ಕೃಷ್ಣ ಪಾಲಿಸು ಪರಮ ಕೃಪಾಲಯ ಪ.
ಪಾಲಿಸು ನಿನ್ನಯ ಬಾಲನು ಬೇಡುವ ಬಯಕೆಯ ಲಕ್ಷ್ಮೀ-
ಲೊಲ ನೀ ಕರದು ತಾರಾಕೆಯ ಅ.ಪ.
ತುರುವು ಮೊಲೆಯನುಂಬ ಕರುವಿನ ಬೆನ್ನನು
ತುರಿಸುತ ತಿರುಗುವ ತೆರದಲಿ ನೀ-
ನಿರುವಿಯೆಂದರಿದೆನು ಮನದಲಿ
ಚರಣ ಪಂಕಜಗಳ ಶರಣ ಹೊಕ್ಕೆನ್ನನು-
ದ್ಧರಿಸು ಶ್ರೀಕಾಂತ ಗುಣದಲಿ ಸ್ವೀ-
ಕರಿಸುತ ನನ್ನ ನಿನ್ನ ಕೆಲದಲ್ಲಿ 1
ಖಗರಾಜ ಭೂಧರವರ
ನಾಗಭೂಷಣ ಶಕ್ರ ಪೂಜಿತ ನಿನ್ನಾ-
ವಾಗ ಕಾಂಬೆನು ಗೃಹರಾಜಿತ
ಮೂಗಭಾವದ ತಪ್ಪ ಮನಕೆ ತರುವರೆ ಮ-
ಹಾ ಗಣಪತಿ ಶಬ್ದ ವಾಚ್ಯನೆ ಎನ್ನ
ಬೇಗ ಕರೆಸು ಸರ್ವಾಧ್ಯಕ್ಷನೆ 2
ಎಲ್ಲವು ನಿನಗೊಪ್ಪಿಸುವೆ ಎಂಬುದ ನೀ
ಬಲ್ಲಿ ಶ್ರೀಭೂರಮೆನಲ್ಲನೆ ಎನ-
ಗಿಲ್ಲ ಭಾರವು ಜಗಮಲ್ಲನೆ
ತಲ್ಲಣ ಬಿಡಿಸಿ ಪಾಲಿಸು ಶಿರದಲಿ ಪದ
ಪಲ್ಲವನನು ವೆಂಕಟೇಶನೆ ಸರಿ-
ಯಲ್ಲ ನಿನಗೆ ಶ್ರೀನಿವಾಸನೆ3