ಹ್ಯಾಗೆ ಸದ್ಗತಿ ಆಗುವುದೆನಗೆ
ಯೋಗಿಗಳ ಒಡೆಯ ಹರಿಯೆ
ಈಗಾಗಲೆ ತಿಳಿಸಿ ಸಾಗುವಂತೆ ಸಾಧನ
ಬ್ಯಾಗ ಮಾಡಿಕೊ ನಾಗತಲ್ಪನೆ ಪ
ಮೇಲಧಿಕಾರಿಯು ಕೊಂಡಾಡಲು
ಕುಲ ಉದ್ಧಾರವೆಂದು ಹಿಗ್ಗುವೆ
ಕಲುಷ ಕಂಡಾಗÀಲು
ಅಳುತ ಧರೆಗೆ ಇಳಿವೆನೊ ನಾನು 1
ಶಿಕ್ಷ ರಕ್ಷ ಸಧ್ಯಕ್ಷ ಲಕ್ಷ್ಮೀಪತಿಯೆಂದರಿಯದೆ
ಕುಕ್ಷಿ ಭರಣಕೆ ಯೋಚಿಸುವೆ
ಪಕ್ಷಿವಾಹನನಲ್ಲಿ ಲಕ್ಷ್ಯವಿಲ್ಲದೆ ಬಕ
ಪಕ್ಷಿಯಂತೆ ಧೇನಿಸುವೆ ನಾ 2
ನಷ್ಟ ದೇಹ ಪುಷ್ಟಿಗಾಗಿ ದುಷ್ಟರಿಗೆ ಎನ್ನ
ಕಷ್ಟ ಪೇಳಲು
ದೃಷ್ಟಿಸಿ ನೋಡಿದರೆ ಬೆಟ್ಟ ಮೇಲಿದ್ದಂತೆ ಕಂ
ಗೆಟ್ಟು ಮೊರೆಯಿಸುವೆ 3
ಒಂದು ಲಾಭವಿಲ್ಲದೆ ಮಂದಿ ನೆರಹಿ
ಸಂದಿಗೊಂದ್ಹರಿದ್ಯಾಡಿ
ಸಂದು ಹೋಯಿತÀು ಹೊತ್ತಯೆಂದು ಆಸ್ಥಾನಕೆ
ಮಿಂದು ಬ್ಯಾಗನ್ನ ತಿಂದೋಡುವೆನೊ 4
ಮಾನನೀರ ಚೆಲ್ವಿಕೆಗೆ ಮನಸೋತು
ನೆನೆನೆನೆದು ಬೆಂಡಾಗುವೆ
ಹೀನರಾ ಕೂಡಿಕೊಂಡು ದೀನರಾ ಬಾಯಿಬಡಿದು
ಧನ ಸಾಧಿಸಿದ್ದು ಕೊನೆಗೆ ಸಾಯುವ ನರಗೆ 5
ಉದಯದಲೆದ್ದು ನದಿಗೆ ಪೋಗಿ ನಾ
ಮುದದಿಂದ ಮಿಂದು
ಉದಯಾರ್ಕಗಘ್ಯ ಒದಗೀಸಿ ಕೊಡದ
ಮದಡನಾಗಿದ್ದವಗೆ 6
ವರ ಸುದರ್ಶನ ಗ್ರಂಥಗಳ ಗುರುಗಳಲ್ಲಿ
ನಿರುತ ಪಠಿಸಲಿಲ್ಲ
ಭಾಗವತ ಪುರಾಣಗಳು
ಪರಮ ಭಕ್ತೀಲಿ ಕೇಳಲಿಲ್ಲ 7
ಭಾವ ಶುದ್ಧಿಯಿಂದ ದೇವತಾರ್ಚನೆ
ಆವ ಕಾಲಕು ಮಾಡಲಿಲ್ಲ
ಪವನಸಖ ಮಖದೊಳಾಹುತಿನಿತ್ತು
ಕವಿಗಳಿಗನ್ನ ಕೊಟ್ಟವನಲ್ಲ 8
ಧ್ಯಾನ ಮಾಡುವುದನ್ನು ಮೌನಿಗಳ ಕೇಳಿ
ಮನನ ಮಾಡಲಿಲ್ಲ
ಪಾದ ಕನಸಿನಲಾದರೂ ಒಮ್ಮೆ ನೋಡಲಿಲ್ಲ 9

