ಮರೆಯಬಾರದು ನಮ್ಮ ಮುರವೈರಿಯ
ಕರುಣಾಕರ ಸಿರಿವರನಾದ ದೊರೆಯ ಪ.
ಪರಿಕಿಸುವನು ನಾನಾ ತರದಿಂದಲಿ
ಜರಿವನು ಮತ್ತೆ ನೇವರಿಸುವನು
ಸುರ ನರೋರಗ ಪಕ್ಷಿಯಿರೆ ತರು ಮೊದಲಾಗಿ
ಪೊರೆವ ಮೆರೆವ ಕರೆದಲ್ಲಿ ಬರುವ 1
ಬಡತನದಲಿ ಭಾಗ್ಯಕಾಲದಲಿ
ಕಡು ಕಷ್ಟದಲಿ ಸೌಖ್ಯ ವೇಳೆಯಲಿ
ಅಡವಿಯಲಾದರು ಅರಮನೆಯಲ್ಯಾದ-
ರೊಡೆಯ ಸಲಹನೆ ಮೀರನು ಭಿಡೆಯ 2
ಸರ್ವ ಸ್ವತಂತ್ರ ಶ್ರೀ ರಮಣೀಶ
ನಿರ್ವಹಿಸುವನು ನಂಬುವರಾಶಾ
ಭರ್ವಸವಿಡು ಶೇಷ ಪರ್ವತೇಶ್ವರನಲಿ
ನೀರ್ವಾಣೇಶ ಸರ್ವರೊಳಿರುವ 3

ಸ್ಮರಿಸುವೆ ಹರಿಯನು ದುರಿತವ ಕಳಿವನು ಪ
ಮರಿಯಾನು ಭಕುತರ ಜರಿವನು ದುರುಳರ
ಪೊರೆವನು ಸುಜನರ ಭರದಿಂದ ಶಿರಿವರ 1
ಕರಿರಾಜಾನೀತನ ಕರಿಯಲು ಆ ಕ್ಷಣ ತ್ವರಿತಾದಿ ಈ ಜಾಣ
ಪೊರೆದನು ಬಲು ಘನಾ 2
ಕರುಣಾಳು ಈತನು ಸುರರೊಳು
ಮರಿಯಾನು ನಮ್ಮನು ಶ್ರೀವತ್ಸಾಂಕಿತನು 3