ಮಾಧವ ಬೇಡಿಕೊಂಬೆ ಪ
ನೋಡಿ ನೀ ದಯಮಾಡಿ ಎನ್ನಯ
ಪೀಡೆ ದೂರಮಾಡು ಬೇಗದಿಅ.ಪ
ಅದ್ರಿಧರನೆ ಪರಮದಯಾಸ
ಮುದ್ರ ಎನ್ನನು ಕೊಲ್ಲುವ ಕಡುದಾ
ರಿದ್ರ್ಯಕಳೆದು ಬಯಲುಮಾಡಿ
ಭದ್ರವಾಗಿ ಕಾಯೊ ಹರಿಯೆ 1
ಕ್ಷುದ್ರದನುಜರ ಸದೆದು ಭರದಿ
ಅದ್ರಿಯೆತ್ತಿ ಭಕ್ತಜನರ ಸುಖ ಸ
ಮುದ್ರದಿರಿಸಿ ಪೊರೆದೆಯೊ ಭುಜ
ಗಾದ್ರಿಶಾಯಿ ಸುದೃಷ್ಟಿಲೆನ್ನ 2
ಎನ್ನ ಮನಸಿನ ಡೊಂಕ ತಿದ್ದಿ
ನಿನ್ನ ಚರಣದಾಸನೆನಿಸಿ
ಬನ್ನಬಡಿಸದೆ ಇನ್ನು ಜಗದಿ
ಮನ್ನಿಸಿ ಪೊರೆ ವರದ ಶ್ರೀರಾಮ3

ಶ್ರೀಶನ ಚರಣದಾಸನಾಗಿರ್ದರೆ
ಆಶಾಪಾಶ ನೀಗಿರಬೇಕು ಪ
ಈಶನರಿತ ಗುರು ಶಿಷ್ಯನಾಗಿರ್ದರೆ
ದೂಷಣ ಭೂಷಣ್ಹೋಗಿರಬೇಕು ಅ.ಪ
ಹರಿಸರ್ಮಣಾಮೃತ ಸುರಿವನಾಗಿರ್ದರೆ
ಧರೆಯ ಭೋಗ ಮೀರಿರಬೇಕು
ಪರತತ್ತ್ವದ ಮೂಲರಿತವನಾದರೆ
ಮರವೆ ಮಾಯ ಹಾರಿರಬೇಕು 1
ವೇದ ವೇದಾಂತವ ಸಾಧಕನಾದರೆ
ವಾದ ವಾಂಛಲ್ಯವ ತೊಡೆದಿರಬೇಕು
ಬೋಧ ಪಡೆದು ನಿಜ ಸಾಧುವಾದರೆ
ನಾದಶಬ್ದವಡಗಿರಬೇಕು 2
ಮಾನಸಪೂಜೆಯ ಖೂನ ಬಲ್ಲ್ಯಾದರೆ
ತಾನು ತನ್ನನು ಅರಿತಿರಬೇಕು
ಧ್ಯಾನವಿಡಿದು ನಿಜಜ್ಞಾನಿಯಾದರೆ
ಮಾನಭಿಮಾನಕ್ಹೊರತಿರಬೇಕು 3
ಬೋಗದ್ವಾಸನ್ಹಿಂಗಿ ಭಾಗವತನಾದರೆ
ಕೂಗಿನ ನೆಲೆ ತಿಳಿದಿರಬೇಕು
ಯೋಗ ಬಲಿಸಿ ಮಹಯೋಗಿಯಾದರೆ
ರಾಗರಹಿತನಾಗಿರಬೇಕು 4
ಲಿಂಗವ ಧರಿಸಿ ಜಂಗಮನಾದರೆ
ಸಂಗರಹಿತನಾಗಿರಬೇಕು
ಅಂಗ ಮೂರು ನೀಗಿ ಲಿಂಗ ತಾನಾದರೆ
ಲಿಂಗಾಂಗ ಸಮರಸ ತೋರಬೇಕು 5
ಸತ್ಯವರಿತು ಸತ್ಪುರುಷನಾದರೆ
ಸತ್ತಂತೆ ಜಗದೊಳಿರಬೇಕು
ಮೃತ್ಯುಗೆಲಿದು ಪರಮಾರ್ಥಿಕನಾದರೆ
ಮತ್ರ್ಯರ ಗುಣ ಮರ್ತಿರಬೇಕು 6
ಘೋರ ಭವಾಂಬುಧಿ ಪಾರುಗಂಡಿರ್ದರೆ
ಪಾರ ಹಾರೈಕೆ ಅಳೆದಿರಬೇಕು
ಸಾರಮೋಕ್ಷ ತನ್ನ ಸೇರಬೇಕಾದರೆ
ಧೀರ ಶ್ರೀರಾಮನೊಲಿಸಿರಬೇಕು 7