ಪರಮಪರುಷನೆ ಕೃಷ್ಣ ಕಣ್ತೆರದು ನೋಡೊ ಪ
ಶಿರಿ ಅರಸ ದಯಸಿಂಧು ಶ್ರಾವ್ಯಮಂಗಳ ಕೀರ್ತಿ ಅ.ಪ.
ದ್ವಿಜಗಮನ ವೃಜಿನಹರ ಭುಜಗತಲ್ಪನೆ ದೇವ
ಅಜತಾತ ಗಜವರದ ಕುಜ ನಿವಾರಣನೆ
ಭಜನೆ ಪಾಲಿಸು ಎನ್ನ ವಿಮಲ ಮನದಲಿ ನಿಂತು
ಋಜು ಪುಂಗವರ ದೈವ ನಿರ್ಜರರ ಬಾಂಧವನೆ 1
ಒದ್ದವಗೆ ಶಿಕ್ಷಿಸದೆ ಬೈದವಗೆ ಗತಿ ಇತ್ತೆ
ನಿರ್ದೋಷ ಗುಣಪೂರ್ಣನೆಂದು ಶ್ರುತಿ ಸಾರುತಿದೆ
ನಿದ್ದೆ ಮಾಡುವಗೊಲಿದಿ ಮುಕ್ತಿಯನಿತ್ತೆ
ಯುದ್ಧದಲಿ ಶರದಿಂದ ಹೊಡೆದವಗೆ ನೀನೊಲಿದೆ 2
ಶುದ್ಧ ಆನಂದಾಬ್ಧಿ ಜಯೇಶವಿಠಲನೆ
ಮಧ್ವ ಮುನಿದೈವ ಸಿದ್ಧರೊಡೆಯ
ಉದ್ಧವನ ಗುರು ಸುಧಾಮ ಮಿತ್ರನೆ ಮನ
ತಿದ್ದಯ್ಯ ಜ್ಞಾನ ನಿನ್ನಲ್ಲಿ ನಿಲುವಂತೆ 3

ಶರಣು ಶೇಷಾಚಲ ನಿವಾಸಗೆ | ಶರಣು ವರಹ ತಿಮ್ಮಪ್ಪಗೆ |
ಶರಣು ತಿರುವೆಂಗಳೇಶಗೆ ಪ
ಮಾಧವ |
ನರಹರಿ ಮಧುಸೂದನಾ |
ಅಚ್ಯುತ |
ಗಿರಿಜನುತ ನಾರಾಯಣಾ 1
ಕ್ಷೀರ ವಾರಿಧಿಶಯನ ವಾಮನ |
ಗೋಪಿ ಜನ |
ನವನೀತ |
ಚೋರ ರಿಪು ಸಂಹಾರ ಹರಿ ದಾಮೋದರ 2
ಗರಳ ತಲ್ಪನೆ |
ಕರುಣಾಳುಗಳ ಒಡೆಯನೆ |
ಸಿರಿ ವಿಜಯವಿಠ್ಠಲನ |
ಚರಣ ಕಮಲಕೆ ನಮೋ ನಮೋ 3

ಶ್ರೀರಾಮಾ ರಘುಕುಲಸೋಮ ಕಾಮಿತ ಶುಭಫಲದಾಯಕ ಪ.
ರಮಾರಮಣನೆ ಭೀಮ ಪರಾಕ್ರಮ ಸುಂದರ ಅ.ಪ.
ದಾನವಾಂತಕ ಶ್ರೀ ಜಾನಕೀ ನಾಯಕರಾಮ
ದೀನಾನಾಥ ಪರಿತ್ರಾಣ ಪ್ರಪನ್ನ ಜನಪ್ರಾಣ 1
ವಾಸವಾನುಜ ಜಗದೀಶ ಪರೇಶ ಪರಾತ್ಪರ
ದಾಸಜನಾಶ್ರಯ ಶ್ರೀಶ ಸರ್ವೇಶ ದಯಾಸಾಗರ 2
ಮಂಗಳಾತ್ಮಕ ಭವಭಂಗ ಶ್ರೀರಂಗನಾಯಕಿ ರಮಣ
ಅಂಗಜಜನಕ ಪಾಂಡುರಂಗ ಕರುಣಾಂತರಂಗ 3
ನಾಗೇಶಪಾಲಕ ನಾಗೇಶವರತಲ್ಪನೆ ಶ್ರೀ
ನಾಗಾರಿವಾಹನ ವರನಾಗಾದ್ರಿನಿಕೇತನ ರಾಮಾ 4

ಸೇರಿದೆ ನಿನ್ನ ವೆಂಕಟರನ್ನ ಪಾಲಿಸು ಎನ್ನ ಅ- |
ಪಾರ ಜನುಮಕ್ಕೆ ನೀನೆ ದೈವವೆಂದು ಪ
ಶೂನ್ಯಜ್ಞನು ನಾನು ಅನ್ಯಾಥಾ ಗತಿ ಅರಿಯೆ |
ಅನ್ಯರಲ್ಲಿಗೆ ಕೊಡದೆ ಧನ್ಯನ ಮಾಡೊ ಬಿಡದೆ 1
ಕಲ್ಪತರುವೆ ಎಂದು ವಪ್ಪದಿಂದಲಿ ಬಂದೆ |
ಆಲ್ಪರಿಯದಂತೆ ನಾಗತಲ್ಪನೆ ಫಲವೀಯೋ 2
ವರುಷಾವರುಷ ಹೀಗೆ ದರುಶನಕೊಡು ಎನಗೆ |
ಹರುಷವಾಗಲಿ ಪರಮಪುರುಷ ವಿಜಯವಿಠ್ಠಲಾ 3