ಎಂದಿಗೊ ಕಾಣೆ ಸುಖವು | ಜೀವಕೆ ಪ
ಬಂಧಕದೊಳು ಸಿಕ್ಕಿ ಬಾಧೆ ಪಡುತಿಹುದು ಅ.ಪ
ಜನರೂಢಿ ನೋಡಿದರೆ ಕೊನೆಗಾಣುವುದೇ ಇಲ್ಲ 1
ಗರ್ಭಯಾತನೆ ಎಂಬೋದÀರ್ಭುದವಾಗಿಹದು
ನಿರ್ಭರ ದುಃಖಗಳಾವಿರ್ಭೂತವಾಗುವುದೊ 2
ಬಾಳುವ ಕೌಮಾರದಿ ಬಹುಚಿಂತೆಯನುದಿನ 3
ಬದ್ಧ ಸಂಸಾರಕೆ ಮದ್ದು ಮಾಡುವರಾರು 4
ಯಾವಾವಸ್ಥೆಗಳಲ್ಲಿ ಜೀವಗೆ ಸುಖವಿಲ್ಲ
ಕಾವನು ಗುರುರಾಮವಿಠಲನೊಬ್ಬನೆ ಬಲ್ಲ 5

ಕಿನ್ನೇಶದೂತರು ಎಳಿಯಾರೆ ಪ
ಹಿಂದಿನ ದುಃಖವ ನೆನಸಿಕೊ | ನೀನು |
ಬಂದದೆ ಒಂದೊಂದು ಗುಣಿಸಿಕೊ |
ಮುಂದೀಗ ಎಚ್ಚತ್ತು ನೋಡಿಕೊ |
ಇದು ಸಂದೇಹವೆನದೆ ನಿಜವಾಗಿ ತಿಳಿದಕೊ 1
ಗರ್ಭಯಾತನೆ ಬಲು ಹೇಸಿಕೆ | ವಳಗೆ |
ನಿರ್ಬಂಧವಾಗಿ ಬೆಳೆದು ಮೇಲಕೆ |
ದೊಬ್ಬುವರು ನಿನ್ನ ಕೆಳಿಯಿಕೆ |
ಬಿದ್ದು ಅಬ್ಬಬ್ಬ ಐಯ್ಯಯ್ಯವೆಂದು ಅಳಲೇಕೆ2
ಬಾಯಿಗೆ ಬಜೆ ಬೆಣ್ಣೆ ಕೊಡುವರು | ತಾಯಿ |
ಬಳಗವೆಲ್ಲ ಸಂತೋಷಬಡುವರು |
ಆಯಿತು ಮಗುವೆಂದು ನುಡಿವರು |
ಇವನ ಆಯುಷ್ಯ ಕಡಿಮೆಯೆಂದದು | ಅರಿಯದೆ ಕೆಡುವರು 3
ಚಿಕ್ಕಂದು ಎತ್ತಿ ಮುದ್ದಾಡಿ ಬೆಳಸಿ |
ಅಕ್ಕರದಿಂದಲಿ ನೋಡಿ ಕೊಂಡಾಡಿ |
ಫಕ್ಕನೆ ಕುಲಗೋತ್ರರ ಕೂಡಿ | ಒಬ್ಬ |
ರಕ್ಕಸಿಯ ತಂದು ನಿನಗೆ ಜತಿ ಮಾಡಿ 4
ನೆಲೆ ಇಲ್ಲದ ಮಮತೆಯೊಳು | ಮುಳುಗಿ |
ತಲೆಕೆಳಗಾಗಿ ನಡೆದು ಹಗಳಿರುಳು |
ಕುಲನಾಶಕನೆಂಬೊದು ಬಾಳು | ಬಿಡು |
ತಿಳಿಯ ಪೇಳುವೆನು ಎತಾರ್ಥವ ಕೇಳು5
ದುರ್ವಾಸನೆ ನಾರುವ ಬೀಡು | ಇದು |
ಸ್ಥಿರವಲ್ಲ ಎಂದಿಗು ಹಂಬಲ ಬಿಡು |
ಹರಿದಾಸರ ಸಂಗ ಮಾಡು | ಇನ್ನು |
ಹರಿನಾಮಗಳ ಕೊಂಡಾಡು 6
ಆವಾವ ಜನ್ಮದಲಿ ನೀನು | ಒಮ್ಮೆ |
ದೇವ ಎಂದೆನಲಿಕ್ಕೆ ನಾಲಿಗಿತ್ತೇನು |
ಈ ಉತ್ತಮವಾದ ಈ ತನು | ಬಂತು |
ಕೋವಿದನಾಗಿ ಶ್ರೀ ಹರಿಯನ್ನು ಕಾಣು7
ಆ ಮರ ಈ ಮರ ಎನಲಾಗಿ | ಅವನ |
ತಾಮಸದ ಜ್ಞಾನ ಪರಿಹಾರವಾಗಿ |
ಸ್ವಾಮಿಯ ದಯದಿಂದ ಮಹಯೋಗಿ | ಎನಿಸಿ |
ಭೂಮಿಯೊಳಗೆ ಬಾಳಿದನು ಚನ್ನಾಗಿ 8
ಸಿರಿ |
ರಂಗ ಯೆನಲಾಗಿ ಕಾಯ್ದ ಶ್ರೀಪತಿ |
ವಿಜಯವಿಠ್ಠಲ ನಂಬು 9

ಸಾಕು ಸಾಕು ಸ್ವಾಮಿ ಸಂಸಾರವು ಪ
ಸಾಕಿದರೊಳು ಲೇಶ ಸೌಖ್ಯವು ಕಾಣೆನು
ಬೇಕು ನಿನ್ನ ಪಾದಭಜನೆ ನಿರಂತರ ಅ.ಪ
ಚತುರಶೀತಿ ಲಕ್ಷಯೋನಿಗಳಲಿ ಪು-
ಟ್ಟುತ ಬೆಳೆಯುತ ಮೃತಿ ಪೊಂದುವ ಕಷ್ಟವು 1
ಮಾಂಸರಕ್ತ ಪೂರಿತ ಕೂಪದಿ ನವ-
ಮಾಸ ಮಾತೃಗರ್ಭಯಾತನೆಯಿನ್ನು 2
ಬಾಲರ ಕೂಡುತ ಬಾಲ್ಯದಲ್ಲಿ ಚೆಂಡು
ಗೋಲಿ ಗಜ್ಜುಗಗಳಾಡಿದ ಆಟವು 3
ಗರ್ವದಿಂದ ಮೈಮರೆತು ತಿರುಗುವುದು 4
ಸೇರಿ ಇರುವ ಕೌಮಾರಾವಸ್ಥೆಯು 5
ಕಿವಿಗಳು ಕೇಳದು ಕಣ್ಕಾಣದು ಬಾಂ-
ಧವರಧೀನದಲಿ ಬಾಳುವ ಕಷ್ಟವು 6
ಮರಣವಾದ ಮೇಲೆ ನರಕವು ಸ್ವರ್ಗವು
ಧರಣಿಯಲಿ ಪುಟ್ಟುವುದೋ ತಿಳಿಯದು 7
ಎಂತಾದರು ನಿನ್ನವರೊಳಿಡು ಸದಾ
ಪಂಥವೆ ದೀನರ ಮೇಲೆ ದಯಾನಿಧೆ 8
ಭಾಗ್ಯವಲ್ಲಿ ಹನುಮಂತನೊಡೆಯ ಶರ-
ಣಾಗವÀತ್ಸಲ ಗುರುರಾಮವಿಠಲ9