ಸಕಲಲೋಕಪಾಲಕ ರಕ್ಷಿಸೈ ನಿಖಿಲವ್ಯಾಪಕ ಪ
ಚರಣದಾಸನ ಮೊರೆಯ ಪಾಲಿಸಿ ಕರುಣವಂ ಬೆರೆಸಿ
ಪೊರೆಯೊ ಶರಣಜನ ಪ್ರಿಯಕರನೆ ಮರೆಯ ಹೊಕ್ಕೆನು 1
ಇಂದೊದಗಿಬಂದ ದುರಿತವನು ತಂದೆ ನೀಬಂದು ಪರಿಹರಿಸೊ
ಮುಂದಿನ್ನು ಬಂಧನದ ಬಲೆಯಚಿಂದಿಸಿ ಚಂದದಿಂ ಕಾಯೊ 2
ಕಾಯಜಪಿತನೆ ನಿನ್ನ್ಹೊರತು ಕಾಯುವ ಹಿತರು ಇಲ್ಲಯ್ಯ
ದೂರದ ಸುತನ ಮೊರೆ ಕೇಳೊ ಕ್ಷಿತಿಜಪತಿಯೆ ಶ್ರೀರಾಮ 3

ಹರಿ ಶ್ರೀ ರಘುರಾಯಾ ಸಂಸಾರ ಮಾಯಾ
ಭವ ಜೀಯಾ ತೋರೊ ನಿನ್ನಯ ದಿವ್ಯ ಕಾಯಾ
ಕೊಡು ನೀ ಸುಮತಿಯಾ ಪ
ಗರುಡವಾಹನಾ ಪರಮಪಾವನಾ
ಶಿರಿಯ ಸುಖದಿ ಮರೆಯಬ್ಯಾಡೊ ಚರಣದಾಸನಾ 1
ಇಷ್ಟದಾಯಕಾ ಕಷ್ಟತಾರಕಾ
ಸೃಷ್ಟಿ ಪತಿಯೆ ಕೊಟ್ಟು ಸಲಹೊ ಮೋಕ್ಷದಾಯಕಾ2
ನಾಶರಹಿತನೇ ವಾಸುದೇವನೇ
ಪೋಷಿಸೊ ತವ ದಾಸನಾ ಹನುಮೇಶ ವಿಠಲನೇ3

ಹರಿ ಹರಿ ತವಕೃಪೆ ಕರುಣಿಸು ದೀನನೋಳ್
ಚರಣದಾಸನ ಮೊರೆ ಆಲಿಸು ದಯದಿಂದ ಪ
ಸಂಸಾರ ನಿಧಿ ಭಯ ಧ್ವಂಸಗಾರನು ನೀ
ಕಂಸಾರಿ ಭಕುತರ ಹಿಂಸಿಸದೆ ಕಾಯ್ವ 1
ಆಧಾರ ನೀನೆ ಭವಭಾದೆ ನಿವಾರಕ
ಪಾದದಾಸರ ಅಭಿಮಾನದ ದೇವ ನೀ 2
ಪಾಮರನಾದೆ ಶ್ರೀರಾಮ ಮರೆದು ನಿನ್ನ
ಪ್ರೇಮದಿಂ ಸಲಹೆನ್ನ ಕ್ಷೇಮವ ಪಾಲಿಸಿ 3

ಹಿತವಾವುದದೆ ಪಥದಿ ಸತತದೆನ್ನಿರಿಸೊ
ಮತಿಹೀನನ್ಹಿತದ ಪಥವರಿಯೆ ಹರಿಯೆ ಪ
ಅರಿವಿಗರಿವು ನೀನು ಮರೆಯಮಾನವ ನಾನು
ಹರಿದಾಸರರಸ ನೀ ಚರಣದಾಸನು ನಾನು
ದುರಿತ ಪರಿಹರ ನೀನು ದುರಿತಕಾರಿಯು ನಾನು
ದುರಿತ ಪರಿಹರಿಸೆನ್ನ ಪೊರೆಯೊ ಸಿರಿದೊರೆಯೆ 1
ಜೀವಜೀವೇಶ ನೀ ಜೀವನಾಧಾರ ನೀ
ಪಾವನೇಶ್ವರ ನೀ ಭಾವಿ ಭಕ್ತನು ನಾ
ಭವರೋಗದ್ವೈದ್ಯ ನೀ ಭವದ ರೋಗಿಯು ನಾನು
ಭವರೋಗ ಪರಿಹರಿಸಿ ಪಾವನನೆನಿಸಭವ 2
ನಾಶರಹಿತನು ನೀನು ನಾಶಕಾರಿಯು ನಾನು
ನಾಶನದಿಂದುಳಿಸೆನ್ನ ಪೋಷಿಸಲಿ ಬೇಕೊ
ಅನುದಿನ ಮೀಸಲಮನದಿಂದ
ಶ್ರೀಶ ಶ್ರೀರಾಮ ನಿಮ್ಮ ದಾಸನೈ ನಾನು 3

ನೀನೆ ಭಕುತಾಭಿಮಾನಿ ಕರುಣಿ ಪಮರೆಬಿದ್ದ ಭಕುತರ ಪೊರೆಯಲು ತವಸಮಕರುಣಿ ದೇವರ ಕಾಣೆಧರೆಎರಡೇಳರೊಳ್1ಶಿಲೆಯನು ಪೆಣ್ಣೆನಿಸಿ ಕುಲದೊಳು ಕಲೆಸಿದಿಸಲಹಿದಿ ಗಜನ ಮಹ ವಿಲಸಿತಮಹಿಮ ಪ್ರಭು 2ಮೊರೆಯಿಟ್ಟು ಸ್ಮರಿಸುವ ಚರಣದಾಸನ ಆಸೆಕರುಣದಿಂ ಪೂರೈಸು ಪರತರ ಶ್ರೀರಾಮ 3