ಗುರು ನಿಮ್ಮ ದಯವೆನಗಾನಂದೋದಯ
ಸರಿಸೌಖ್ಯಕರನೀವÀ ಮಹದಾಶ್ರಯ ಧ್ರುವ
ಗುರುನಿಮ್ಮ ಕೃಪೆನೋಟ ಎನಗನುಭವದೂಟ
ಸುರಸಯೋಗದ ಆಟ ಪರಮನೀಟ
ಗುರು ಸುಬೋಧದ ಕೂಡಿ ಎನಗೆ ನಿಜ ಘನ ಪ್ರಗಟ
ಕರಕಮಲ ಭಯದಮಾಟ ವರಮುಗುಟ 1
ಗುರುನಿಮ್ಮ ದಯಕರುಣ ಎನಗೆ ಸಕಲಾಭರಣ
ವರ ಪ್ರತಾಪದೆ ವಿಜಯಾನಂದಘನ
ಗುರು ನಿಮ್ಮ ಶ್ರೀ ಚರಣ ಎನಗೆ ಬಳಗವು ಪೂರ್ಣ
ಹರುಷಗತಿ ಸಾಧನ ಪರಮಘನ 2
ಗುರು ನಿಮ್ಮ ಬಲವೆ ಬಲ ಎನಗನುದಿನ ದೆಲ್ಯಚಲ
ಹೊರುಹುತಿಹ ನಾಮನಿಜ ಸರ್ವಕಾಲ
ತರಳ ಮಹಿಪತಿಗೆ ನೀಮಾಡುತಿಹ್ಯ ಪ್ರತಿಪಾಲ
ಗುರು ಭಾನುಕೋಟಿತೇಜನೆ ಕೃಪಾಲ 3

ಬ್ರಹ್ಮಾದಿದೇವಗಣ ನಮಿತ ಪಾದಯುಗಳನೆ
ನಿನಗೆ ರಂಗಧಾಮನೆ ಪ
ಸುಮನಸರೊಡೆಯನೆ ಕಮಲಾಪತಿಯೆ ಅ.ಪ.
ಗೋಪಾಲ ಬಾಲಕಿಯರ ಮನಕುಮುದ ಚಂದ್ರನೆ
ನಿನಗೆ ರಂಗಧಾಮನೆ
ಕಪಟ ರಕ್ಕಸರನು ಮಡುಹಿದನೆ 1
ಕಾವೇರಿ ತೀರದಲ್ಲಿ ನಿಂದ ಪಾವನರೂಪನೆ
ಹಾವಿನಹÉಡೆಯೊಳ್ಕುಣಿದವನೆ ಸನ್ಮಂಗಳಂ
ನಿನಗೆ ರಂಗಧಾಮನೆ
ನಮ ತೋಹನಾಂಗೀಯ ರಾಮನಾಪಹಾರಿಯೆ 2
ಮಾನಿನಿ ದ್ರೌಪದಿಯ ಮಾನವನ್ನು ಕಾಯ್ದನೆ
ನಿನಗೆ ರಂಗಧಾಮನೆ
ದಿನಕರ ಕೋಟಿತೇಜನೆ ರಂಗೇಶವಿಠಲನೆ 3

