ಆತ್ಮಶೋಧನೆ
ಅನಂತಾನಂತ ಪಾಪ ಮಾಡುವೆ ನಾನು ಪ
ಅನಂತದಯಾನಿಧೆ ನೀನೊ ಹಯವದನ ಅ.ಪ
ದಾರು ಎನ್ನ ಪಾತಕಕ್ಕೆ
ಸರಿಗಾಣಿಸೆನೆಂದರೆ ಪಾಪ ಕ್ಷೋಣಿ ಪರಿಮಾಣುಗಳಿಗೆ 1
ಪೇಳು ಪಾಪವೆಂದಲೆನಲು ಪೇಳಲಿಕ್ಕೆ ಬಲುಲಜ್ಜೆ
ಗಳು ಅಂಡಲಿವುತಿದೆ ತಿಳಿದಾತ ನೀನಲ್ಲವೆ 2
ಎನಗೊಂದು ಉಪಾಯವ ಅನಾಯಾಸ ಮಾಡುವಂಥ
ನಿನ್ನ ನಾಮಸುಧೆಯನ್ನು ಎನಗೀಯೊ ಮುದದಿಂದ3
ಕಾಲ ಸ್ವಾಮಿ ನೀನು ದಾಸನು ಆಸು ಕಾಲದವನು
ವಾಸುದೇವವಿಠಲನೆ ನೀ ಸಡಲ ಬಿಡುವರೇನೊ4

ತಾನಾರು ತನುವು ಆರು ತಿಳಿದು ನೋಡಿ ಧ್ರುವ
ತಾನಾರು ತನುವಾರು
ತನ್ನೊಳೂ ತಾನೆ ತಿಳಿದು ನೋಡಿ
ಘನ ಬ್ರಹ್ಮದೊಳು ಮನ ಬೆರೆದಾತ ಶರಣನು 1
ಕಾಯದೊಳಿಹ್ಯ ಕಳವಳಗಳೆದು
ಮಾಯ ಮೋಹದ ಮಲಗಳ ತೊಳೆದು
ದೇಹ ವಿದೇಹವಾದಾತ ಶರಣನು 2
ಭ್ರಾಂತಿಯ ಅಭಾವಗಡಿದು
ನೀತಿ ಸುಪಥದ ಮಾರ್ಗವ ಹಿಡಿದು
ಜ್ಯೋತಿ ಸ್ವರೂಪವ ಕಂಡಾತ ಶರಣನು 3
ಭಾವ ಭಕ್ತಿಯ ಕೀಲವ ತಿಳಿದು
ಹ್ಯಾವ ಹೆಮ್ಮೆಯ ಮೂಲವನಳಿದು
ಜೀವ ಶಿಶುವು ತಿಳಿದಾತ ಶರಣನು4
ಜಾತಿಯ ಕುಲಗಳ ಭೇದವ ತಿಳಿದು
ಯಾತನೆ ದೇಹದ ಸಂಗವನಳಿದು
ಮಾತಿನ ಮೂಲವ ತಿಳಿದಾತ ಶರಣನು 5
ಸೋಹ್ಯ ಸೊನ್ನೆಯ ಸೂತ್ರವಿಡಿದು
ಲಯ ಲಕ್ಷಿಯ ಮುದ್ರೆಯ ಜಡಿದು
ದ್ಯೇಯ ಧ್ಯಾತವ ತಿಳಿದಾತ ಶರಣನು 6
ನಾದದಿಂದ ಕಳೆಯ ಮುಟ್ಟಿ
ಸಾಧಿಸಿ ಉನ್ಮನ ಮುದ್ರೆಯ ಮೆಟ್ಟಿ
ಆದಿತತ್ವದ ಗತಿ ತಿಳಿದಾತ ಶರಣನು 7
ಆಧಾರ ದೃಢದಿಂದ ಅರಹುತನಾಗಿ
ಮಧ್ಯ ಮುಪ್ಪರದಲಿ ಸ್ಥಿತಿವಾಗಿ
ಊಧ್ರ್ವ ಮಂಡಲಗತಿ ಬೆರೆದಾತ ಶರಣನು 8
ಬಾಹ್ಯಾಂತ್ರ ಪರಿಪೂರ್ಣ ಘನಮಯಗಂಡು
ಸಾಯೋಜ್ಯ ಸದ್ಗತಿ ಸವಿಸುಖನುಂಡು
ಮಹಿಪತಿ ಗುರುಮನಗಂಡಾತ ಶರಣನು 9

ಭವ ಭಯದಾ ಕೊಳೆ
ತೊಳೆÉದಾನಂದವೀವ ಸಾರಂಸಂಸಾರ ಸಾರಂ ಪ.
