ತೋರವ್ವಾ ಗೆಳತಿ ಶ್ರೀರಂಗನ ಭವಭಂಗನಾ|
ತೋರೆ ಕೋಮಲಾಂಗನಾ ಪ
ಅನಾದಿ ಬಾಂದವನೆನುತಲಿ|ಶೃತಿ ಹೊಗಳಲಿ|
ಶರಣನೀಗ ಬಂದಾ|
ಶ್ರೀನಿಧಿ ತುಷ್ಟನು ಭಕ್ತಿಲಿ|ಯಂದು ಕೇಳಲಿ|
ಮುಂದ ಗಾಣದೆ ನಿಂದಾ1
ಜಗಂಗದಂತರ್ಯಾಮಿಯನಿಸುವ|ಮನೆಮುರಿಲಿಹ|
ಕಂಗಳಿಗೆ ದೋರನಮ್ಮಾ|
ಮುಗಧಿಯೊಡನೆ ಠಕ್ಕವಳಿಯಾ|ದೋರುವರೇಕೈಯ್ಯಾ|
ಬಿರುದಿಗೆ ಛಂದೇನಮ್ಮಾ2
ಹಂಬಲಿಸುತ ಕಾವನೆನೆಯಲುಛಂದಾ|ಸ್ವಾನುಭಾವದಿಂದ|
ಡಿಂಬಿನೊಳು ಒಡಮೂಡಿ|
ನಂಬಿದವರ ಕಾವಾ ಮಹಿಪತಿ ಸುತಸಾರಥಿ|
ಕೊಟ್ಟನಿಂಬವ ಕೂಡೀ3

ಪನ್ನಗ ವೇಣಿ | ನಿನ್ನ ನಗಲಿದಾ |
ಮೊದಲಿನ್ನುಕೋಮಲಾಂಗನಾ | ಮುನ್ನಿನೊಲುವನಾಕಾಣೆ |
ಮಂದಗಮನೆ ಪ
ಕಂಗಳೆವಿಯಾ ಸಿಕ್ಕದೆ | ನಿನ್ನನೆನೆದು |
ಅಂಗ ಕಳೆಗಳ ತೋರದೇ |
ರಂಗ ನೆಡಬಲ ನೋಡಾ | ಇಂಗಿತ ಮಾನಿನಿಯರಾ |
ಮುಂಗೋಪಿಯಾದಾ ಕೇಳಮ್ಮಾ ಹೇಳಲೇನಮ್ಮ1
ವಿರಹ ತಾಪವ ಬರೆದು ವಿರಕ್ತಿಯಿಂದಾ |
ತಿರುಕರ ವೇಷ ತಳೆದು ಧರೆಯಾಧಾರೆಯೆರೆದು |
ಅರಸುತನವ ಬಿಟ್ಟು | ಮರಳ ಗೋಲರಾ ಸೇರಿದಾ |
ಮಾತು ಮೀರಿದಾ 2
ವರದ ತಂದೆ ಮಹಿಪತಿ | ನಂದನ ಪ್ರಾಣಾ |
ಸಾರಥಿ | ಕರುಣಾಳು ಎಂಬುದಕೆ |
ತುರುಗಾವನಾಗಿ ಬಂದ | ಹರಿಣಾಕ್ಷಿ ಏಳಾಲಿಂಗಿಸೇ3