ಸಾರಸಾಕ್ಷ ಘೋರದುರಿತ ದೂರಮಾಡೈ ಪ
ಮಾರಜನಕಪಾರ ಮಹಿಮ
ದೂರ ನೋಡದೆ ಬಾರೊ ಬೇಗ
ಬಾರಿಬಾರಿಗೆ ನಿನ್ನ ನಂಬಿ
ಸಾರಿಕೂಗಿ ಬೇಡುವೆನು 1
ಮೂಢತನದಿ ನಾಡ ತಿರುಗಿ
ಖೋಡಿಯಾದೆ ಗಾಢಭಕುತಿಲಿ
ಗಾಢ ನಿಮ್ಮ ಪಾವನ ಚರಿತ
ರೂಢಿಯೊಳು ಧನ್ಯವಾಗದೆ 2
ಸಿರಿಯರಮಣ ಚರಣನಳಿನ
ಮರೆಯಹೊಕ್ಕೆ ಕರುಣದೆನ್ನ
ಮೊರೆಯ ಕೇಳಿ ದುರಿತದಿಂದ
ಸೆರೆಯ ಬಿಡಿಸೆನ್ನ ಸಿರಿಯರಾಮ 3

ಹರಿಯೆ ಹದಿನಾಲ್ಕು ಲೋಕದ ದೊರೆಯೆ ಪ
ಕಮಲ ಷಟ್
ಚರಣನೆನಿಸಿ ಎನ್ನ ಪೊರೆವುದು ಸಂತತ ಅ.ಪ
ವೀರಭಕ್ತ ಪ್ರಹ್ಲಾದ ವರದ ಕರುಣಾರಸ ಪರಿಪೂರ್ಣ
ಭವ ಸನ್ನುತ ಚಾರ ಚರಣನಳಿನ
ಸಾರಿದ ಪ್ರಣತ ಜನಾರ್ತಿನಿವಾರಣ
ಘೋರದುರಿತ ಮದಗಜ ಪಂಚಾನನ
ನಾರದ ಮುನಿವರ ಸೇವಿತ ಚರಣ
ಸಾರಸಾಕ್ಷಿ ಶ್ರೀ ಕರಿಗಿರಿ ನಿಕೇತನ 1