ಗಾನ ಹರಿನಾಮ ಕೀರ್ತನೆಯ ಗಾನ
ಪರಮಾದರವಿದ್ದರೆ ಗಾನ ಪ
ಗಾನದಿಂದ ಹರಿಯುವ ಬಾಷ್ಪಾಂಜಲಿ
ಭಾನುವಂಶ ಶೇಖರಿನಿಗುಪಾಯನ ಅ.ಪ
ಗಾನರಸದ ಮಜ್ಜನದಿಂದಲಿ ಮನ
ಕಾಣಲು ಶಮದಮ ಸುಖಗಳನು
ಕೂರ್ಮ ಮೊದಲಾದ ರಮೇಶನ
ನಾನಾ ಲೀಲೆಗಳನ್ನು ಪೊಗಳುವುದೇ 1
ನಾರಿಯ ಸೌಂದರ್ಯಕೆ ಮಾಂಗಲ್ಯವು
ಕಾರಣವಾಗುವ ತೆರದಲ್ಲಿ
ಹೇರಳ ಗಾಂಭೀರ್ಯವ ರಸಪುಂಜಕೆ
ಬೀರುವ ಶೌರಿಯ ಮಧುರನಾಮಗಳೆ2
ಆದಿವ್ಯಾಧಿ ಜನನಾದಿ ವಿರೋಧದ
ಬಾಧೆಯ ಕಳೆಯುವ ಔಷಧಿಯು
ಮಾಧವ ಮಧುಸೂಧನ ಶ್ರೀಧರಪರ
ಬೋಧ ಪ್ರಸನ್ನನ ಮಧುರ ನಾಮಗಳೇ 3