ನಿತ್ಯದುದಯಾಸ್ತಮಾನದಲಿ ಸ
ರ್ವೋತ್ತಮ ಹರಿನಾಮ ಬರೆದೋದಿ
ಭಕ್ತಿಯಿಂದಾಲಿಪರ ಭವತಾಪ ಜರೆ
ಮೃತ್ಯುನೀಗಿ ನಿತ್ಯಮುಕ್ತಿ ಕೈಸೇರುತಿಹ್ಯವು ಪ
ನರಿಹರಿ ಹಯವದನ ಜನಾರ್ದನ
ವಾಸುದೇವ ವಾರಿಜಾಕ್ಷ
ಮುರಧ್ವಂಸಿ ಮುಪ್ಪುರಾಂತಕ ಮುಕ್ಕುಂದ
ಹರಿ ಸರ್ವೇಶ ಉರಗಪರ್ಯಂಕ
ನಿರಂಜನ ನಿರ್ಜರೇಶ
ಶರಣಜನಮಂದಾರ ಸಿರಿಯರಸ
ಪರಮಪ್ರಕಾಶ ಪರತರೇಶ
ಪರಮಪುರುಷ ಪರಾತ್ಪರನೆಂದು 1
ಮಾಧವ ದೇವದೇವೇಶ
ದನುಜರಸಂಹರ ಶ್ಯಾಮಸುಂದರ
ಘನಮೇಘಶ್ಯಾಮ ಸಚ್ಚಿದಾನಂದ
ಚಿನುಮಯಾತ್ಮ ತಚ್ಚೈತನ್ಯರೂಪ
ವೇಣುಧರ ಗೋಪಾಲ ಗೋವ
ರ್ಧನೋದ್ಧಾರ ಗಾನಾಂದಧೋಕ್ಷಜಪಿತ
ಧ್ಯಾನಗಮ್ಯ ತ್ರಿಭುವನೇಶ ತ್ರಿವಿಕ್ರಮನೆಂದು 2
ನಿತ್ಯಗುಣಾರ್ಣವ ನಿಜಗುಣ ನಿಷ್ಕಲಂಕ
ನಿತ್ಯಾತ್ಮ ನಿರುಪಮ ಪರಂಜ್ಯೋತಿ
ನಿತ್ಯನಿರ್ಮಲ ಸತ್ಯಭಾಮಾಕಾಂತ ಚಿದ್ರೂಪ
ಚಿತ್ಕಳಂಕ ಕಮಲಾಕ್ಷ ಲಕುಮೀಶ
ಶೌರಿ ಸೂತ್ರಧಾರಿ
ಭಕ್ತವತ್ಸಲ ಭಯನಿವಾರ ನರಸಿಂಹ
ಮುಕ್ತಿದಾಯಕ ಮಧುಸೂದನ ರಮಾರಮಣ
ಮೃತ್ಯುಂಜಯ ವಿಶ್ವೇಶ ವಿಶ್ವವ್ಯಾಪಕನೆಂದು 3
ಕಾಲಾರಿ ಚಕ್ರಿ ಚತುರ್ಭುಜ ಭವನಾಶ
ನೀಲಾಂಗ ರಂಗ ರಾಘವ ಭುವನೇಶ
ನೀಲಲೋಚನ ನಗಧರ ಜಗಮೋಹ
ಮೇಲುನಿಲಯ ನಿಗಮಾತೀತ ಪದ್ಮನಾಭ
ಕಾಲೀಮರ್ದನ ಕೌಸ್ತುಭಾಂಬರ ವಿಷ್ಣು
ಪಾಲಸಾಗರಕನ್ನಿಕಾಪ್ರಿಯನಾಥ
ಲೀಲಜಾಲ ಜಾಹ್ನವೀಜನಕ ಕೇಶವ
ಶೂಲಪಾಣಿಸಖ ಶಾಂತಾಕಾರನೆಂದು4
ಪರಮಾನಂದ ಗೋವಿಂದ ಗಜರಕ್ಷ
ಶರಧಿಮಥನ ಕೂರ್ಮಮತ್ಸ್ಯ
ಕರುಣಾಂಗ ವಾಮನ ಧ್ರುವಪಾಲ
ದುರಿತಾರಿ ಕೃಷ್ಣ ವೆಂಕಟ ವಿಠಲ
ಶರಣಾಗತವರದ ನುತಪಾಲ
ವರದಾತ ವೇದಾಂಗ ಸುಖಧಾಮ
ವರ ಶ್ರೀರಾಮ ಪರಮ ಪುಣ್ಯನಾಮ
ಧರೆಮೂರರೊಳತ್ಯಧಿಕಮೆಂದು 5

ಪರಿಭವ ತಾಪಹರಣ ಪ
ದಯದಿ ಯುವತಿಯಕುಲ ಉದ್ಧಾರಣ
ಜವದಿ ಕರಿಧ್ರುವಬಂಧಮೋಚನ
ಯುವತಿಗಕ್ಷಯವಿತ್ತು ಒಲಿದು
ಹಯವ ಪಿಡಿದು ರಥವ ನಡೆಸಿದ
ಭುವನ ಬ್ರಹ್ಮಾಂಡ ಸೂತ್ರಧಾರಕ
ಶಿವಸುರಾರ್ಚಿತ ಪೊರೆ ಸುಹೃದಯ ಅ.ಪ
