ಜಯ ಜಯವೆನ್ನಿ ಗುರು ಜಗದೀಶಗೆ
ಜಯ ಜಯ ಜಗತ್ರಯ ಪಾವನಗೆ ಧ್ರುವ
ಆನಂದೊ ಬ್ರಹ್ಮ ಆನಂದ ಕಂದಗೆ
ಅನುದಿನ ಜಯ ಜಯ ಅನುಪಮಗೆ
ಸನಕ ಸನಂದನ ವಂದಿತಗೆ
ಮುನಿಜನ ಹೃದಯ ನಿವಾಸಗೆ 1
ನಿತ್ಯ ನಿರ್ಗುಣಗೆ
ಅಗಣಿತಗುಣ ಪರಿಪೂರ್ಣಗೆ
ಝಗಿಝಗಿಸುವ ಜಗನ್ಮೋಹನಗೆ
ಜಗಜ್ಜೀವ ಜಗದಾತ್ಮಗೆ 2
ಜಯ ಜಯ ಮಂಗಳ ಮಹಾಮುನಿಗೆ
ಮಹಿಮಾನಂದ ಗುರುಮೂರ್ತಿಗೆ
ಮಹಿಪತಿ ಸ್ವಾಮಿ ಸರ್ವೋತ್ತಮಗೆ
ಜಯ ಜಯವೆನ್ನಿರೊ ಜಗದೊಳಗೆ 3

ಜಯ ಜಯವೆನ್ನಿರೊ ಶ್ರೀ ಗುರುವಿಗೆ
ದಯಾಸಿಂಧು ಶ್ರೀಸ್ವಾಮಿ ಸದ್ಗುರುವಿಗೆ ಧ್ರುವ
ಗುಹ್ಯಗುರುತ ದೋರುವ ಗುರುಮಣಿಗೆ
ಮಾಯರಹಿತ ನಿರಾಳ ನಿರ್ವಾಣೆಗೆ
ತ್ರೈಲೋಕ್ಯವಂದಿತ ವರಮುನಿಗೆ
ದಯಯುಳ್ಳ ಶ್ರೀ ದೇವಶಿಖಾಮಣಿಗೆ 1
ತ್ರಿಗುಣಾತೀತ ತಾರಕ ನಿರಂಜನಗೆ
ಝಗಿ ಝಗಿಸುವ ಜಗನ್ಮೋಹನಗೆ
ಜಾಗಿಸುವ ಜಗತ್ರಯ ಜೀವನಿಗೆ
ಯೋಗಿಜನ ಧ್ಯಾಯಿಸುವ ನಿರ್ವಾಣೆಗೆ 2
ಜಯ ಜಯವೆನ್ನಿರೊ ಗುರುಮೂರ್ತಿಗೆ
ಇಹಪರ ಪೂರ್ಣ ಪರಂಜ್ಯೋತಿಗೆ
ಬಾಹ್ಯಾಂತ್ರ ಭಾಸುವ ಶ್ರೀಪತಿಗೆ
ಮಹಿಪತಿಯ ಶ್ರೀ ಸ್ವಾಮಿ ಜಗತ್ಪಿತಗೆ 3