ಕಾಯಯ್ಯಾ ಕಾಯೊ ಮುರಾರಿ | ದಯದಲೆನ್ನಾ ಪ
ತರಳತೆಯಿಂದಾ ಸ್ಮರಣೆಯ ನಿನ್ನಾ |
ಮರೆದುನೊಂದೆ ಬಹು ಪರಿದಯದಲೆನ್ನಾ 1
ಮತಿಹೀನನೆಂದು ಒಲಮಿಲಿ ನೋಡಿ |
ಪಾದ ದೋರಿ ದಯದಲೆನ್ನಾ 2
ಮಹಿಪತಿ ನಂದನ ಜೀವನರಾಮಾ |
ಅಹಿತರ ವಂಶವಿದಾರಿ ದಯದಲೆನ್ನಾ 3

ಹಿತ ನೋಡೀ ಮಾಡಿ ಸುಜನರ | ಪಥವನೆಕೂಡಿ ಪ
ಗುರುವಿಗೆ ಬಾಗಿ ಶರಣವ ಹೋಗಿ |
ತರಳತೆ ನೀಗಿ ಅರಹುತರಾಗಿ 1
ಭ್ರಾಂತರಕೂಡಿ ಮತಿಗಳ ಬ್ಯಾಡೀ |
ಸಂತರೊಳಾಡಿ ಅನಂತನ ಪಾಡಿ 2
ಸಂಧಿಸಿ ತಂದ ಸುಕೃತಗಳಿಂದ |
ಹೊಂದುವವೆಂದೇ ನರದೇಹ ಮುಂದೆ 3
ವಿವೇಕದಿಂದಾ ವಿಡಿರಿದೆ ಛಂದಾ |
ಅವನಿಲಿ ಬಂದಾ ಜನುಮಕ ಛಂದಾ 4
ಗುರುಮಹಿಪತಿಯಾ ಚರಣದ್ವಿತಿಯಾ |
ವರಿಸಿ ಮುಕುತಿಯಾ ಪಡೆವದು ಗತಿಯಾಜ್ಞ 5