ಸುಳಿದು ಯಮಭಟರೆಳೆಯುವ ಕಾಲದಿ
ಪರಿ ಸಾರ ಮನುಜರು ಅ.ಪ.
ಅಳಿದವರಾರು ಝಳಝಳ ಮನದಿಂ
ಕಳೆಗೊಟ್ಟಿಹ ಪುರುಷನಾರುಂ
ಸಲೆ ನಾರದರಲ್ಲದೆ ಯಿದನಂ
ಸೆಳೆದುರೆ ಭಕ್ತಿಯೊಳ್ ಹರಿಯಂ
ಅಳವಲ್ಲದಾನಂದದಿಂ ಹರಿ ಸುಳಿವ
ಪೊಳೆವ ಮನದೊಳಗಿಹನೆನುತಂ
ಸಾರಿ ಹರಿದನಂ ಸಾರಂ ಸಂಸಾರಂ 1
ಅರ್ಣವದೊಳು ಭವಾರ್ಣ ನಿರ್ಮಾಣನ
ಕರ್ನದೊಳಾಲಿಸಿ ಧ್ವನಿಮಾಡಿ
ನಿರ್ಣಯದಲಿ ಸ್ವರ್ಣರೂಪನ
ಜೀರ್ಣಿಪ ವೀಣಾನಾದದೀ ಸಾರಂ
ಕರ್ಣಾನಂದದಿ ಹಾಡಿದನಾರುಂ
ವರ್ಣಾಶ್ರಮ ಧರ್ಮ ಮರ್ಮವರಿತು
ಚರ್ಮಸುಖವಳಿದು ಪೂರ್ಣಜ್ಞಾನದ
ಪುರಂದರದಾಸರಲ್ಲಿದೆ ಈ ಸಾರಂ ಸಂಸಾರಂ 2
ತರಲಾನಂದದಿಂ ಸರಿಗಮ ಪದನಿಸ
ಸನಿದಪ ಮಗರಿಸ ಶೋಡಷಕ್ಷರದಿಂ
ತರಲಾ ಸಂಗೀತಕೆ
ಸರಳಾಗಿಹ ಹರಿ ನಾಮಾಮೃತವಂ
ಧರಿಶಿದ ಪುರಂದರರಂ
ಶರಣ ಭರಣ ಕರುಣ ಪಡೆವುದು
ನಿರುತ ಹರಿ ಶರಣರೆನುತ
ಅರುಹಿದ ಸಂಗೀತವೀ ಸಾರಂ ಸಂಸಾರಂ 3
ಈ ತೆರ ಭಜಿಸಿದಗ್ಯಾತರ ಭಯ
ಪಾತಕಹರ ಜಗದೀಶ ಮಾನಸ
ದಾತುರದೊಳು ಹರಿ ದಾತನೆಂದರಿತು
ನೀತಾಚಾರದಿ ಯಾವಾತ ಸ್ತುತಿಸಲು
ಜ್ಯೋತಿ ಪ್ರಕಾಶದಿ ತನುಜಾತನಾಗಿ ಬಹ
ಪ್ರೀತಿಗೊಡುತ ಖ್ಯಾತ ಭಕ್ತ ಪಾರಿಜಾತನೆಂದು
ತಿಳಿದಾತಗೆ ಇದು ಸಾರಂ ಸಂಸಾರಂ 4
ಭಗವಂತನ ಧ್ಯಾನಿಪನ ಪುಡುಕುತ
ಮಿಗೆ ಸಂಚರಿಸುತಲಿಹರೀಗಲು
ಭಾಗವತರಿದು ಸತ್ಯಂ ಜಗಕೆ
ಜಗದೀಶ ಶ್ರೀ ಶ್ರೀನಿವಾಸನೆಂದು
ಮಿಗೆ ಜಗದಾನಂದ ಪುಳಕಿತ ತನುವಿನ ಜೀವರ
ಸೊಗವಿಲಿ ನಾಲ್ಮೊಗನೈಯ್ಯನು
ಸಿಗುವ ಪರಿಯಗೊಡುತಗಣಿತ ಮಹಿಮರು
ಕರುಣಿಸಿದೀ ಸಾರಂ ಸಂಸಾರಂ 5