರಜನ 1
ಮಲಹರಣ ಮಾಡಲು ಧರಿಸಿ ಅವತಾರ
ಮೂಲೋಕ ಪಾವನಮಾಡುವ ಸಹಕಾರ
ಸಲಹುವೆ ಭಕ್ತಜನರಿಗೆ ನೀ ಘನ ಮಂದಾರ
ಮಲೆತಿಹ ದೈತ್ಯರ ಸಂಹರಿಸುವೆ ನೀ ಅತಿಶೂರ 2
ಪತಿ ಅಹದು ಶ್ರೀಗುರು ಭೂಪತಿ
ಬಾಹ್ಯಾಂತ್ರಿ ಬೆಳಗುವೆ ಶ್ರೀಪಾದಕೆ ಆರ್ತಿ
ಇಹಪರಕೆ ದಾತನಹುದೊ ಶ್ರೀಪತಿ
ಜಯಜಯವೆಂದು ಬೆಳಗುವೆ ದಾಸ ಮಹಿಪತಿ 3

ದೇವನಹುದೊ ದೇವಾಧಿದೇವ
ಕಾವಕರುಣ ಶ್ರೀ ವಾಸುದೇವ
ಭಾವಿಕರಿಗೆ ಜೀವಕೆ ಜೀವ ಧ್ರುವ
ಸಾಮಜಪ್ರಿಯ ಸುರಲೋಕಪಾಲ
ಕಾಮಪೂರಿತ ನೀ ಸಿರಿಸಖಲೋಲ
ಸಾಮಗಾಯನಪ್ರಿಯ ಸದೋದಿತ
ಸ್ವಾಮಿನಹುದೊ ನೀನೆವೆ ಗೋಪಾಲ 1
ಅಕ್ಷಯ ಪದ ಅವಿನಾಶ ಪೂರ್ಣ
ಪಕ್ಷಿವಾಹನ ಉರಗಶಯನ
ಪಕ್ಷಪಾಂಡವಹುದೊ ಪರಿಪೂರ್ಣ
ಲಕ್ಷುಮಿಗೆ ನೀ ಜೀವನಪ್ರಾಣ 2
ದಾತನಹುದೊ ದೀನದಯಾಳ
ಶಕ್ತಸಮರ್ಥ ನೀನೆ ಕೃಪಾಲ
ಭಕ್ತವತ್ಸಲನಹುದೊ ಮಹಿಪತಿ ಸ್ವಾಮಿ
ಪತಿತಪಾವನ ನೀನವೆ ಅಚಲ 3