ನಾನೀಯದಿದ್ದರೆ ನೀನೇನನೀವೆ ಪ
ನಾನು ಎಂಬುದು ಮಾತ್ರ ನಾ ನಿನಗಿತ್ತರೆ
ಏನನೀಯುವೆ ರಂಗ ದೀನದಯಾಳು ಅ.ಪ
ಅವಲಕ್ಕಿಯನು ತಂದವಗೆ ಭಾಗ್ಯವನಿತ್ತೆ
ನವಫಲವನಿತ್ತವಳಿಗೆ ಒಲಿದೆ
ನವನೀತವಿತ್ತರ್ಗೆ ಸುವಿಲಾಸಗಳನಿತ್ತೆ
ಭುವಿಯೆಲ್ಲವಿತ್ತಂಥವನ ಬಾಗಿಲಕಾಯ್ದೆ 1
ಗಜರಾಜನಂದು ಪಂಕಜವೊಂದನಿತ್ತಂದು
ಅಜಗರನನು ಕೊಂದು ಸೌಜನ್ಯವನಿತ್ತೆ
ಭುಜದ ಮೇಲೆ ನಿನ್ನನಂಗಜ ಪೊತ್ತು ತಿರುಗಲು
ರಜತಪದವಿಯನಿತ್ತು ವಿಜಯ ನೀ ಗೈದೆ 2
ಮಡದಿಮಣಿಯು ತಾನುಟ್ಟ ಪೀತಾಂಬರ
ದೆಡ್ಡೆಯ ಹರಿದು ನಿನ್ನ ಅಡಿಗೆ ಕಟ್ಟಲ್ಕೆ
ಮಡದಿಗೆ ಅಕ್ಷಯದುಡುಗೆಯ ನೀನಿತ್ತೆ
ಮೃಡನು ತಾನೇನು ಕೊಡಲೋ ಗೋವಿಂದಾ 3
ಜಗಜಟ್ಟಿ ಹನುಮನು ಬಗೆದು ನಿನ್ನಯ
ದುಗುಡವ ಬಿಡಿಸಿದ ಬಗೆಯ ನೀನÀರಿತೂ
ಜಗದೊಳು ಸರಿಯಾದುಡುಗರೆಯಿಲ್ಲದೆ
ನಗುತ ನಿನ್ನನು ನೀನೆ ಸೊUಸಿನಿಂದಿತ್ತೆ 4
ನಾನೆಂಬುದಲ್ಲದೆ ಏನುಂಟು ಎನ್ನೊಳು
ನೀನೀವೆನಿದ ಮಾತ್ರ ಶ್ರೀನಾಯಕೇಶ
ಏನನಾದರೂ ಸರಿ ನೀನೀಯೋ ಮುರವೈರಿ
ನಾನು ನನ್ನದು ನಿನ್ನಧೀನ ಮಾಂಗಿರಿರಂಗ5

ಮಾನವ ಶ್ರೀಗುರುಚರಣವ
ಮಾಡುತ ಪೂಜೆಯ ತೋಷದಲಿ ಪ
ಬೇಡುತ ನಿಜಸುಖ ಆಜ್ಞಾಚಕ್ರದೊ
ಳಾಡುತ ಪರಮನೆ ನೀನಾಗಿ ಅ.ಪ
ಸತ್ತು ಹುಟ್ಟಿ ಈ ಪೋಗುವದೇಹವ
ನಿತ್ಯವು ಎನ್ನುತ ಪೋಷಿಸದೆ
ಸತ್ಯಪ್ರಬಂಧವ ಶ್ರೀಹರಿಪಾದವ
ನೆತ್ತಿಲಿ ಪೊತ್ತರ ಮಗನಾಗಿ 1
ಚಿತ್ತವ ಚಲಿಸದೆಸಿದ್ದಾಪುರದೊಳ
ಗಿತ್ತರೆ ಬಂಧುರಸಿದ್ಧಿಗಳೂ
ಅರ್ಥಿಯಿಂದ ಬಂದೊದಗುವ ಫಲಗಳ
ವ್ಯರ್ಥವ ಮಾಡದೆ ಶೀಘ್ರದಲಿ 2
ಹರಿಯಜ ರುದ್ರರು ಈಶ ಸದಾಶಿವ
ಪರತರಮೂರ್ತಿಯ ಧ್ಯಾನಿಸುತ
ಗುರುವನೆ ಯಜಿಸುತ ಭಜಿಸುತ ಸರ್ವರು
ಗುರುವೇಯಾಗಿಹ ತೆರದಲ್ಲಿ 3
ತತ್ವಮಸಿಯ ಬೋಧಾಮೃತ ಸೇವಿಸಿ
ಮೃತ್ಯುವ ಜೇಸುತ ಧೈರ್ಯದಲಿ
ಪೃಥ್ವಿಯೊಳೀಮಹದೇವನಪುರದೊಳು
ಭಕ್ತರ ಪೊರೆಯುವ ದೊರೆಯನ್ನೆ 4