ದೇವ ನೀನಹುದೈ ಭುವನತ್ರಯದ ಜೀವ
ವಾಸುದೇವ ಧ್ರುವ
ದೇವಕಿಯ ಕಂದ ದೈತ್ಯಾರಿ ಶ್ರೀ ಗೋವಿಂದ
ಮಾಧವ ಮುಕುಂದ 1
ಮದನ ಮೋಹನಮೂರ್ತಿ ಯದುಕುಲೋದ್ಭವ ಕೀರ್ತಿ
ಆದಿ ಪಾಂಡವ ಸಾರ್ಥಿ ಬುಧಜನರ ಸ್ಪೂರ್ತಿ 2
ಶರಣ ಜನರಾಭಣ ಸಿರಿಲೋಲನೆ ಪೂರ್ಣ
ತರಳ ಮಹಿಪತಿಸ್ವಾಮಿ ಘನಕರಣ 3

ಸುಗ್ಗಿ ಸುಕಾಲಾಯಿತು ಜಗದೊಳಗೆ
ಅಗ್ಗಳತ್ಯಾಯಿತು ಗುರುದಯಲೆನಗೆ ಧ್ರುವ
ಭಕ್ತಿ ಭೂಮಿಯು ಕೈಗೊಟ್ಟಿತು ಪೂರ್ಣ
ತತ್ವೋಪದೇಶ ತಿಳಿಯಿತು ನಿಧಾನ
ಭಕ್ತರಿಗಿದರಿಡುವದು ಅನುದಿನ
ಮುಕ್ತಿಯ ಫಲ ಮುನಿಜನರಾಭಣ 1
ಮಳೆಗರಿಯಿತು ಮಹಾಗುರುದಯ ಕರುಣ
ಬೆಳೆಬೆಳೆಯಿತು ಮಹಾ ಸುಙÁ್ಞನದ ಸ್ಫುರಣ
ತಿಳಿಯಿತು ಬರವಿದು ಭವಬಂಧನ
ಕಳೆಯಿತು ಕಾಂಕ್ಷೆ ಹುಟ್ಟುವ ಹೊಂದುಣ2
ಮನೋಹರವಾಯಿತು ಗುರುಕೃಪೆಯಿಂದ
ಜನವನದೊಳು ಕಾಣಿಸಿದ ಗೋವಿಂದ
ಅನುಭವ ಸುಖವಿದು ಬ್ರಹ್ಮಾನಂದ
ಘನಸುಖಪಡೆದ ಮಹಿಪತಿ ಇದರಿಂದ 3