ವಾರಿಜನಯನಗೆ ಜಯ ಮಂಗಳ
ಶುಭ ಮಂಗಳಾ ಪ
ನೀರಧಿಶಯನಗೆ ಜಯ ಮಂಗಳ
ಶುಭ ಮಂಗಳಂ ಅ.ಪ
ಭವ ಭಯ ಹರನಿಗೆ ಪವನಜನಮಿತಗೆ
ಭುವನಸುಂದರನಿಗೆ ಜಯಮಂಗಳಂ
ಕುವಲಯಶ್ಯಾಮಗೆ ನವಮಣಿಮಾಲಗೆ
ದಿವಿಜಸಂಸೇವ್ಯಗೆ ಶುಭಮಂಗಳಂ1
ಕರುಣಾಜಲಧಿಗೆ ಶರಣರ ಪೊರೆವಗೆ
ನರಹರಿರೂಪಗೆ ಜಯ ಮಂಗಳಂ
ಪುರುಷೋತ್ತಮನಿಗೆ ದುರಿತಸಂಹಾರಗೆ
ಶುಭ ಮಂಗಳಂ 2
ಗಂಗೆಯ ಜನಕಗೆ ಮಂಗಳರೂಪಗೆ
ಸಂಗರಧೀರಗೆ ಶುಭಮಂಗಳಂ
ತುಂಗವಿಕ್ರಮನಿಗೆ ಇಂಗಿತವರಿವಗೆ
ಮಾಂಗಿರಿಯರಸಗೆ ಜಯ ಮಂಗಳಂ 3

ಸುಶರಣ ಸುರಪಾದಪ
ಸುಶೀಲೇಂದ್ರ ಸನ್ಮುನಿಪ ಪ
ಚಾರು ತುಳಸಿ ಸಾರಸಾಕ್ಷಮಣಿ
ಚಾಪ 1
ಸಲೆ ಮಂತ್ರಾಲಯ ನಿಲಯರ ಒಲಿಸಿದ
ಅಲವ ಬೋಧಮತ ಜಲಧಿಗೆ ಉಡುಪ 2
ಕ್ಷಿತಿದೇವ ತತಿನುತ ವರದಾತಟ
ಪತಿ ಪದ ವೃತತಿಜ ಮಧುಪ 3
ಕೋವಿದ ಜನ ಸಂಸೇವಿತ ವರ ವೃಂ
ದಾವನ ಮಂದಿರ ಪಾವನ ರೂಪ 4
ವರದ ಶಾಮಸುಂದರ ರಘುರಾಮನ
ದುರಿತ ನಿರ್ಭೀತ 5

ಸ್ಮರಿಸಿವುದು ರಘುನಂದನನ ಪ
ನಿರುತದಿ ಬೆಳಗಿನೊಳೆದ್ದು ಭಕುತಿಯಲಿ ಅ.ಪ.
ಜನಪತಿ ದಶರಥನುದರದಿ ಜನಿಸಿದವನಿತೆ ಅಹಲ್ಯೆಯ ತಾನುದ್ಧರಿಸಿದಘನ ಶಂಕರ ಧನುವ ಭಂಗಿಸಿದಜನಕ ಸುತೆಯ ವರಿಸಿದ ಶ್ರೀರಾಮನ 1
ತಾಯಿ ಕೈಕೇಯಿಯ ಮಾತು ನಡೆಸಿದನೋಯದೆ ವನವನು ಸತಿಸಹ ಸೇರಿದಮಾಯಾಮೃಗದಾಶೆಗೆ ಸತಿಯನಗಲಿದರಾಯ ಲಕ್ಷ್ಮಣನಣ್ಣ ಶ್ರೀರಾಮನ 2
ದಂಡಕದೊಳು ಸತಿಯನು ಶೋಧಿಸಿದಚಂಡ ಹನುಮಗೆ ತಾ ದೊರೆಯಾದಪುಂಡ ಜಲಧಿಯ ದಾಟಿಸಿದಹೆಂಡತಿ ಇರವನು ತಿಳಿದ ಶ್ರೀರಾಮನ 3
ಜಲಧಿಗೆ ಸೇತುವೆ ನಿಂತು ಬಿಗಿಸಿದಖಲ ರಾವಣನ ರಣದೊಳು ಕೆಡಹಿದಒಲಿದು ವಿಭೀಷಣನನು ತಾ ಪೊರೆದನೆಲದೊಳು ಸುಖ ಬೀರಿದ ಶ್ರೀರಾಮನ 4
ಧರುಮವ ನೆಲಸಲು ದುಷ್ಟರ ತರಿದಾ ಧರೆಯೊಳು ಶಿಷ್ಟರ ಪೊರೆಯಲು ಬಯಸಿದಸಿರಿಪತಿ ಗದುಗಿನ ವೀರನಾರಾಯಣನರನಾಗವತರಿಸಿದ ಶ್ರೀ ರಾಮ 5