ದರುಶನವಾಯಿತು ಪಂಢರೀಶನ ಪ
ದರುಶನದಿಂದಲಿ ಧನ್ಯರಾದೆವು
ಸರಸಿಜಭವನ ನಾಭಿಯಲಿ ಪಡೆದವನ ಅ.ಪ
ತಂದೆತಾಯಿಯರ ಭಕ್ತಿಯಿಂದ ಸೇವಿಸುವರಿಗೊಲಿದಾ-
ನಂದಪದವಿಯನಿತ್ತ ನಂದನ ಕಂದನ 1
ಇಷ್ಟ ಭಕುತ ಕೊಟ್ಟ ಇಟ್ಟಿಗೆ ಮೇಲೆ ನೆಲಸಿ
ಶಿಷ್ಟರ ಸಲಹುವ ವಿಠ್ಠಲರಾಯನಂಘ್ರಿ 2
ಉರದಲಿ ಸಿರಿಯನು ಧರಿಸಿ ಸುರರ ಕಾರ್ಯ
ನೆರವೇರಿಸುವ ಜಗದ್ಭರಿತನ ಶ್ರೀಪಾದ 3
ನಾಗಶಯನ ನಿಖಿಲಾಗಮವೇದ್ಯನ 4
ಮುಕುತಿದಾಯಕ ಗುರುರಾಮವಿಠಲ ಚರಣ5

ವೃಂದಾವನ ದರುಶನವಾಯಿತು
ಇಂದು ಪೋದವುಭವ ವೃಂದಗಳೆಲ್ಲ ಪ
ಕುಂದು ಕೊರತೆಯಿಲ್ಲದ ಜ್ಞಾನಗಳೂ
ಬಂದು ಘಟಿಸಿತು ಭಕುತಿ ವೈರಾಗ್ಯ
ಇಂದಿನದಿನ ಆನಂದಪುಟ್ಟಿ ಹರಿ
ದ್ವಂದ್ವ ಪದಗಳನು ತೋರಿಸುವಂಥ1
ಮಾಟಮಾದವು ಆಭರಣಗಳೂ
ಸಾಟಿಯಿಲ್ಲದ ಪಷÀ್ಪಮಾಲವ ಧರಿಸಿದ
ಕೋಟಿ ಸೂರ್ಯಪ್ರಭೆ ಸೋಲಿಸುವಂಥ2
ನೋಡಿದನಯನ ಅನ್ಯತ್ರನೋಡವೂ
ಪಾಡಿದ ಜಿಹ್ವಾ ಅನ್ಯತ್ರಪಾಡವೂ
ನಾಡಿನೊಳಿಂಥಾ ಶ್ರೀಪಾದ ರಾಜರಿಗೆ
ಈಡುಗಾಣೆ ಮುದ್ದುಮೋಹನವಿಠಲ 3