ಗುರು ಸ್ವರೂಪದರಹು ಗುರುತದೋರುವ ಕುರುಹು
ಗುರುವ್ಹೆ ಇರುವ್ಹಾಂಗ ದೋರುದೆ ಪರಾತ್ಪರವು ಧ್ರುವ
ಅರವಿನಾಗ್ರದಲಿಹ ಕುರುಹುದೋರುವ ಖೂನ
ಗುರುತವಾಗುದೆ ಗುರುಕೃಪೆಯ ಜ್ಞಾನ
ಮರವಿನ ಮೂಲವನು ಮರೆದು ಬಿಡುವಸ್ಥಾನ
ಅರವೆ ಅರವಾಗಿದೋರುವ ನಿಜ ನಿಧಾನ 1
ಅರಹು ಮರವನೆ ದಾಟಿ ಮೀರಿ ದೋರುವ ಕುರುಹು
ಅರಿತು ಕೊಂಬುದೆ ತತ್ವದರವ್ಹಿನರಹು
ತಿರುಹು ಮುರುವ್ಹಿನ ಅರುಹದೋರಿ ಕೊಡುವುದೇ ಸ್ಥಿರವು
ಬೆರೆದು ಕೊಡುವದೆ ಗುರುಙÁ್ಞÀ ನಾನಂದ ಕುರುಹು 2
ಕರೆದು ಕರುಣಿಸಿ ದಯವು ಬೀರಿದನುಭವ ಸುಖವು
ಗುರುಭಾನುಕೋಟಿ ಪ್ರಕಾಶ ಎನಗೆ
ಅರವೆ ಅರಿವ್ಹಾಗಿ ತೋರಿತು ಮನೋನ್ಮನವಾಗಿ
ತರಳ ಮಹಿಪತಿಗೆ ಘನ ಬೆಳಗೆ ಬೆಳಕು 3

ಹರಿರೇವ ಪರೋ ಹರಿದೇವ ಗುರೋ
ಹರಿಯೇ ಗುರುವೆಂದರವ್ಹಿರೋ ಧ್ರುವ
ಗುರುಮಧ್ವಪರ್ಹೇಳಿದ ನಿಜಕೀಲು
ಅರಿತುಕೊಂಬುವಾದಿದೆವೆ ಮೇಲು
ಪರಮ ಭಗತರನುಭವದ ಬಾಗಿಲು
ಪರಗತಿ ಸಾಧನಕಿದೆ ಮಿಗಿಲು 1
ಹರಿಗುರುವೆರಡಾಗಿ ತೋರಿತು ನಾಮವು
ಅರಿಯಲರಿಯದವಾಗಿದೆ ಭ್ರಮವು
ತೋರುವದೊಂದೇ ಸಜ್ಜನರಿಗಿದೇ ನೇಮವು
ಅರಿಕ್ಯುಳ್ಳವರಿಗಿದೇ ಕ್ರಮವು 2
ಹರಿಗುರು ಒಂದಾಗಿ ತೋರಿತು ನಿಜಘನ
ತರಳ ಮಹಿಪತಿಸ್ವಾಮಿಯ ಕರುಣ
ಗುರುಭಾನುಕೋಟಿತೇಜನೆ ಪರಿಪೂರ್ಣ
ತೋರುವದೊಂದಾಗಿದೆ ನಿಜಖೂನ 3