ನೋಡಿರೋ ನೋಡಿರೋ ನಾಡಿನೊಳಗೆ ಮಹ
ಗೂಢದಿ ಹೊಳೆಯುವ ಶ್ರೀಗಳ ಚರಣಪ
ಪಾಡಿ ಬೇಡಿ ಹುಡುಕಾಡಿ ಪಡೆಯಿರೋ ವರ
ಗಾಢ ಜ್ಞಾನದಿಗೂಡಿದ ಯತಿಗಳ ಅ.ಪ
ಮಾಧವತೀರ್ಥರ ಮತದೊಳುದಿಸಿ
ಬಾಧಕರೂಪಿನ ಭವಭಯಛೇದಿಸಿ
ವೇದಸುಸ್ವಾದವ ಬೋಧಿಸಿ ನಿಜದ
ಬೋಧ ಶ್ರೀಗುರುಗಳ 1
ಭಕ್ತರ ಕೂಡಿಸಿ ಮತ್ತು ಮಮತೆಯನೆ
ನಿತ್ಯ ಸತ್ಯವ ಸಾಧಿಸಿ
ಚಿತ್ತನಿಲಿಸಿ ಪುರುಷೋತ್ತಮನೊಳು ಬಿಡ
ದತ್ಯಾನಂದಿಪ ಮುಕ್ತಿಗೆ ಮೂಲರ 2
ಆಶಾಪಾಶ ಮಾಯಮೋಸವ ಗೆಲಿದು
ನಾಶ ಪ್ರಪಂಚದ ವಾಸನೆ ಅಳಿದು
ಶ್ರೀಶ ಶ್ರೀರಾಮನ ಲೀಲದಿ ಬಿಡದನು
ಮೇಷದಾಡುವ ಮಹ ಪಾವನಶೀಲರ 3

ನ್ಯಾಯವಾಕೊ ನ್ಯಾಯವಾಕೊ
ತೋಯಜಾಕ್ಷನಲ್ಲದಿಲ್ಲ ಪ
ಸಾವÀಧಾನ ಚಿತ್ತನಾಗಿ ಮಾಯನೀಗಿ ಜ್ಞಾನಗೂಡಿ
ಸೇವೆ ಮಾಡೆಲೊ ದಾಸಜನರ ದಿವ್ಯತತ್ವವು ತೋರುತದೆ 1
ವೃತ್ತಿಬಲಿಸಿ ನಿತ್ಯದಿ ಹರಿ ಕೀರ್ತನದಿ ನಿನ್ನ ಚಿತ್ತನಿಲಿಸಿ
ಸತ್ಯದಿಂದರಿಯುತ್ತಲಿರ್ದರೆ ಸತ್ಯವಸ್ತುವು ಅರ್ಥವಾಗ್ವುದು 2
ಮಹಾತ್ಮರ ನಿಜವಾಕ್ಯ ನಂಬಿ ದುರಾತ್ಮತನವಂ ದೂರಮಾಡಿ
ಮಹಾತ್ಮೆ ಕಾಂಬುದು 3