ಇದನೆ ಬೇಡುವೆನಯ್ಯ ಒದಗಿ ಪಾಲಿಸೊ ಜೀಯ
ಬದಲು ನಾನೊಲ್ಲೆನೊ ವಿದಿತ ವೇದ್ಯ ಪ
ಕ್ಷಣ ನಿನ್ನ ಬಿಡಲಾರೆ ನಿನ್ನವರನು ಬಿಡೆ
ಕುಣಿ ಕುಣಿವೆನು ನಿನ್ನ ಜನರೆಂದರೆ
ಗುಣತ್ರಯ ವಾರಣ ನಿನ್ನ ವಾರುತಿಯಿರೆ
ಒಣ ಹರಟೆಗಳ ನಾ ಕೇಳಲೊಲ್ಲೆ 1
ನೀಚ ಜನರಂಗಳ ಸಂಗವ ಕೊಡದಿರು
ವಾಚದಿಗನ್ಯರಿಗಾಲ್ಪರಿಸಬೇಡ
ಸೂಚಿಸು ನಿನ್ನಯ ಗುಣಗಣಂಗಳೆನೆ ನಾ
ಯಾಚಿಪೆ ಇದನೆ ಇದನೆ ಮುರಾರೆ 2
ಶ್ರೀಶ ನಿನ್ನಯ ಕಥೆ ಕೇಳದೆ ಬಹಳಾಯು
ಕಾಸು ಬಾಳದು ಕೇಳು ಕರುಣಾಬ್ಧಿಯೆ
ತಾಸು ಒಂದಾದರು ಅವನೆ ಸುಜೀವಿಯೊ
ವಾಸುದೇವವಿಠಲ ನಿನ್ನವರವನೊ 3