ಪತಿತಪಾವನ ಶ್ರೀಶಕೇಶವ ಸಹಸ್ರಾಕ್ಷಶಯನ
ಮಾಧವ ಭೋಗ ಗರುಡಗಮನ
ಪತಿತಪಾವನೆ ಇಂದಿರೆಂiÀi ಜೀವ ಜಗದಾದಿದೇವ
ಯತಿತತಿನುತ ಪವಿತ್ರನಾಮ
ಕ್ಷಿತಿಸುತೆಪತಿ ಪವಿತ್ರ ಮಹಿಮ
ಸತಿಯರವ್ರತಹರ ಜಿತಮಹಮುಪ್ಪುರ
ಕೃತ್ರಿಮ ಮುರಹರ ಮಥನಸಾಗರ
ನುತಿಪರ್ಹಿತಕರ ಸುಪಥರಾಧಾರ
ಹಿತದಿ ಪೊರೆಯೆನ್ನ ಕರುಣಾನಿಕರ 1
ನಿರುತ ಜನರ ಕಲ್ಪತರು ನೀನು ಭಯಭಕ್ತಿಯಿಂದ
ಸ್ಮರಿಸಿ ಬೇಡ್ವರ ಪರಮಸುರಧೇನು
ಸುರಗಂಗಾಜನಕ ಶರಣು ಸಜ್ಜನರಮಿತ ದಯಾ
ಪರನು ವಿಶ್ವರಕ್ಷಕನು ಮರಣರಹಿತ ಮದನತಾತ
ಶುಭ ಸಚ್ಚರಿತ
ದುರುಳ ಸಂಹರ
ಶರಣುಮಂದಾರ ಸುಗುಣರೋದ್ಧಾರ
ಶರಣಭಜಕರ ವರಸುಖಕರ
ಕರಣಿಸಭವನೆ ತ್ವರಿತ ಸುವರ 2
ಕುಸುಮನಯನ ಸ್ವತಂತ್ರ ಮಹಲೀಲ ದಿವಕೋಟಿ ಪ್ರಭಾಕರ
ಕುಸುಮಗಾತ್ರ ಮಹತಂತ್ರ ಮಾಯಜಾಲ ಗೋವರ್ಧನೋದ್ಧಾರ
ಕುಸುಮಧರ ಕುರುಕುಜನಕುಲಕಾಲ ಗೋಪಾಲಬಾಲ
ಕುಸುಮನಾಭ ಕೌಸ್ತುಭಾಂಬರ
ಅಸಮ ತುಲಸಿಮಾಲಾಲಂಕಾರ
ಒಸೆದು ದಾಸನ ಪುಸಿಯೆಂದೆನಿಸದೆ
ಹಸನುಮತಿಯಿತ್ತು ಪೋಷಿಸನುದಿನ
ಎಸೆವ ತವಪಾದ ನಂಬಿ ಮರೆಬಿದ್ದ
ಅಸಮದಯಾನಿಧಿ ಮಮ ಶ್ರೀರಾಮ 3

ಪಾಲಿಸಯ್ಯ ಪದುಮವದನ
ಪಾಲಸಾಗರಶಾಯಿ ನಂಬಿದೆ ಪ
ಪಾಲ ಸುಜನಶೀಲ ಸುಗುಣ
ಕಾಲಕಾಲದಿ ತವ ಭಜನ ಅ.ಪ
ನಾದಬ್ರಹ್ಮನಾದಿಕಾಲದ
ಆದಿವಸ್ತು ಭಜಿಪೆ ಸದಾ
ಮೋದದೀಯೋ ಎನಗೆ ಮುದ
ಭೇದವಾದ ಗೆಲಿದ ವಿಮಲ
ಸಾಧುಸುಜನರಮಿತವರ್ತನ
ವೇದವೇದಾಂತದೊಳು ಗೌಪ್ಯ
ವಾದ ನಿಜ ಬೀಜಮಂತ್ರ 1
ಮಾಲತುಲಸಿ ಕೌಸ್ತುಭಾಂಬರ
ಮೇಲುನಿಲಯ ಕುಜನಕುಠಾರ
ಶೀಲ ಸುಗುಣ ಕರುಣಾಮಂದಿರ
ಕೀಳುತನದಿ ಮಾಡಿದ ಎನ್ನ
ಹಾಳು ಪಾಪಗಳನು ಸುಟ್ಟು
ಬಾಲನೆಂದು ಕರುಣವಿಟ್ಟು
ಮೂಲತತ್ತ್ವಕಿಳಿಸು ದಯದಿ 2
ಭಾಸುರಕೋಟಿವರಪ್ರಕಾಶ
ಸಾಸಿರನಾಮ ಜಗಜೀವೇಶ
ದೋಷಹರಣ ಭವವಿನಾಶ
ದಾಸಜನರ ಪ್ರಾಣಪ್ರಿಯ
ಪೋಷಿಸೆನ್ನನುಮೇಷÀ ನಿಮ್ಮ
ದಾಸರ ದಾಸನೆನಿಸಿ
ಶೇಷಶಯನ ಶ್ರೀಶ ಶ್ರೀರಾಮ 3