ವಿಶ್ವಾತ್ಮ ಪರಿಪೂರ್ಣ ವಿಶ್ವವ್ಯಾಪಕ ನೀನೆ
ವಿಶ್ವವಂದಿತ ವಿಶ್ವನಾಥ ನೀನೆ ಧ್ರುವ
ವಿಶ್ವಾತ್ಮದಲ್ಯಾಡುವ ವಿಶ್ವಸ್ವರೂಪವು ನೀನೆ
ವಿಶ್ವ ನಿರ್ಮಿತ ವಿಶ್ವಪಾಲ ನೀನೆ
ವಿಶ್ವಲಿಹ ವಿಶ್ವೇಶ್ವರ ನೀನೆ 1
ವಿಶ್ವತೋ ಚಕ್ಚು ನೀ ವಿಶ್ವತೋ ಮುಖ ನೀನೆ
ವಿಶ್ವತೋ ಬಹು ಸಾಕ್ಷಾತ್ ನೀನೆ
ವಿಶ್ವಾಂತ್ರ ಸೂತ್ರನೆ ವಿಶ್ವಂಭರನು ನೀನೆ
ವಿಶ್ವರಹಿತ ವಿರಾಜಿತನು ನೀನೆ 2
ವಿಶ್ವಾಂತರಾತ್ಮ ಭಾಸ್ಕರ ಕೋಟಿತೇಜನೆ
ವಿಶ್ವಾನಂದ ಘನಮಹಿಮ ನೀನೆ
ವಿಶ್ವಾತ್ಮ ಹಂಸ ಮಹಿಪತಿ ಗುರುನಾಥನೆ
ವಿಶ್ವಾಸಲೋಲ ವಿಶ್ವೇಶ ನೀನೆ 3

ಸ್ವಯಂ ಭಾನು ಉದಯವಾದ ನೋಡಿ
ದಯಕರುಣಾನಂದದ ಕೃಪೆಮಾಡಿ ಧ್ರುವ
ರವಿಕೋಟಿತೇಜನೆ ಬಂದ ಮೂಡಿ
ಭವಭ್ರಮದ ಕತ್ತಲ್ಹೋಯಿತೋಡಿ
ದೇವದೇವೋತ್ತಮನ ಪ್ರಭೆ ಕೂಡಿ
ದಿವಾರಾತ್ರಿಲ್ಲದಾಯಿತು ನೋಡಿ 1
ಜ್ಞಾನ ಗಮ್ಯವಾಗಿದ್ದ ಸುವಸ್ತ
ಕಾಣಬಾವ್ಹಾಯಿತು ಮನಸ್ವಸ್ತ
ಮನದಿಂದೆವೆ ಆಯಿತು ಮನಸ್ವಸ್ತ
ಘನಮಯವೆ ತೋರಿತು ಸಮಸ್ತ 2
ತಾನೆ ತನ್ನಿಂದುದಯವಾದ ಪೂರ್ಣ
ನಾನಾವೆಂಬುದ್ಹೋಯಿತನುಮಾನ
ಆನೇಕಲಿದೋರಿತು ಇದೆ ಖೂನ
ದೀನ ಮಹಿಪತಿ ಸ್ವಹಿತ ಸುಧನ 3

ಹರಿರೇವ ಪರೋ ಹರಿದೇವ ಗುರೋ
ಹರಿಯೇ ಗುರುವೆಂದರವ್ಹಿರೋ ಧ್ರುವ
ಗುರುಮಧ್ವಪರ್ಹೇಳಿದ ನಿಜಕೀಲು
ಅರಿತುಕೊಂಬುವಾದಿದೆವೆ ಮೇಲು
ಪರಮ ಭಗತರನುಭವದ ಬಾಗಿಲು
ಪರಗತಿ ಸಾಧನಕಿದೆ ಮಿಗಿಲು 1
ಹರಿಗುರುವೆರಡಾಗಿ ತೋರಿತು ನಾಮವು
ಅರಿಯಲರಿಯದವಾಗಿದೆ ಭ್ರಮವು
ತೋರುವದೊಂದೇ ಸಜ್ಜನರಿಗಿದೇ ನೇಮವು
ಅರಿಕ್ಯುಳ್ಳವರಿಗಿದೇ ಕ್ರಮವು 2
ಹರಿಗುರು ಒಂದಾಗಿ ತೋರಿತು ನಿಜಘನ
ತರಳ ಮಹಿಪತಿಸ್ವಾಮಿಯ ಕರುಣ
ಗುರುಭಾನುಕೋಟಿತೇಜನೆ ಪರಿಪೂರ್ಣ
ತೋರುವದೊಂದಾಗಿದೆ ನಿಜಖೂನ 3